Pagsasaliksik sa Dahilang Higit na Nakakaapekto sa Pagbagsak sa Ilang Asignatura sa Kursong ECE

Page

1 KOLEHIYO NG PAG-IINHINYERO AT PAGPAPAKADALUBHASA SA KOMPYUTER

Pagsasaliksik sa mga Dahilang Higit na Nakakaapekto sa Pagbagsak sa ilang Asignatura sa Kursong ECE

Page


Talaan ng Nilalaman Pamagat Pagkilala Paghahandog Talaan ng Nilalaman

Kabanata 1: Suliranin at Kaligiran ng Pag-aaral Panimula Suliranin Layunin Saklaw at Limitasyon Sintesis Inaasahan sa Pag-aaral Depinisyon ng mga Terminong Ginamit

Kabanata 2: Mga Kaugnay na Literatura ng Pag-aaral

Kabanata 3 Disenyo at Metodolohiya ng Pagsasaliksik Disenyo ng Pag-sasaliksik Lugar ng Pag-aaral

Page


Populasyon ng Respondente Intrumentong Pampananaliksik Tritment ng mga Datos

Kabanata 4: Paglalahad, Pagsusuri at Interpretasyon ng mga Datos

Kabanata 5: Konklusyon at Rekomendasyon Konklusyon Rekomendasyon

Dagdag Dahon A: Talasanggunian Dagdag Dahon B: Talatanungan Dagdag Dahon C: Tala sa Buhay ng mga Mananaliksik Dagdag Dahon D: Mga Respondente

Page


PAGKILALA Ang mga mananaliksik ay taos-pusong nagpapasalamat sa mga taong tumulong at sumuporta upang ang pamanahong papel na ito ay matagumpay na maisakatuparan. Una sa lahat, sa Poong Maykapal, ating tagapagligtas sa pagbibigay ng katalinuhan, lakas at kaalaman upang makatuklas ng mga panibagong bagay, gabay at patnubay na kanyang bigay buhat sa mga mananaliksik upang harapin ang mga pagsubok na nagdaan sa panahon ng pagsasagawa ng pag aaral na ito. Sa pagbibigay ng determinasyon sa mga mananaliksik na magsumikap sa pag aaral na ito at magawa itong posible at matagumpay. Sa mga respondanteng mag-aaral mula sa ikalimang taon ng kursong ECE na naglaan ng oras at tiyaga upang masagutan ang survey questionnaire, ang mga mananaliksik ay lubos na nagpapasalamat sa inyo. Kung hindi dahil sa mga datos na inyong ibinigay ay hindi maisasakatuparan ang tunay na layunin ng pamanahong papel na ito. Ang mga mananaliksik ay espesyal din na nagpapasalamat sa propesor ng Filipino na si Bb. Fatima A. Virrey bilang tagapayo din ng mga mananaliksik sa pag aaral na ito na nagbigay ng walang sawang patnubay, ideya para sa ikauunlad ng pag aaral na ito, opinion, suhestyon, oras upang maiwasto ang pananaliksik na ito at kaalaman upang matulungang maliwanagan ang isipan ng mga mananaliksik. Salamat po sa inyong suporta, payo at pasensya na inyong ibinigay simula pa noong

Page


unang araw ng pagbubuo ng pamanahong papael na ito. Ang lahat po na inyong naitulong ay lubos na pahahalagahan. Pinakahuli at higit sa lahat, lubos na pagpapasalamat ang nais ibigay ng mga mananaliksik sa kanilang mga magulang at pamilya, mga kaibigan at kaklase sa patuloy na paniniwala na matapos at maisakatuparan ang pag aaral na ito. Sa patuloy na pagmamahal na nagbigay inspirasyon para sa mga mananaliksik. Sa tiwala, oras at suporta sa lahat ng desisyong isinagawa ng mga mananaliksik. Sa mga magulang na nagbibigay ng pinansyal na suporta, pasensya, gabay at kahit wala na sa oras ang pagtulog, pagkain at lahat ng obligasyon sa bahay ay hindi na gaanong nagagampanan ay kanila paring iniintindi at inuunawa. MARAMING SALAMAT PO!

Mga Mananaliksik, A.M.R.A. B.J.M.S. D.P.G.L. M.J.M.

Page


KABANATA 1 SULIRANIN AT KALIGIRAN NG PAG-AARAL

Panimula Ang Electronics and Communications Engineering o ECE ang isa sa mga unang kursong inialok sa mga mag-aaral ng Lyceum of the Philippines-Laguna (dating Lyceum Institute of Technology) noong ito ay nagbukas sa publiko noong Enero 2000. Ayon sa datos mula sa Office of the Registrar ang ECE ang isa sa pinakadominanteng kurso sa paaralan. Pumangalawa ito sa rami ng populasyon sumunod sa International Tourism and Travel Management (ITTM) at pangalawa rin sa buong Engineering Department kasunod ng Industrial Engineering. Sa mga nakaraang taon hanggang sa kasalukuyan, nagsasagawa ang paaralan ng pangangalap ng datos tungkol sa kursong ito. Bilang ito ay kabilang sa mga kursong kumukuha ng board exam, mahigpit itong binabantayan ng paaralan lalo’t higit ang ipinapakitang husay ng mga mag-aaral. Mula sa Departamento ng Engineering at Computer Studies, hindi maittanggi ng mga datos mula sa Registrar na maraming bumabagsak taun-taon sa mga asignaturang sangkot ang matematika. Ilan sa mga asignaturang ito ang

Page


Trigonometry at Algebra sa unang taon at Solid mensuration at Analytic Geometry sa ikalawang taon. Kaugnay ng mga nabanggit na datos at pagsusuri ng institusyon, ang pagiging kabilang ng ECE sa mga kursong kumukuha ng Board Exam ay nakadaragdag ng pressure sa isang mag-aaral. Kasama pa sa mga ito ang oras na inilalaan sa pag-aaral at gradong kailangang bantayan upang hindi bumagsak. Dahil rito ang mga mananaliksik bilang parte rin ng mga mag-aaral na kumukuha ng kaparehong kurso, ay nais malaman ang mga nakakaapekto at dahilan ng pagbagsak ng mga mag-aaral. Ito ay isasagawa upang makapagbigay tuon at mapagbuti pa ng mga mag-aaral ang kanilang pag-aaral. Ang pag-aaral ay isasagawa sa pamamagitan ng sarbey kung saan ay ilalahad ng mga mag-aaral ng ECE ang mga dahilan ng kani-kanilang pagbagsak sa mga asignatura. Mula sa sarbey ay dito magmumula ang mga sagot sa mga katanungan ng mga mananaliksik.

Page


Suliranin Ang pagsasaliksik ay pangunahing isinagawa upang sagutin ang sumusunod na mga katanungan: 1. Demograpikong pagkakakilanlan ng mga respondente: a. Edad b. Kasarian c. Taon/Baitang d. Marka (GWA) 2. Ano-anong mga salik ang nakakaapekto sa pagbagsak ng mga mag-aaral ng ECE sa ilang asignatura? a. Emosyonal b. Pisikal c. Sosyal 3. Ano-ano ang mga asignaturang kadalasang naibabagsak ng mga mag-aaral? a. Unang Taon b. Ikalawang Taon c. Ikatlong Taon d. Ikaapat na Taon e. Ikalimang Taon

Page


Kahalagahan ng Pananaliksik Ang pag aaral ng "Mga dahilan ng pagbagsak sa mga asignatura ng mga mag-aaral ng ECE ayon sa karanasan ng Ikalimang Taon Batch 2014-2015 ng Lyceum of the Phils. Laguna" ay makatutulong partikular sa mga kasalukuyang mag aaral ng ECE:

1. Upang malaman ang mga bagay na nakakaapekto sa pagbagsak ng mga mag aaral 2. Upang matulungan ang mga mag aaral hinggil sa mga dahilan ng pagbagsak sa mga asignatura ng mga mag-aaral ng ECE ayon sa karanasan ng Ikalimang Taon Batch 2014-2015 ng Lyceum of the Phils. Laguna. 3. Upang mabigyan ng pansin ng mga guro/propesor ang mga asignatura na magpapaunlad rin ng estilo sa kanilang pagtuturo. Ito ay makatutulong sa mga propesor at maging higit sa ating institusyon. 4. Upang magbigay babala at upang mapagtuunan ng mas malaking atensyon at paghahanda ng mga susunod na batch ng ECE ang mga pag aaralan upang makaiwas sa pagbagsak. 5. Upang maipakita ng sapat ang mga asignatura na naibabagsak o inuulit ng isang estudyante ng Elektronika na syang magbibigay ng dagdag na impormasyon at ideya sa lahat ng mag aaral na kumukuha ng kursong ECE.

Page


6. Upang malaman ang importansya ng pag aaral at sakripisyo na maaaring maidulot ng pagbagsak. 7. Upang magbigay solusyon o pamamaraan na syang makatutugon sa mga problemang nakakaapekto sa pag aaral ng mga mag aaral.

Layunin ng Pag-aaral Pangunahing layunin ng pagsasaliksik ay upang makatugon sa mga sumusunod: 1. Malaman ang mga dahilan sa pagbagsak ng mga mag-aaral ng ECE sa ilang asignatura. 2. Malaman ang mga asignaturang kadalasang naibabagsak ng mga mag-aaral ng ECE. 3. Makapagbigay ng solusyon sa mga problemang nakakaapekto sa pagbagsak ng mga mag-aaral sa ilang mga asignatura.

Page


Saklaw at Limitasyon Ang pagsasaliksik ay naglalayon lamang na makapagbigay ng konkretong sagot sa mga katanungan tungkol sa mga dahilan ng pagbagsak ng mga mag-aaral. Ang mga sagot na makukuha at mababasa sa pag-aaral na ito ay mula lamang sa persepsyon ng ng ikalimang taon ng kursong ECE batch 2014-2015 bilang representasyon ng limang taong pag-aaral sa Lyceum of the Philippines-Laguna. Wala nang ibang pagsusuri ang isinagawa.

Konseptwal na Balangkas

Paradigma Ipinapakita ng balangkas ang mga bagay o mga kategorya ng mga salik na nakakaapekto sa pagbagsak ng mga mag-aaral ng ECE sa ilang mga asignatura. Nakasaad sa balangkas ang Emosyonal, Pisikal at Sosyal na aspeto. Ipinapakita rin

Page


ng balangkas ang magiging resulta gayun din ang salik na higit na nakakaapekto sa pagbagsak ng mga mag-aaral sa kursong ECE.

Sintesis Ang mga pangunahing salik na nakakaapekto sa pagbagsak ng mga magaaral sa kursong ECE ay naayon sa kanilang emosyonal, pisikal at sosyal na pakikitungo sa kanilang paligid na ginagalawan. Lumalabas sa mga pag-aaral ng mga eksperto, malaking porsyento ng pag-iisip ay naiimpluwensyahan ng mga salik na ito.

Inaasahan sa Pag-aaral Inaasahan ng mga mananaliksik na makapagbigay ng konkreto at espisipikong sagot sa mga suliranin sa pamamagitan ng pagsasaliksik ukol sa salik na higit na nakakaapekto sa pagbagsak sa ilang asignatura ng mga mag-aaral sa kursong ECE

Page


Depinisyon ng mga Terminong Ginamit Upang mas maging ganap at madali ang pag-intindi ng mga mambabasa ay minarapat ng mga mananaliksik na bigyan ng depinisyon ang sumusunod na terminolohiya batay sa kung paano ito ginamit sa konteksto ng pamanahong papel: 

ECE o Electronics and Communications Engineering- isang disiplinang ng inhenyeriya kung saan ang mga langkap o kumponenteng pangkuryente na hindi nakalinya at active na katulad ng mga tubong elektron, at mga aparatong semikonduktor, lalo’t higit na ang mga transistor, mga diode at mga integrated circuits, ay ginagamit upang makapagdisenyo ng mga electronic circuits, mga aparatong elektroniko at mga electronic systems, na karaniwang kinabibilangan din ng mga langkap na pangkuryenteng hindi aktibo at nakalapat sa mga circuit boards.. isang

malawak

ng

larangang

Nagpapahiwatig ang kataga ng

pang-inhenyeriya

na

sumasakop

sa

mahahalagang kabahaging mga larangan na katulad ng analogong elektroniks, digital na elektroniks, elektroniks na pangtagapagkonsumo, embedded systems at enerhiyang pang-elektroniks. Ang inhenyeriyang elektronika ay humaharap sa pagsasakatuparan ng mga paglalapat, mga prinsipyo at mga algoritmong napaunlad sa loob ng maraming kaugnay na mga larangan, halimbawa na ang pisika ng solidong estado, inhenyeriyang pang-radyo, telekomunikasyon, sistemang pangkontrol, pagpuproseso ng

Page


signal,

inhenyeriyang

pangsistema,

inhenyeriyang

pangkompyuter,

inhenyeriyang pang-instrumentasyon, pagkontrol ng enerhiyang kuryente, robotika, at marami pang iba.



Asignatura- Lagom ng mga aralin sa ilalim ng isang disiplina.

Page


KABANATA 2 MGA KAUGNAY NA PAG-AARAL AT LITERATURA Ayon kay Ellan Langer et.al (1987), kabilang sa mga salik na nakakaapekto sa kakayahang umunlad ng isang indibidwal sa klase ang emosyonal na nararamdaman. Mas nakakapag-isip ng maayos ang isang indibidwal kung walang bumabagabag sa kanya. Sinuportahan naman ito nina Tetlock, Skitka at Boettger (1989), mas napapadali at gumagana ang utak sa mga gawaing ginagamitan ng pagiisip kung ang mga taongnakapaligid sa isang indibidwal ay nakapagbibigay ng mabuting impluwensya at maypositibong pananaw na maaari nitong mapaghugutan ng inspirasyon. Sang-ayon naman kina Kaplan at Miller (1987); Forsyth (1990) lumalabas na nakakaapekto ang emosyonal na aspeto sa kakayahang mag-isip ng isang indibidwal. Ayon din sa kanila kapag ang isang indibidwal ay kulang o may panlabas na salik na nakakaapekto sa kaisipan nito ay mas napipilitan ang utak na mag-isip na nagbubunga sa paglabas ng hormone kung saan ay naiinis ang isang indibidwal sa mga gawaing hindi niya magawa na nagdudulot sa pagkasawa o dili kaya’y kawalan ng ganang mag-isip. (Social Psychology. Forms of Emotional Thinking) Pinabulaanan naman ito nina Campbell, Tesser at Fairey (1986) may kakayahan ang utak na labanan ang mga panlabas na aspetong nakakaapekto sa pag-

Page


iisip depende sa kung paano tingnan ng indibidwal ang isang problema (positibo o negatibo). (Social Psychology. Identities, Attitudes and Behavior) Sa pag-aaral naman nina Higgins at Bargh (1987), Zarate at Smith (1990, 1992), nakakaapekto ang tao at lugar na ginagalawan ng isang indibidwal sa pagiisip. Maaaring kasarian at pinagmulan ng indibidwal, ugali, o ang mismong tahanan o pamayanan na kinabibilangan nito sa pagresolba ng problema. Nakakaapekto sa pag-aaral ang impluwensya ng mga taong nakapaligid sa isang indibidwal pagkat may iba’t ibang aspeto o gawaing nakakakuha ng atensyon nito. Nalilipat ang atensyon ng isang indibidwal sa gawain o bagay na ito na nagiging sanhi ng pagkawala ng interes nito sa pag-iisip. Dinagdagan ito nina Elizabeth Lottus et.al (1979, 1984), nakakaapekto rin ang bisyo sa pag-iisip ng maayos. Ilan sa maituturing na bisyo ay ang kaadikan sa internet o mga sugal kabilang rin ang paninigarilyo at paggamit ng droga. (Social Psychology. The Influence of the Environment) Ayon namna sa artikulo ni Berbano (2014) isa sa maraming problema na kinakaharap ng mga estudyante sa kolehiyo ay ang kanilang mga propesor. Pangalawa, ang pinanggalingang paaralan ng mga estudyanteng papasok sa kursong inhinyeriya. Ikatlong maaaring maging suliranin ay ang pagkuha ng hindi nais na kurso ng isang estudyante. Ayon pa sa kanya, minsan ay napipilitan lamang kunin ng mga estudyante ang kursong ito dahil sa kagustuhan ng magulang o kaya naman

Page


ay naiimpluwensyahan ng mga kaibigan o kapwa kamag-aral. Ito ay nagdudulot naman sa ikaapat na problema – ang kawalan ng estudyante ng interes sa kanyang kurso. Ang pagpili ng kurso ay napakaimportante sa buhay ng isang taong papasok ng kolehiyo dahil ito ang magsasaad ng landas na tatahakin hanggang sa pagtanda. (www.prezi.com)

Page


KABANATA 3 DISENYO AT METODOLOHIYA NG PAGSASALIKSIK Ang kabanatang ito ay nagpapakita ng mga pamamaraan ng pananaliksik na ginagamit sa pagsasagawa ng pag-aaral. Kabilang dito ang mga paglalarawan ng mga disenyo ng pananaliksik, setting ng pananaliksik, populasyon, at pamamaraan sa pagtitipon ng data, instrumento ng pananaliksik at pang-istatistikang tritment ng data.

Disenyo ng Pagsasaliksik Ang pag-aaral na ito ay isinagawa ayon sa disenyo ng pamamaraang deskriptib-kwantitatib na pagsasaliksik. Tinangkang suriin at ilarawan ng mga mananaliksik sa pag-aaral na ito ang kaalaman at pananaw ng mga mag-aaral ng Ikalimang Taon ng kursong ECE Batch 2014-2015 hinggil sa pinaka nakakaapekto sa pagbagsak ng mga mag-aaral sa ilang asignatura.

Page


Lugar ng Pag-aaral Ang pagsasaliksik ay isinagawa sa Unibersidad ng Liceo ng Pilipinas o Lyceum of the Philippines-Laguna dating Lyceum Institute of Technology. Ito ay matatagpuan sa Km.54, National Highway, Makiling, Calamba City, Laguna. Nagaalok ang unibersidad ng undergraduate at graduate na mga programa sa iba't-ibang mga larangan, kabilang ang pag-aaral ng computer, engineering, sining, negosyo, accountancy, turismo, mabuting pakikitungo sa pamamahala at medisina. Nag-aalok na rin ang unibersidad ng K to 12 program. Sumusunod sa tagline nitong, "Taking the Lead", ang unibersidad ay patuloy na naghahangad para sa mga pagpapahusay sa pamamagitan ng pagkuha ng worldclass na pagkilala at pamantayan. Dahil sa patuloy na pagsisikap ng unibersidad, ito ay sertipikadong ngayon at ginawaran ng Gintong Pagkilala ng Investors in People (IiP), isang pang-internasyonal na akreditasyon na dinisenyo upang mag-advance sa pagganap ng samahan sa pamamagitan ng mga empleyado nito. Ang LPU-Laguna ay ang pangalawang unibersidad sa Pilipinas na kinilala ng IiP, kabilang nito ang kaakibat nitong paaralan, ang LPU-Batangas. Sa loob lamang ng tatlong taon matapos ang pagkakatatag nito, ang unibersidad ay ginawaran ng ISO 9001: 2008.

Page


Populasyon ng Respondente Mga mag-aaral ng Ikalimang Taon ng kursong ECE Batch 2014-2015 sa Lyceum of the Philippines-Laguna. Ang respondente ay binubuo ng 27 mag-aaral, lahat ay enrolled at binubuo ng regular at mga di-regular na mag-aaral. Sila ay nasa pagitan ng 20-24 na taong gulang at may limang taong residensya sa kursong ECE. Sila ang napiling respondente ng mga mananaliksik pagkat sila ay mayroong limang taong residensya sa kurso at mas makakapagpaliwanag ng kanilang karanasan sa pag-aaral ng kursong ito.

Talahanayan 1 Ikalimang Taon

Babae

Lalaki

Kabuuan

ng Kursong ECE

13

14

27

Batch 2014-2015 sa LPU-Laguna

Page


Instrumentong Pampananaliksik Ang pag-aaral na ito ay isinagawa sa pamamagitan ng pagserbey. Ang mga mananaliksik ay nag-handa ng talatanungan upang malaman ang pananaw ng Ikalimang Taon ng kursong ECE tungkol sa mga salik na nakakaapekto sa pagbagsak sa ilang asignatura. Upang lalong mapagbuti ang pag-aaral ay minabuti rin ng mga mananliksik na mangalap ng impormasyon sa iba’t ibang hanguan sa aklatan tulad ng journal, libro atbp.

Tritment ng mga Datos Ang pamanahong papel ay isa lamang paglalahad ng salik na higit na nakakaapekto sa pagbagsak sa ilang asignatura sa kursong ECE, kaya naman hindi ito nangangailangan ng mga numerikal na datos sa paglalarawan. Nangangailangan lamang ang pamanahong papel ng wastong pagsuri sa mga datos na nakuha mula sa sarbey na sinagutan ng mga respondente. Mula sa mga sagot na makukuha sa mga respondente, pipiliin lamang ang mga sagot na mahalaga at may kinalaman sa pananaliksik o sa ginawang pag-aaral at mula dito ay titignan ang mga pagkakapareho at pagkakaiba ng mga sagot. Sa pamamagitan ng pagkukumpara ng mga datos at impormasyon ay mabubuo ang konklusyon at maaring mga maging rekomendasyon.

Page


Hakbang/Proseso ng Pag-aaral

Page


Paradigma Ipinapakita ng tsart ang proseso at hakbang na isinagawa ng mananaliksik sa pagbuo at pagkalap ng datos para sa pamanahong papel. Nasa unahang hakbang ang pagpormula sa konteksto ng papel habang nasa may pagitna at padulo ang pangangalap ng mga datos mula sa respondente at mga aklatan. Panghuling hakbang ang pag-iinterpreta ng datos.

Istatistikang Paraan ng Pag-aaral Ginamit ng mananaliksik ang sumusunod na pamamaraang istadistika upang bigyang kahulugan ang mga datos na nakalap.

1. Kadalasan at Bahagdan (Frequency and percentage distribution) – ang mga datos ay inilahad sa pamamagitan ng pagkuha ng mga bilang ng mga mag-aaral na tumugon sa mga inihandang katanungan ng mga mananaliksik at pagbibigay bahagdan sa resulta nito. Pormula:

Kung saan ang: P = bahagdan

Page


∑ 𝑓 = kabuuang bilang ng sumagot N = kabuuang bilang ng mga respondente

2. Kabuuang kinalabasan (Weighted Mean) – ito ay ginamit sa pananaliksik upang malaman ang kabuuang kinalabasan ng mga kalahok.

Pormula:

Kung saan ang: = 𝑊eigh𝑡𝑒𝑑 𝑚𝑒𝑎𝑛 ∑ 𝑓 = kabuuan ng pagmamari ng 𝑓 at ; kung saan ang 𝑓 ay ang kadalasan ng bawat marka at ang ay ang katumbas na pagpaparami ng bawat marka. N= kabuuan ng mga ginamit na tagasagot.

3. Pangkalahatang kabuuang kinalabasan (average weigted mean) – ipinapakita dito ang pangkalahatang kinalabasan ng mga indikasyon na inilahad sa pananaliksik. Pormula:

Page


Kung saan ang: AWM= Average Weighted mean ∑ = kabuuang bilang ng kinalabasan N = Bilang ng Indikasyon

Talahanayan 2 Likert Scale Indikasyon

Rating Scale

Numerical Value

Lubos na sumasang-

3.77-5.02

4

Sumasang-ayon

2.51-3.76

3

Di sumasang-ayon

1.25-2.50

2

Lubos na di sumasang-

0-1.24

1

ayon

ayon

Page


KABANATA 4 PAGLALAHAD, PAGSUSURI AT PAGPAPAKAHULUGAN SA DATOS Sa kabanatang ito makikita ang mga isinagawang paglalahad, pagsususuri at pagpapakahulugan sa mga datos na nakalap ng mananaliksik mula sa mga respondente. Lahat ng mga datos na nalikom ay masusing inilahad sa pamamagitan ng mga talahanayan na may kaukulang pagkilala sa bawat aytem at mga kinalabasan ng pag-aaral. Ang mga datos na ito ay maingat na dumaan sa proseso ng pagbilang, pagtutuos, paghahanay at pagpapakahulugan. Nilalayon ng pag-aaral na malaman ang salik na higit na nakaaapekto sa pagbagsak ng isang mag-aaral sa kursong ECE ng Lyceum of the PhilippinesLaguna.

1. Demograpikong Pagkakakilanlan ng mga Mag-aral Ang sumusonod na mga talahanayan ay nagpapakita ng demograpikong pagkakakilanlan ng mga mag-aaral ng ikalimang taon batch 2014-2015 ng Lyceum of the Philippines-Laguna ayon sa edad, kasarian, marka, taon ng pagbagsak at bilang ng mga asignaturang naibagsak.

Page


Talahanayan 1.1 Distribusyon ng mga mag-aaral ayon sa Edad

Edad

Kadalasan

Bahagdan

19-20

3

11.11%

21-22

22

81.48%

23-24

2

7.41%

Kabuuan

27

100%

Ipinapakita ng Talahanayan 1.1 ang bahagdan ng edad ng mga mag-aaral ng Ikalimang Taon ng ECE sa Lyceum of the Philippines-Laguna. Sang-ayon sa talahanayan, tatlo sa mga mag-aaral ay may edad 19 hanggang 20 taong gulang; dalampu’t dalawa (22) ang may edad na 21 hanggang 22; at dalawa ang may edad 23 hanggang 24. Ipinapakita na ang karamihan sa mga napiling respondente ay nasa pagitan ng edad 21 hanggang 22.

Page


Talahanayan 1.2 Distribusyon ng mga mag-aaral ayon sa Kasarian

Kasarian

Kadalasan

Bahagdan

Babae

13

48.15%

Lalaki

14

51.85%

Kabuuan

27

100%

Ipinapakita ng talahanayan 1.2 ang bahagdan ng populasyon ng kababaihan at kalalakihan sa Ikalimang Taon ng kursong ECE Batch 2014-2015. Ayon sa mga datos sa talahanayan, 13 o 48.15 porsyento ang mga kababaihan

samantalang

14

o

51.85

porsyento

ang

mga

kalalakihan.

Nangangahulugan ito na mas marami ang mga kalalakihan kaysa kababaihan. Ipinapakita ng resulta ng datos na mas nakararami ang kalalakihan sa kadahilanang mas maraming bilang ng kalalakihan ang pumipili sa kursong ECE.

Page


Talahanayan 1.3 Distribusyon ng mga mag-aaral ayon sa kanilang General Weighted Average (GWA)

1.3.1 Pinakamababa GWA

Kadalasan

Bahagdan

1.25-1.50

0

0%

1.75-2.00

1

3.70%

2.25-2.75

6

22.22%

3.00-5.00

20

74.07%

Kabuuan

27

100%

GWA

Kadalasan

Bahagdan

1.00-1.25

21

77.78%

1.50-1.75

5

18.52%

2.00-2.25

1

3.70%

2.50-3.00

0

0%

Kabuuan

27

100%

1.3.2 Pinakamataas

Page


Inilalahad ng talahanayan ang mga datos na nagpapakita ng distribusyon ng mga mag-aaral ayon sa kanilang General Weighted Average. Dominanteng marka para sa pinakamababa ay nagmula sa gradong 3.00 hanggang 5.00 na may 74.07% ng 100% samantalang ang pinakamataas naman ay mula sa sakop ng gradong 77.78% bahagi ng isangdaang bahagdan. Ipinapakita lamang nito ang relasyon ng dalawang baryabol na ginamit sa datos. Na sa pagbaba ng grado mula sa pinakamababang hanay ay tumataas naman ang nasa pinakamataas na hanay. Talahanayan 1.4 Distribusyon ng Pag-aaral ayon sa Istatus ng Pag-aaral

1.4.1 Taon ng Pagbagsak Taon ng Pagbagsak

Kadalasan

Bahagdan

Unang Taon

2

7.41%

Ikalawang Taon

3

11.11%

Ikatlong Taon

11

40.74%

Ikaapat na Taon

7

25.93%

Ikalimang Taon (Unang

4

14.81%

27

100%

Semestre) Kabuuan

Page


1.4.2 Kabuuang Bilang ng Asignaturang ibinagsak Bilang ng asignaturang

Kadalasan

Kabuuan

Isa-Dalawa

20

74.07%

Tatlo-Apat

4

14.81%

Lima-Anim

1

3.70%

Pito-Walo

2

7.41%

Siyam-Sampu

0

0%

Kabuuan

27

100%

Naibagsak

Ipinapakita ng mga datos mula sa talahanayan na mula sa Ikatlong Taon ng kursong ECE pinakamaraming bumabagsak samantalang sa Unang Taon naman may pinakamababang poryento ng mga mag-aaral na bumabagsak. Sang-ayon sa datos na ang pinakamahirap na bahagi ng pag-aaral ng kursong ECE ang Ikatlong taon pagkat ito ay binubuo ng mga mayoryang asignaturang kaagapay sa kursong nabanggit. Samantalang ang mga asignaturang nakapaloob sa unang taon ay binubuo lamang ng mga asignaturang nasa ilalim ng pangkalahatang kursong sakop ng inhenyeriya.

Page


2. Persepsyon ng mga Mag-aaral Sa Salik na Higit na Nakaaapekto sa Pagbagsak ng mga Mag-aaral sa Kursong ECE INDIKASYON 1. Hindi maituon ang atensyon sa klase dahil parating puyat. 2. Natutuon ang oras ng pag-aaral sa paggamit ng social networking site, kaibigan at bisyo. 3. Hindi maipokus ang pag-aaral dahil sa emosyonal na problema (pamilya, pinansyal, pag-ibig) 4. Hindi pumapasok sa klase dahil sa hirap at kawalan ng interes. 5. Kakulangan ng oras sa pagaaral. 6. Hindi binibigyang halaga ang pag-aaral dulot ng katamaran. 7. Bumababa ang marka dahil sa kakulangan ng motibasyon mula sa magulang. 8. Nahihirapang mag-aral dahil sa palyadong memorya. 9. Natataranta dahil sa dami ng magkakasabay na gawain. 10. Hindi makapagpokus sap agaaral dahil sa magulong kapaligiran (maingay, malapit sa sugalan o peryahan) 11. Bumababa ang marka dahil sa gawaing ko-kurikular. Kabuuang WM

1 1

2 3

3 14

4 9

∑f 27

∑fx 85

WM 3.15

R 1

P S

2

8

12

5

27

74

2.74

4

S

1

10

12

4

27

73

2.70

5

S

7

8

10

2

27

61

2.26

5

8

9

5

27

68

2.52

6

S

5

8

11

3

27

66

2.44

7

DS

9

10

8

0

27

53

1.96

11

DS

6

11

7

3

27

61

2.26

9.5 DS

2

6

11

8

27

79

2.93

2

S

0

12

6

9

27

78

2.89

3

S

3

12

11

1

27

64

2.37

8

DS

2.57

9.5 DS

S

Page

33 KOLEHIYO NG PAG-IINHINYERO AT PAGPAPAKADALUBHASA SA KOMPYUTER 3.77-5.02 LS-Lubos na Sumasang-ayon; 2.51-3.76 S-Sumasang-ayon; 1.25-2.50 LDS-Lubos na SiSumasang-ayon; 0-1.24 DS-Di Sumasang-ayon,Σf – Bilang ng tagasagot, Σfx-Bilang ng sumagot na pinarami, WM-wiegted Mean, P- Pakahulugan at R-Ranggo

Ipinapakita ng talahanayan 2.1 ang persepsyon ng mga mag-aaral sa salik na higit na nakaaapekto sa pagbagsak ng mga mag-aaral sa kursong ECE. Sang-ayon sa Talahanayan, sumasang ayon ang mga respondente sa mga sumusunod na indikasyon: Hindi maituon ang atensyon sa klase dahil parating puyat (3.15), Natutuon ang oras ng pag-aaral sa paggamit ng social networking site, kaibigan at bisyo (2.74), Hindi maipokus ang pag-aaral dahil sa emosyonal na problema (pamilya, pinansyal, pag-ibig) (2.70), Kakulangan ng oras sa pag-aaral (2.52), Natataranta dahil sa dami ng magkakasabay na gawain (2.93), Hindi makapagpokus sa pag-aaral dahil sa magulong kapaligiran (maingay, malapit sa sugalan o peryahan) (2.89). Sa kabuuang 2.57 na Weighted mean, ipinapakita ng mga datos na ang mga respondente ay sumasang-ayon na mayroong salik na higit na nakaaapekto sa pagbagsak ng mga mag-aaral sa kursong ECE. Ipinapakita ng mga nakalap na datos na mga bagay na may kinalaman sa Pisikal na aspeto ng tao particular ang kakulangan sa tulog ang pangunahing dahilan kung kaya karamihan ay bumabagsak ang mga mag-aaral ng kursong ECE.

Page


KABANATA 5 Konklusyon At Rekomendasyon Konklusyon Base sa kinalabasan ng mga pagsusuri, inilalahad ng pag-aaral na ito ay ang sumusunod na pagwawakas: 1. Ang mga kalahok nasa tamang edad bilang mag-aaral sa Ikalimang Taon ng Kursong ECE Batch 2014-2015; nakakahigit ang bilang ng mga lalaki; at mataas ang bilang ng mga mag-aaral na bumagsak sa ilang asignaturang nakapaloob sa kursong ECE. 2. Sa naturang pag-aaral lumabas na ang pisikal na aspeto ang higit na nakakaapekto sa pag-aaral ng isang mag-aaral. Ilan sa mga pisikal na pagod ay puyat at dami ng gawain na nagiging sanhi ng kahirapan sa pag intindi ng mga leksyon na nagreresulta sa pagbagsak. 3. Lumabas sa pag-aaral na ang mga asignaturang sangkot ang matematika ang kadalasang ibinabagsak ng mga mag-aaral sa kursong ECE. Samantalang nasa Ikatlong taon naman ito kadalasang nangyayari sa dahilang ang akademikong taong ito ay binubuo ng mga mayoryang asignaturang nakatuon sa matematika.

Page


Rekomendasyon Batay sa kaliwanagan ng mga resulta at konklusyon sa pag aaral, ang mga mananaliksik ay bumuo ng mga mungkahing solusyon para sa suliraning tukoy o natuklasan sa pananaliksik. Ang mga sumusunod ay ang mga tagubilin: 1. Para sa Administrasyon ng paaralan, makipagtulungunan sa mga guro o propesor upang magsagawa ng mga hakbanging sosolusyon sa problemang kinakaharap ng mga mag aaral lalo na sa pagbagsak , ang epekto at dahilan nito. 2. Para sa mga mag aaral, unang una sa lahat ay magkaroon ng tiyaga at disiplina sa sarili. Isa alangalang ang mga sakripisyo ng kanilang mga magulang upang sila’y makapag aral. Magkaroon ng goal o mithiin sa buhay upang magbigay direksyon tungo sa magandang pagunlad sa pag aaral. Isantabi ang mga ugaling hindi kailangan sa pag aaral katulad ng katamaran, pagbibisyo atbp. Mahalagang malaman nila kung paano gamitin ang mga bagay bagay ng maayos at hindi sobra upang hindi maka apekto sa pag aaral. Ang tanging paraan upang hindi bumagsak ay tulungan ang sarili at mag aral ng mabuti. 3. Para sa mga magulang, maging bukas sila sa anumang kondisyon ng kanilang mga anak at bigyan ng pang unawa, tiyaga, suporta at pagtitiwala na malalagpasan nila ang kanilang mga kinakaharap na suliranin.. Mahalaga

Page


ding pagtuunan nila ng pansin ang pakikipag ungayan nila sa kanilang anak at pangangailangan ng kanilang mga anak upang mas maging maganda ang kanilang pang akademikong pagganap sa loob ng paaralan. 4. Para sa mga propesor, bigyan pa nila ng pansin ang pagbibigay ng kamalayan at paghahanda ng kanilang estudyante sa mga sitwasyong maaari nilang kaharapin upang makaiwas sa pagbagsak. Magsagawa ng ibat ibang paraan upang maitaas ang kompetensi ng kanilang mga mag aaral sa ibat ibang asignatura. Ito ay maari ring magbigay pansin sa kanila sa pagpapaunlad ng estilo ng kanilang pag tuturo. Hikayatin ang mga mag aaral sa pamamagitan ng pag papalakas ng kanilang loob at pagbibigay ng mga payo at insentibo upang maiwasan ang pagbagsak. Ito tiyak na makakatulong upang masolusyunan ang mga suliraning nakakaapekto sa pag aaral ng kanilang mga estudyante. 5. Para sa mga susunod na mga mananaliksik, maari nila itong gamitin bilang sandigan ng mga impormasyong may kaugnayan sa pagbagsak ng isang mag aaral.

Ang

mga

impormasyong

nakalahad

ay

makatulong

upang

makapagbigay ideya at maaring maging sanggunian ng mga babasahin o reperensiya para sa kanilang kaugnay na literatura. Maaring din nila itong gamitin at palawakin ang pagsusuring ito upang makatuklas ng iba pang solusyon kaugnay sa pagbagsak ng isang mag aaral.

Page


DAGDAG DAHON A. TALASANGGUNIAN A. Mula sa Aklat Duffy K.G. (2001). Social Psychology (7th Edition). Identities, Attitudes and Behavior. McGraw-Hill/Dushkin, pp. 200-201 Duffy K.G. (2001) Social Psychology (7th Edition). The Influence of the Environment. McGraw-Hill/Dushkin, pp. 309-312 Rosenburg, Morris and Ralph Turner (1981). Social Pyschology: Sociological Perspectives. New York: Basic Books, Inc. Wiggins, J. Beverly, W. and Zanden, J.V.. (1994.)

Social Psychology (5th

edition). New York: McGraw-Hill.

B. Mula sa Internet Blanco A. (2014, Pebrero). Isang Pananaliksik Hinggil Sa Karaniwang Suliranin Na Nararanasan Ng Mag aaral. Prezi Inc. 2015. Retrieved date 2014 from https://prezi.com/8pztowcfd8et/copy-of-isang-pananaliksik-hinggil-sakaraniwang-suliranin-na-narara/ - Research Castillo, M.J. (2014). Baby Thesis. Academia 2015. Retrieved date 2014 from http://www.academia.edu/4217366/baby_thesis

Page


Elago, R. (2012). Thesis (FIL2A). Linked in corp. Retrieved date November 24, 2012 from http://www.slideshare.net/RegHineElago/thesis-fil2a Jeff K. (2010). Filipino-inside. Linked in corp. Retrieved date April 19, 2010 from http://www.slideshare.net/jeffkian06/filipino-inside Malasan J. (2010). Bakit Karamihan Sa Mga Estudyante Ay Mayroong Mababa At Bagsak Na Marka Sa Eskwelahan (Pananaliksik). Scribd Inc. Retrieved date December

28,

2010

from

http://www.scribd.com/doc/45995136/Bakit-

Karamihan-sa-mga-Estudyante-ay-Mayroong-Mababa-at-Bagsak-na-Marka-saEskwelahan-Pananaliksik#scribd Paul B. (2011, Enero 26). Mga Dahilan Ng Pagbagsak Ng Estudyante. Blogger. Retrieved

date

January

26,

2011

from

http://pagbagsakngestudyante.blogspot.com/2011/01/dahilan-ng-pagbagsak-ngestudyante.html

Page


DAGDAG DAHONG B TALATANUNGAN Mahal na kamag-aral,

Kami ay mga mag-aaral sa unang taon, klase ng I-I ay nagsasagawa ng isang pagaaral sa kursong Filipino. Ang aming pag-aaral ay may paksang Dahilang higit na Nakakaapekto sa Pagbagsak sa Ilang Asignatura sa Kursong ECE. Hinihiling na basahing ang mga panuto at matapat na sagutin ang mga tanong na nakatala. Ang sagot na makukuha namin mula sa iyo ay lubos na kapaki-pakinabang sa aming pag-aaral.

Asahan

na

aming

iingatan

ang

anumang

impormasyon

ipagkakatiwala mo sa amin. Maraming salamat sa iyong kooperasyon. Lubos na gumagalang, MGA MANANALIKSIK

1.

Demograpikong Pagkakakilanlan 1.1.

Student Number:

1.2.

Edad:

1.3.

Kasarian:

1.4.

Marka (GWA) 1.4.1. Pinakamababa (1st-5th year)

1.4.2 Pinakamataas

na

Page


5.00-3.00

1.00-1.25

2.75-2.25

1.50-1.75

2.00-1.75

2.00-2.25

1.50-1.25

2.50-3.00

1.5. Istatus ng Pag-aaral (Panuto: Maaaring pumili ng higit sa isa) 1.5.1. Taon ng Pagbagsak

2.

1.5.2. Bilang ng asignaturang naibagsak

Unang Taon

Isa-Dalawa

Ikalawang Taon

Tatlo-Apat

Ikatlong Taon

Lima-Anim

Ikaapat na Taon

Pito-Walo

Ikalimang Taon

Siyam-Sampu

Sarbey Panuto: Lagyan lamang ng tsek () ang kolum ng napiling kasagutan. 4- Lubos na sumasang-ayon 3- Sumasang-ayon 2- Di sumasang-ayon 1- Lubos na di sumasang-ayon

Page


4 2.1. Hindi maituon ang atensyon sa klase dahil parating puyat. 2.2. Natutuon ang oras ng pag-aaral sa paggamit ng social networking site, kaibigan at bisyo. 2.3. Hindi maipokus ang pag-aaral dahil sa emosyonal na problema (pamilya, pinansyal, pag-ibig) 2.4 Hindi pumapasok sa klase dahil sa hirap at kawalan ng interes. 2.5 Kakulangan ng oras sa pag-aaral. 2.6 Hindi binibigyang halaga ang pag-aaral dulot ng katamaran. 2.7 Bumababa ang marka dahil sa kakulangan ng motibasyon mula sa magulang. 2.8 Nahihirapang mag-aral dahil sa palyadong memorya. 2.9 Natataranta dahil sa dami ng magkakasabay na gawain.

3

2

1

Page


2.10 Hindi makapagpokus sap ag-aaral dahil sa magulong kapaligiran (maingay, malapit sa sugalan o peryahan) 2.11 Bumababa ang marka dahil sa gawaing ko-kurikular.

Pagsasaliksik sa Dahilang Higit na Nakakaapekto sa Pagbagsak sa Ilang Asignatura sa Kursong ECE

Recommend Documents