Gabay Sa Pagsusuri Ng Pelikula at Guide Questions

GABAY SA PAGSUSURI NG PELIKULA I. Tungkol sa Pelikula

A. Pamagat ng Pelikula: (Ibibigay ng mag-aaral ang pamagat ng pelikulang sinuri at pagpapakahulugan sa pamagat. Maaaring sagutin ang katanungang bakit?)

B. Direktor: (Pangalan ng Direktor)

C. Prodyuser: (Pangalan ng Prodyuser o mga prodyuser)

D. Pangunahin tauhan: (Pangalan ng karakter  – artistang gumanap  – paglalarawan)

E. Tema ng Pelikula: (Ano ang paksang tinatalakay sa pelikula?)

F. Buod ng Pelikula (Magbigay ng maikling buod ng pelikula.)

II. Mga Aspektong Teknikal

A. Musika (Nababagay ba ang mga tunog at musikang ginamit sa pelikula? Nakatulong ba ang musika sa paguhit ng emosyon at pagpapatingkad ng kagandahan ng kwento?)

B. Sinematograpiya (Maganda ba ang kabuuang kulay ng pelikula? Mapusyaw ba o matingkad ang pagkakatimpla ng kulay na kuha ng mga camera? Maganda ba ang visual effects na ginamit?)

C. Pagkasunud-sunod ng mga Pangyayari

(Maayos ba ang pagkakasunud-sunod ng mga eksena? Hindi ba ito nakalilito? Lahat ba ng tagpo ay malinaw at mahalaga sa pinapaksa?)

D. Pagganap ng mga Artista (Maganda ba ang pagka-ganap ng mga artista? Makatotohanan ba ang emosyong kanilang pinapapakita? Paano nakatulong ang kanilang pag-arte sa pagunawa sa nilalaman?)

E. Tagpuan (May maganda bang tagpuan ang pelikula? Nakatutulong ba ang tagpuan sa kabuuang palabas? Angkop ba ang mga tagpuang ginamit sa tema at kwento ng pelikula?)

III. Kahalagahang Pantao

A. Paglalapat ng Teoryang Realismo (Makatotohanan ba ang mga pangyayaring pinapapakita sa pelikula? Anu-ano ang mga isyu na tinalakay sa pelikula na maihahalintulad sa mga isyung nagaganap sa lipunan?)

B. Paglalapat ng Ibang Teoryang pampanitikan ( Para sa ikaapat na taon) (Magbigay ng tatlong eksena o tagpo sa pelikula na gumait ng iba pang teorya maliban sa Realismo.)

C. Mga Aral (Karamihan sa mga pelikula ay gumagamit ng Christ like character kung saan ang bida ay may mga katangiang katulad kay Kristo. Sa pelikulang Caregiver, Paano maihahalintulad ang pangunahing karakter sa mga katangian ni Kristo. Gamitin ang Venn Diagram sa bahaging ito. )

D. Kabuuang Pananaw (Paano naiiba ang pelikulang ito sa mga pelikulang napanood mo?Naangkop ba ang pelikula sa atin. Karapat-dapat bang panoorin ang pelikula? Bakit?)

GUIDE QUESTIONS PAMAGAT NG PELIKULA: Naaayon ba ang pamagat ng pelikula? Bakit ito ang pamagat?

PRODUKSYON: DIREKTOR: Naisayos ba ng direktor ang mga eksena at organisado ang pagkakalapat nito?

Ibigay ang buod ng pelikula. 1. Sinu-sino ang mga nagsipagganap sa pelikula? Suriin ang kanilng ginampanang karakter sa pelikula? Isa-isahin 2. Maayos ba ang pagkakalapat ng musika at tunog sa mga bahagi ng pelikula? Bakit? Ipaliwanag. 3. Maayos ba ang sinematograpiya ng pelikula? Maganda ba ang paghahalo ng mga kulay sa mga eksena ng pelikula? Masyado bang madilim o maliwanag, kulang o labis ang mga kulay na ginamit sa mga eksena ng pelikula. 4. Ang editing ng pelikula ay nagpapakita ba ng kahusayan ng pagkakatagni-tagni ng mahusay ng pelikula? Ipaliwanag. 5. Makatotohananba ang set design ng pelikula? May kakulangan ba o labis ang pagkakaayos ng set ng pelikula ayon sa hinihingi nitong mga eksena? 6. Ang dereksyon ba ng pelikula ay nagpapakita ng kahusayan at kaayusan na pinakita sa kabuoan ng pelikula? Ipinakita ba ang ekspertis ng direktor sa kanyang pelikula? Ipaliwanag. 7. Ano ang kaisipan, mensahe at mga aral na ankuha mo sa pelikula? Bigyan mo ito ng sariling pananaw o pagtalakay.