Republic of the Philippines DEPARTMENT OF EDUCATION Division of Laguna PACITA COMPLEX SENIOR HIGH SCHOOL School Year: 2016-2017
Pagbasa ng Sulating Pananaliksik (Pagbasa at Pagsuri ng Iba’t-ibang Teksto Tungo sa Pananaliksik)
Ipinasa kay: Gng. Rezalie Nepomuceno Ipinasa ni: Denus, Matthew Nazarel Baitang at Seksyon: 11 – Archimedes
Pagbasa at Pagsuri ng Iba’t-ibang Teksto Tungo sa Pananaliksik Pamagat ng Binasang Tisis: Mga Epekto ng Pagkakawatak-watak ng Pamilya sa Pag-aaralng mga Estudyante sa Kursong Teknolohiya sa Medisina ngUniversity of Perpetual Help –DJGTMU Mga Mananaliksik: Belizon. Justine Krizha Catindig, Geramay Mondejar, Ana Marie Narvasa, Jemma Lyn Ollero, Mitchell Collen
UNANG HAKBANG: Saang kabanata mo natagpuan ang konklusyon? – Natagpuan ko ito sa Kabanata 5 / Ikalimang kabanata Ilang bilang mayroon ang natuklasan? – Mayroong limang bilang na natuklasan ang mga Mananaliksik Ilang bilang mayroon ang suliranin? – Mayroong apat na suliranin
Anong hipotesis/Asumpsyon ang kanyang tinugon? (Isulat) – Ang kanilang pananaliksik ay walang hipotesis. Sa pananaliksik na ito, layon ng mga mananaliksik na malaman ang mga epekto ng pagkakawatak-watak ng pamilya sa pag-aaral ng mga mag-aaral ng kursong Teknolohiya sa Medisina ng University of Perpetual Help – Dr. Jose G. Tamayo Medical University. Ang mga resultan at kalalabasan ng pag-aaral na ito ay magiging kapaki-pakinabang para sa mga sumusunod: Mga Apektadong Mag-aaral. Ang pag-aaral na ito ay naglalayong makatulong sa mga mag-aaral kung papaano nila haharapin ang mga epekto ng pagkakawatakwatak ng pamilya at kung paano nila malalagpasan ang mga ito. Ito rin ay makapagbibigay sa kanila ng mga karagdagang impormasyon at gayon din sa kanila pang mga gagawing mga pag-aaral. Maaari rin nila itong gamitin sa kanilang pang-araw-araw na pamumuhay para na rin maging aktibo sila pagdating sa usaping ito. Mga Magulang. Ang mga magulang dapat ang gumabay at mag-aruga sa kanilang mga anak sa pamamagitan ng pagbibigay ng isang pamilyang payapa at masaya. Ngunit sa mga pagkakataong hindi maiiwasan gaya ng paghihiwalayan, ang
Pagbasa at Pagsuri ng Iba’t-ibang Teksto Tungo sa Pananaliksik bawat panig ng magulang, ay nararapat na maging responsable sa paggabay, pagpapayo at pagmumulat sa kanilang mga anak sa mga ganitong sitwasyon. Mga Guro. Ang mga problemang pinagdaraanan ng isang kabataang nagmula sa isang sirang tahanan ay malaki ang nagiging epekto sa kanilang pagkatao. Sa pag-aaral na ito, mas mauunawaan ng mga guro ang mga dahilan at senyales kung bakit nagkakaroon ng mga di mabuting pag-uugali ang mga apektading mag-aaral. Maaring gamitin ang pag-aaral na ito upang magabayan sa mga kinahaharap na sulianin ang kanilang mga mag-aaral. Mga Mananaliksik at Mamababasa. Magsisilbi itong gabay at makapagbibigay ng impormasyon at inspirasyon sa mga pinagdadaanan ng mga mag-aaral na nanggaling sa nagkawatak-watak na pamilya. Ito ay magsisilbing paalala upang pasalamatan ang Panginoon at ang kanilang mga magulang sa pagmamahal at pagbibigay ng sitwasyong higit na nakabubuti kaysa mga apektadong mag-aaral.
IKALAWANG HAKBANG: May kaugnayan ba ang ginamit na panimula (Introduksyon) sa mga natuklasan at naging konklusyon ng pananaliksik? Magbigay ng puna: – Akin pong nabasa ang pananaliksik at sa aking palagay, mayroong kaugnayan ang kanilang introduksyon sa kanilang mga natuklasan at binuong konklusyon. Para sa akin, napakaganda ng kinalabasan ng kanilang pananaliksik. Para sa akin, mas maganda kung mas dinamihan pa nila ang kanilang “respondents” dahil kakaunti lamang ang kanilang respondents na binigyan ng survey form. Ngunit kahit ganoon, maganda parin ang kinalabasan ng kanilang pananaliksik dahil nakita sa mga resulta ng kanilang pananaliksik ang kasagutan na kanilang hinahanap.
Ang kaligirang kasaysayan ba ay nagbigay ng sapat na dahilan kung bakit kinakailangang pag-aralan o talakayin ang paksang sinasaliksik? – Opo, naunawaan ko nang husto ang kanilang kaligiran ng pananaliksik. Sila ay nagbigay ng sapat na dahilan kung bakit kinakailangang pag-aralan o talakayin ang paksang sinasaliksik. Base sa aking nabasa, nakita ko ang mga dahilan ng kanilang pananaliksik.
Ang bawat suliranin ba ay natugon ng bawat natuklasan sa ikalimang kabanata? – Sa aking pagsusuri, masasabi ko na may mga suliranin na hindi gaaong natugunan ng mga mananaliksik. Nakita ko na hindi nasagot ng mga mananaliksik ng maigi ang tanong na “Anu-ano ang mga epekto ng pagkakawatak-watak ng pamilya sa sikolohikal na pananaw ng mga mag-aaral?”
Pagbasa at Pagsuri ng Iba’t-ibang Teksto Tungo sa Pananaliksik dahil wala silang nilagay na sa kanilang mga natuklasan patungkol sa istado ng mentalidad ng mga mag-aaral na kabilang sa broken family. At sa kanilang suliranin na “Anu-ano ang mga paraan ng mga nabanggit na mag-aaral kung paano nila nalalampasan ang mga epektong dulot ng pagkakawatak-watak ng pamilya?”, Malabo ang kanilang pagkakalahad ng kanilang kasagutan dito. Sa tingin ko ay hindi nila nasagot ang katanungan na iyon.
Aling bilang ng suliranin ang hindi natugon ng natuklasan (isulat kung mayroon) – Bilang dalawa (2) at apat (4). 2. Anu-ano ang mga epekto ng pagkakawatak-watak ng pamilya sa sikolohikal na pananaw ng mga mag-aaral? 4. Anu-ano ang mga paraan ng mga nabanggit na mag-aaral kung paano nila nalalampasan ang mga epektong dulot ng pagkakawatak-watak ng pamilya?
Alin ang mga natuklasan (Kabanata 5) ang wala sa suliranin ng pag-aaral? (isulat kung mayroon) – Natuklasan sa pag-aaral na ito na may 54.84% at 45.17% ng mga ama at ina ng mga respondente ay lokal na manggagawa. Nakita rin ng mga mananaliksik ang makabuluhang resulta sa edad ng mga magulang nang sila ay mag-asawa. Lumalabas na halos kalahati o more or less 50 % ng mga magulang na nauwi sa hiwalayan ay nagpakasal sa edad na 18-25 taong gulang. At makikita rin sa mga resulta ng mga mananaliksik na 80.65% ng kabuuang sampol ay mayroong edad na pito (7) hanggang labingdalawang taon (12) noong maghiwalay ang kanilang mga magulang.
Nasagot ba sa kabanata 5 ang hipotesis o asumpsyon ng pag-aaral? Kung hindi, alin sa mga hipotesis ang hindi natugunan? – Walang hipotesis ang pananaliksik na ito ngunit nasagot naman ang mga asumpsyon na mayroon ito.
IKATLONG HAKBANG: Anong pamamaraan ang ginamit sa pananaliksik? – Ang pag-aaral na ito ay naisagawa sa pamamagitan ng paghango sa mga primarya, sekondarya at elektronikong hanguan. Ang mga datos na nakalap ng mga mananaliksik ay mula sa mga sarbey-kwestyoneyr na sinagutan ng tatlumpu’t isang (31) na respondent mula sa University of Perpetual Help- Dr.
Pagbasa at Pagsuri ng Iba’t-ibang Teksto Tungo sa Pananaliksik Jose G. Tamayo Medical University. Ito ang nagsilbing primaryang hanguan ng pag-aaral na ito. Nangalap ang mga mananaliksik ng mga impormasyon, artikulo at akda na nagmula sa mga pampublikong pahayagan at ang mga ito ang nagsilbing hanguan ng kanilang sekondaryang pag-aaral. Nangalap din sila ng mga impormasyon, mga pag-aaral at mga literatura sa internet at ito naman ang nagsilbing hanguan ng kanilang elektronikong pag-aaral.
Anong instrumento sa pananaliksik ang ginamit? – Gumamit ang mga mananaliksik ng “Survey Questionnaires” o sarbeykwestyoneyr. Ang mga mananaliksik ay gumawa ng mga katanungan bilang kasangkapan para mangalap ng datos at impormasyon. Gumawa ang mga mananaliksik ng mga katanungang rumeresponde ukol sa sinumiteng pag-aaral at binigyang kasagutan naman ang mga ito ng mga mag-aaral na nasa kursong Teknolohiya ng Medisina sa paaralang University of Perpetual Help - Dr. Jose G. Tamayo Medical University, Biñan, Laguna.
Ilan ang kabuuang populasyon na tumugon sa pananaliksik? – Mayroong tatlumpu’t isa (31) na respondents ang tumugon sa kanilang pananaliksik.
Anu-anong pormula ang ginamit para sa komputasyong istadistika? (isulat sa kahon) dami ng respondenteng sumagot sa partikular na tanong ×100= kabuuang dami ng mga respondente
IKAAPAT NA HAKBANG: Ano ang ginamit na tulong viswal sa paglalahad ng mga datos? – Sila ay gumamit ng Talahanayan at Tsart.
Mayroon bang talata na nagpapaliwanag ng bawat detalye na nakapaloob sa mga tulong viswal (talahanayan, grap, tsart)? – Mayroon pong talata na nagpapaliwanag patungkol sa tulong viswal.
Pagbasa at Pagsuri ng Iba’t-ibang Teksto Tungo sa Pananaliksik Mayroon bang talata na nagsusuri sa kinahinatnan ng mga datos batay sa mga nauna nang pag-aaral (sa kabanata 2) o kaya’y mga teorya o prinsipyo na galling sa mga awtoridad? – Sa aking pagsusuri, wala akong nakita na talata na nagsusuri sa kinahinatnan ng mga datos batay sa mga nauna nang pag-aaral (sa kabanata 2) o kaya’y mga teorya o prinsipyo na galling sa mga awtoridad.
Mayroon bang talata na nagbigay ng interpretasyon sa mga datos batay sa isinagawang pagsusuri? – Mayroon po akong nakita na talata na nagbigay ng interpretasyon sa mga datos batay sa isinagawang pagsusuri.
IKALIMANG HAKBANG: May kaugnayan ba ang mga naging interpretasyon ng datos (kabanata 4) sa bawat konklusyon ng binasang pananaliksik? – Sa aking pagkakaintindi sa konklusyon ng pananaliksik na ito, nakita ko na may kaugnayan ito sa mga interpretasyon ng datos.
Ang mga naging rekomendasyon ba ng pag-aaral ay nakabatay sa interpretasyon at pagsusuri sa mga datos na inilahad sa kabanata 4? – Sa aking nakita, hindi nakabatay sa interpretasyon at pagsusuri sa mga datos na inilahad sa kabanata 4. Sa aking nabasa, nakita ko na ang kanilang inilagay sa rekomendasyon ay hindi tunay na rekomendasyon. Sila ay nag lagay muli ng konklusyon at nagsabi lang ng mga patungkol sa pagiging magulang. Walang inilagay na rekomendasyon ang mga mananaliksik para sa mga magtutuloy pa ng kanilang pag-aaral.
