KABANATA II Rebyu ng mga Kaugnay na Literatura at Pag-aaral
Kaugnay na Literatura Dayuhan: Ayon kay Sirea (2012) ang panliligaw ay isang gawain ng taong nangingibig o nanunuyo sa isang taong napupusuan niya . Isa ito sa pamamaraan ng pagpapahayag ng damdamin at pagpapakita ng isang malinis na hangarin upang makamit ng mangingibig ang pagtanggap at pag-ibig ng kanyang napupusuan. Ayon naman kay Tom Brown (2011) ang panliligaw ay pinaglalaanan ng oras at isang matagumpay na pagkilala sa isang tao sapat para malaman kung sila ang nararapat na maging mag-asawa. Ang panliligaw ay isang yugto ng buhay kung saan ang dalawang tao ay kinikilala ang bawat isa hanggang sa madebelop sa isang romantikong relasyon. Saanamng lugar, anumang oras, may dalawang nilalang na pagtatagpuin at ang isa sa kanila ay nakatakdang maranasan ang panliligaw sa natitirang isa pa. (Tumbler, 2010) Ayon kay Abner, 2001 ang panliligaw ng lalaki ay ginagawa sa pamamagitan ng paghaharana kasama ng kanyang mga barkadana pupunta ang binata sa bahay ng dalagang kanyang sinisinta, bitbit ang gitara at lakas ng loob. Sa tapat na durungawan ng babae, idaraan ang lalaki ang kanyang pagsinta sa pamamagitan ng pag-awit, kahit sintunado’t pipiyuk-piyok ang boses at pulos playa ang paggigitara. Minsan magtatagumpay ang binata’t makukuha ang
matamis na “Oo” ng dalaga pati ang mga magulang, ngunit kailangan nitong makadaan sa butas ng karayom, minsan naman nabubuhusan sila ng bald eng tubig mula sa bintana. Nababaon na ang ganitong klase ng tradisyon dahil sa teknolohiya. Kung dati’y tutungo pa ang binata sa tahanan ng dalaga, ngayon ay tatawagan, itetext o ifefacebook na lamang. Hindi na rin kailangan kantahan ang dalaga. Dalhin mo lang sa Enchanted at bigyan ng stuffed toy ay kayo na. Minsan o dumadalas na rin na ang babae ang umaakyat ng ligaw. Nababago ang kalakaran ng tao sa paglipas ng panahon. (Abner, 2008) Ayon naman kay Miss Sassy (2008), masasabi lang na nanliligaw ang isang lalaki kapag sinabihan na niya ang kanyang nililigawan na mahal niya ito. Ang kahandaan ng panliligaw ay hindi usapin ang edad o tagal ng pagiging single. Mas mahalagang malaman kung nasa tamang kundisyon ang pagkatao, isip at puso ng isang tao. (Ronald Molmisa, 2010)
Kaugnay na Pag-aaral Dayuhan: Ayon sa isang pananaliksik ng Sisters, (2006) na may pamagat na Tongue in a Lung, ang panliligaw ng isang lalaki sa kanyang sinisinta ay para na ring panliligaw sa kanyang buong pamilya. Niyaya rin ng manliligaw ang lumbas hindi lang ang kanyang nililigawan, kung hindi pati na rin ang mga kaibigan nito. Ang panliligaw ay paglalaan ng oras ng dalawang tao sa isa’t isa upang kilalanin ang pamilya at kaibigan ng bawat isa ayon sa pananaliksik ng Sisters, 2006.
Ayon sa pananaliksik noong 1999 ni Ms. Kristen na pinamagatang The most preferred courtship, ang mga edad ng mga interesado sa panliligaw ay sa edad ng mga nag-aaral sa kolehiyo o isang estudyante. Ang panliligaw ay isang gawain na naiimpluwensyahan ng oras, kundisyon ng paligid, kultura at institusyon sa kinapapaligiran ng isang tao
Kaugnay na Literatura Lokal: Noong sinauna, ang panliligaw ay isang ritwal na inuugnay sa daan patungo sa kasal. Kapag nanligaw ang isang lalaki sa isang babae, seryoso ang kanyang pakay sa dilag. Handa siyang gawin ang kahit anong mahirap na pagsubok para lamang makamtan ang matamis na oo ng dilag. (Beatriz, 1998) Ayon kay De Guzman, Maria Odulio (2005), isang kaugalian sa mga Pilipino ang pagakyat ng ligaw o pagdalaw ng binata sa tahanan ng kanyang iniibig na babae. Sa pamamaraan na ito, maaaring manghiram ang kabataang lalaki ng aklat o anumang babasahin bilang pagsubok sa babae: isang pag-alam kung may gusto rin at pauunlakan ito ng sinisintang dalaga. Kapag nagpahiram ang babae ng babasahin, mataimtim na makapag-iipit ang dalawa ng mga lihim na liham para maipaalam nila ang kanilang mga damdamin para sa isa't isa. Lihim ito sapagkat kapag dumadalaw ang isang lalaki sa tahanan ng babae, naroroon ang mga magulang nito, na kinakaharap din ng binatang nanliligaw. Hindi lamang ang usaping pag-ibig ang napag-uusapan kapag kaharap ang mga magulang ng dalaga, kabilang dito ang taya ng panahon, politika, at iba pang mga bagay na mapag-uusapan. Isang tanda na may pag-asa ang lalaki na maging kasintahan
ang babae kung magpahiram ang dalaga ng babasahin, ang aklat ang nagsisilbing simula at "tulay" ng kanilang unang pag-uugnayan. Kaugnay na Pag-aaral Lokal: Ayon sa isinagawang pag-aaral ni Leo W. Pinard noong 2009 na pinamagatang Panliligaw sa Urban Visayas, ang panliligaw ay ginagawa ng isang kalalakihan sa iba’t-ibang paraan. Naiimpluwensyahan din ang mga paraang ito ng kanilang pamilya, kaibigan at mga nakakasalamuha. Ayon naman kay Alegre, Eldiberio sa kanyang pag-aaral na pinamagatang Tuksuhan, Ligawan: Courtship in Philippine Culture, sa panliligaw, ang lalaki ay inaasahan na pagbubutihin ang pakikitungo sa pamilya ng babae. Gagawin niya ang lahat upang makuha niya ang loob ng pamilya at gayun na rin ang loob ng babae. Ang pangkaraniwang ginagawa ng lalake sa probinsiya ay ang mag-igib ng tubig, mag-palakol ng kahoy, at tumulong sa kung anong gawain sa bahay. Sa madaling-salita, maninilbihan ang lalaki sa pamilya ng babae. Pag sinagot na siya ng babae ay hudyat na tapos na ang panliligaw niya sa babae. Maaring mauwi sa mahabang dulang ang panliligaw.
