Halimbawa ng isang Banghay Aralin sa ikawalong baitangFull description
FILIPINOFull description
Ang "Ang Aso at Ang Uwak: Kaligirang Pangkasaysayan ng Pabula" ang naitalaga sa akin bilang paksa nang ako ay mag-apply bilang Filipino Subject Teacher sa St. Agnes Academy. Ito ang nabuo kong bang...Full description
Banghay Aralin sa Ekonomiks: Mga Salik na Nakaaapekto sa Demand
BANGHAY ARALIN
Full description
Komiks
Kagamitang pampagtuturo
Unang Markahan
Ikalawang Linggo Unang Araw
Ika–19 ng Hunyo 2013
Lingguhang Tunguhin a. Naibibigay ang kahulugan ng mga salita sa akda batay sa pagkakagamit sa pangungusap (PB1Aa). b. Nasasagot ng wasto ang mga tanong tungkol sa akdang narinig (PN1Ab). I.
Paksa Nagbabagong Ako – Lunsarang Teksto:
“Ang Sundalong Patpat” (Rio Alma)
II.
Kagamitan Piraso ng papel na naglalaman ng talasalitaan Kopya ng akdang “Ang Sundalong Patpat”
III.
Pamamaraan A. Panimulang Pagtataya Pagpapakilala ng mga salitang ginamit sa kuwento. Isusulat sa pisara ang kahulugan at gagamitin sa pangungusap. B. Pagganyak Bawat mag – aaral ay bubunot ng mga papel na hugis patak – ulan. Bawat patak – ulan ay may bilang isa hanggang lima. Maggugrupo ang magkakatulad ng bilang. Ito ang magiging grupo nila para sa Readers’ Theatre. Bibigyan sila ng kopya ng kuwento na nagsasaad ng bahagi ng kanilang gagawin. C. Presentasyon Ang klase ay magkakaroon ng Readers’ Theatre ng “Ang Sundalong Patpat” ni Virgilio Almario. D. Pagpapayaman 1. Pangkatang Gawain PANGKAT I: Sa paraang pagguhit, sagutin ang mga sumusunod na tanong ayon sa nabasang akda. Sino ang pangunahing tauhan sa kuwento? Sino ang kaniyang kasama? Ano ang hinahanap niya? Bakit kaya niya ito hinahanap? PANGKAT II: Sagutin ang mga tanong sa ibaba. Gamitin ang masining na pagkukuwento sa paglalahad. Sinu – sino ang mga napagtanungan niya? Ano ang mga sinagot nila? Isa – isahin. Kung ikaw ang sundalong patpat, maniniwala ka ba agad sa sinabi nila?
May mga bagay din ba kayong hinahanap? Ano ang mga ito? PANGKAT III: Sa paraang interbyu, sagutin ang mga sumusunod na tanong. Saan niya natagpuan ang hinahanap niya? Madali niya ba itong nakuha? Ano ang ginawa niya? Kung ikaw ang sundalong patpat, magpupursigi ka rin ba para lang maibalik ang ulan? PANGKAT IV: Sa pamamagitan ng flip – top, bigyan ng kasagutan ang mga tanong sa ibaba. Ano kaya ang naramdaman ng sundalong patpat matapos niyang maibalik ang ulan? Natapos na ba ang paglalakbay niya? Bakit kaya gustung – gusto niyang maglakbay? 2. Pag – uulat ng pangkat 3. Pagbibigay ng feedback ng mag-aaral 4. Pagbibigay input ng guro E. Sintesis Tulad ng sundalong patpat, ano ang nais ninyong mahanap o mapuntahan sa inyong buhay? Bakit? IV.
Takdang Aralin 1. Muling basahin ang akdang “Sundalong Patpat” ni Rio Alma. 2. Sagutin ang mga sumusunod na tanong: Saan kaya naganap ang kuwento? Sinu – sino ang mga tauhan sa kuwento? Ano ang naging suliranin sa kuwento? Paano ito nalutas?
Ikalawang Linggo Ikalawang Araw
Ika–20 ng Hunyo 2013
Lingguhang Tunguhin a. Nakagagamit ng mga angkop na salita sa paglalahad (PA1Ae). b. Nasusuri ang mga katangian at papel na ginagampanan ng bawat tauhan sa teksto (PB1Be). I.
Presentasyon Pagpapakita ng tsart na kailangang punan ng klase. Itatanong ang mga sumusunod na tanong kaugnay ng tsart na ipinakita. Talakayan: 1. Saan kaya naganap ang kuwento? 2. Sinu – sino ang mga tauhan sa kuwento? 3. Ano ang naging suliranin sa kuwento? 4. Paano ito nalutas? Tanong
Sagot
Elemento
1 2 3 4 Matapos sagutin ang mga tanong at maisulat ito sa tsart, susubukin ng mga mag – aaral na tukuyin kung anong elemento ng kuwento ang ipinakita ng mga sagot nila. Kapag natukoy na ang mga element, babalikan ang mga tanong upang malaman ang ibig sabihin ng bawat elemento. Bibigyang tuon ang pagtalakay sa mga tauhan sa kuwento.
IV.
Pagpapayaman 1. Pangkatang Gawain PANGKAT I: Ang bawat grupo ay bubunot ng papel na naglalaman ng tauhan sa kuwento. Ang mabubunot nilang tauhan ay gagawan nila ng character profile (larawan at pangalan ng PANGKAT II: tauhan). Kasama nito ang kanilang mga sagot sa mga sumusunod na tanong: PANGKAT III: PANGKAT IV:
1. Ano ang tingin mo sa ulan? Ano ang katangian nito? (Halimbawa: Ang ulan ay dumarating lamang kapag dinasalan o tinawag) 2. Paano mo nasabi? (Halimbawa: Dahil ang tingin niya sa ulan ay parang Diyos na kailangang dasalan o tawagin bago dumating.)
2. Pag – uulat ng pangkat 3. Pagbibigay ng feedback ng mag-aaral 4. Pagbibigay input ng guro V.
Sintesis Isa – isahin ang mga tauhan sa kuwento. Gaano kahalaga ang mga katangian at papel na ginagampanan ng bawat tauhan sa kuwento?
VI.
Takdang Aralin 1. Ano ang pang – uri? 2. Magbigay ng limang (5) pangungusap na gumagamit ng pang – uri. Salungguhitan ang pang – uri.
Ikalawang Linggo Ikatlong Araw
Ika–21 ng Hunyo 2013
Lingguhang Tunguhin a. Natutukoy ang mga dapat tandaan sa pagsulat ng mabisang talata (PU1Ba). b. Napag – iiba ang payak at masining na paglalarawan sa pamamagitan ng paggamit ng pang – uri. I.
Presentasyon Muling tatalakayin ng guro ang mga tuntunin at kayarian ng talata sa pamamagitan ng “Show Me Card” na may nakasulat na mga “keywords”. Sa bawat “keyword” na ipapakita, magbibigay ang mag – aaral ng mga katangian o paglalarawan tungkol dito.
palugit
bantas
baybay
simula
gitna
wakas
Sa inyong pagsagot, anong mga salita ang inyong ginamit sa paglalarawan? Anong bahagi ng pananalita ang nagpapakita ng paglalarawan?
III.
Pagpapalawig 1. Pangkatang Gawain Batay sa akdang “Ang Sundalong Patpat”, bawat pangkat ay magbibigay ng isang payak at masining na paglalarawan gamit ang pang – uri sa bawat elementong nakapaloob sa akdang tinalakay. PANGKAT I: Ilarawan ang mga tauhan sa kuwento. PANGKAT II: Ilarawan ang tagpuan sa kuwento. PANGKAT III: Ilarawan ang banghay ng kuwento. PANGKAT IV: Ilarawan ang tunggalian sa kuwento. 2. Pag – uulat ng pangkat 3. Pagbibigay ng feedback ng mag-aaral 4. Pagbibigay input ng guro
IV.
Sintesis Ano ang pang –uri? Ano ang kahalagahan ng pang – uri sa pagsulat ng isang mabisang talata?
V.
Kasunduan 1. Magdala ng larawan ng isang bagay na kinatatakutan mong gawin o subukin.
Ikalawang Linggo Ikaapat na Araw
Ika–24 ng Hunyo 2013
Lingguhang Tunguhin a. Nakasusulat ng talatang naglalarawan (PU1Be) I.
Balik – Aral Pagbabahagi ng natalakay tungkol sa pang – uri.
III.
Presentasyon Ipalalabas ng guro ang mga larawang dala ng mga mag – aaral. Magkakaroon ng talakayan tungkol sa mga bagay na kinatatakutan nila. Ano ang mga bagay na kinatatakutan mong gawin o subukin? Bakit? Bukas ka bang subukin ito isang araw? Bakit o bakit hindi?
IV.
Pangwakas na Pagtataya Pasusulatin ang mga mag – aaral tungkol sa isang bagay na kinatatakutan nilang subukin o gawin at kung paano mawawala ang takot na ito. Ipaalala ang paggamit ng pang – uri sa mga pangungusap at ang pagsunod sa mga tuntunin at kayarian ng pagsulat ng isang mabisang talata.
V.
Takdang Aralin 1. Basahin ang akdang “Isang Dosenang Klase ng High School Student” ni Bob Ong. 2. Bigyang kahulugan ang mga sumusunod na mga grupo ng salita. kengkoy sa klase pinupunan ng kasipagan masinop sa proyekto pagpapalapad ng papel umuukit sa isipan