PAGDIRIWANG NG TENEBRAE P.
Mga kapatid, alalahanin natin ang misteryo ng pagpapakasakit, pagpapakasaki t, kamatayan at pagkabuhay ng Panginoon. (sandaling katahimikan) Amang makapangyarihan, ibinigay Mo sa sangkatauhan si Jesukristong aming Manunubos bilang halimbawa ng pagpapakababa. Tinupad Niya ang Iyong kalooban nang Siya’y magkatawang tao at ialay ang Kanyang buhay sa krus. Tulungan Mo kaming maging tunay Niyang tagapagpatotoo sa mga tao, sa aming pagsunod sa Kanyang halimbawa ng pagpapakasakit at pag-aalay ng buhay, hanggang makamit din namin ang tagumpay ng muling pagkabuhay sa pamamagitan din Niya kasama ng Espiritu Santo magpasawalang hanggan.
B.
AMEN.
Antipona: P. Panginoon, Ipagsanggalang ako sa kamay ng kaaway. (uupo) kaaway. (uupo) Salmo 140 (Si Kristo’y nakipagtunggali sa prinsipe ng kadiliman) Kanan: Sa mga masasama ako ay iligtas, Iligtas Mo, PANGINOON, sa mga mararahas; Yaong hangad nila at binabalangkas, Lagi nang mag-away, magbaka ang lahat. Mabagsik ang dila na tulad ng ahas, Tulad ng ulupong, taglay na kamandag. Kaliwa: Sa mga masasama, ako ay iligtas, Iligtas Mo, PANGINOON, sa mga mararahas, Na ang nilalayon ako ay ibagsak. Yaong mga hambog, ang gusto sa akin, Ako ay masilo, sa bitag hulihin, Sa bitag na umang sa aking landasin. Kanan:Sabi Kanan: Sabi ko sa PANGINOON, “Ikaw ang aking Diyos.” Kaya ako’y dinggin sa aking pagluhog, Panginoong Diyos, na Tagapagligtas, Nang aking bakahin, Ikaw ang nag-ingat; Yaong Masasama, sa kanilang hangad Ay Iyong hadlangan, biguin agad. Kaliwa: Ang mga kaaway, huwag pagtagumpayin, Pagdusahin sila sa banta sa akin, Lagpakan Mo sila ng apoy na baga, Itapon sa hukay nang di makaalsa. At ang mga taong nang-uupasala, Huwag pagtagumpayin sa kanilang nasa; Ang marahas nama’ y y bayaang mapuksa.
Kanan: Batid ko, O PANGINOON, iyong papanigan Ang mga mahihirap, upang ipagsanggalang, At ipagtatanggol yaong karapatan. Ang mga matuwid magpupuring tunay, Ikaw’y pupurihi’t sa’yo mananahan! Lahat: Papuri sa Ama at sa Anak at sa Espiritu Santo, Kapara noong una, ngayon at magpasawalaang hanggan. Amen. (Lumuhod ang lahat) P.
Manalangin tayo upang ang pagpapakasakit ni Kristo ay maging ating tagumpay. (Sandaling katahimikan) Amang makapangyarihan, ibinigay Mo ang Iyong Anak sa kamay ng mga makasalanan; Ipinahintulot Mong Siya ay mapako sa krus, upang ang kamatayan ng matuwid ay magpabanal sa mga makasalanan. Linisin Mo kami sa pamamagitan ng pagpapakasakit at pagkamatay ni Kristo; at ihatid kami sa Kanyang pagkabuhay, sa pamamagitan din Niya kasama ng Espiritu Santo magpasawalang hanggan.
B.
AMEN. (Papatayin na ang unang kandila, kung 7 ang nakasindi o yung unang 2 kandila, kung ang bilang ay 14.)
Antipona 2: P. Ang aking mga panalangi’y tulad ng insenso; nakataas ang mga kamay sa paghahandog sa gabing ito. (uupo) Salmo 141 (Itinaas ni Kristo ang Kanyang Kamay sa Ama) Kanan:Sa Iyo, O PANGINOON, ako’y dumadalangin Sa aking pagtawag, ako sana’y dinggin. Ang aking dalangin sana’y tanggapin Mo, Masarap na samyong handog sa insenso; Ariling panggabing handog ko sa Iyo. Kaliwa: O PANGINOON ko, bibig ko’y bantayan, Ang mga labi ko’y lagyan Mo ng bantay. H’wag Mong babayaang ako ay matukso, Sa gawang masama ay magumon ako; Ako ay ilayo, iiwas sa lilo, Sa handaan nila’y nang di makasalo. Kanan: Pagkat may pag-ibig, ang mabuting tao Pwedeng magparusa’t pagwikaan ako, Ngunit ang masama ay hindi ko ibig Na ang aking ulo’y busan n’ya ng langis;
Pagkat ang dalangin at lagi kong hibik, Ay laban sa gawa niyang malulupit. Kaliwa: Kung sila’y bumagsak tuloy na hatulan, Maniniwala na ang mga nilalang Na ang salita Mo ay katotohanan. Tulad ng panggatong na pira-piraso, Sa pinaglibinga’y kakalat ang buto. Kanan: Di ako hihinto, n’yaring pananalig, Ang pag-iingat mo’y aking ninanais, H’wag mong itulot, buhay ko’y mapatid. Sa mga patibong ng taong balakyot, Ingatan Mo ako, ilayo sa Mong lubos; Iyong pabayaang sila ang mahulog, Samantalang ako’y ligtas Mong kinupkop. Lahat: Papuri sa Ama at sa Anak at sa Espiritu Santo, Kapara noong una, ngayon at magpasawalang hanggan. Amen. (Lumuhod ang lahat) P.
Manalangin tayo, para tayo ay maligtas sa pagkabilanggo sa kamatayan. (Sandaling katahimikan) Amang mapagmahal, sa gabi ng buhay ng Iyong bugtong na Anak na aming Manunubos, iniunat Niya ang Kanyang mga kamay sa krus at tumingala sa langit para manalangin. Dinggin ang aming panambitan at iligtas kami sa kuko ng kamatayan sa pamamagitan ng Kamahal-mahalang dugo ni Jesukristo na aming Panginoon magpasawalang hanggan.
B.
AMEN.
(Papatayin na ang ika-2 kandila, kung 7 ang nakasindi o yung pangatlo at pang-apat, kung 14 ang bilang.) Antipona 3:
P. Panginoon, Ikaw ang aking kanlungan sa daigdig ng mga buhay. Salmo 142 (Dumalangin si Jesus upang Siya’y maligtas sa kamatayan)
Kanan: Ako ay humingi ng tulong sa Diyos, Ako ay dumaing, sa Kanya’y lumuhog; Ang aking dinala’y lahat kong hinaing, At ang sinabi ko’y pawang suliranin. Nang ako ay halos wala nang pag-asa, Ang dapat kong gawi’y nalalaman Niya. Sa landas na aking pinagdadaraanan. Kaliwa: May handang patibong ang aking kaaway. Sa aking paligid, nang ako’y lumingon, Wala ni isa man akong makatulong;
Wala kahit isa na magsasanggalang, Ni magmalasakit na kahit sinuman. Kanan: Ako ay humibik, kay PANGINOON dumaing, Sa Tagapagligtas, ako’y dumalangin; Pagkat Siya lamang ang lunas sa akin. Dinggin ang hibik ko, ako ay tulungan, Pagkat halos ako’y di makagulapay; Iligtas Mo ako sa mga kaaway, Na mas malalakas ang mga katawan. Kaliwa: Sa suliranin ko, ako ay hanguin At ang pangalan Mo’y aking pupurihin, Sa gitna ng madlang mga lingkod Mo rin Sa kabutihan Mong Ginagawa sa akin! Lahat: Papuri sa Ama at sa Anak at sa Espiritu Santo, Kapara noong una, ngayon at magpasawalang hanggan. Amen. (Lumuhod ang lahat) P.
Manalangin tayo para tayo ay maligtas sa pagkabilanggo sa kamatayan. (Sandaling katahimikan) Amang maibigin, sa iyong dahilang balakin, tinanggap ng Iyong Anak ang kanyang Krus upang iligtas kami sa kamatayan. Dagdagan Mo ang aming pananalig sa kapangyarihan ng Krus ni Kristo at palakasin ang aming pag-asa sa pamamagitan din Niya na aming Panginoon magpasawalang hanggan.
B.
AMEN
(Papatayin na ang ika-3 kandila, kung 7 ang nakasindi o yung pang-5 at pang-6, kung 14 ang bilang) PAGBASA Lektor: Ang salita ng Diyos mula sa Aklat ng mga Panaghoy 1:1-9 Ulilang ulila ang mga lungsod na dating matao! Dating bantog sa buong daigdig ngunit ngayo’y tulad ng balo; Dating pangunahing lunsod ngunit ngayon ay alipin! Buong kapaitan siyang umiiyak sa magdamag, ang mga mata’y laging luhaan; Lumayo na ang lahat at walang natira kahit isa upang umaliw sa ka nya. Ang dati niyang mga kaibigan ngayon ay mga kaaway. Ang mga taga- Juda’y nabihag at dumanas ng kalungkutan at paglilingkod na mabigat. Sa pananahan nila sa gitna ng mga bansa’y hindi man lamang sila makapagpahinga. Napaliligiran sila ng mga kaaway, walang paraan para makatakas. Malungkot ang mga landas patungong Jerusalem, pagkat wala nang dumadalo sa kanyang mga takdang kapistahan; Wala nang nagdaraan sa kanyang mga pintuang-bayan, Dumaraing at nagbubuntong-hininga ang kanyang mga saserdote,
Pinagmamalupitan ang mga dalagang mang-aawit sa templo. Napakapait ng sinapit niya! Naging panginoon niya ang kanyang mga kaaway, Pinapaghirap siya ni Yahweh dahil sa marami niyang pagsalansang. Wala na ang kanyang mga anak, sila’y dinalang bihag ng kaaway. Naparam na ang karangyaan ng Jerusalem. Ang kanyang mga pinuno’y parang mga usang di makasumpong ng pastulan; Nanghina na sila sa pag-iwas sa mga humahabol sa kanila. Ngayong ang mga taga-Jerusalem ay nasa panahon pagdadalamhati at paggala, Nagugunita nila ang maliligayang araw na nagdaan. Nang mahulog sila sa kamay ng kaaway ay walang sinumang tumulong sa kanila Nang sila’y bumagsak, tinuya sila ng mga sumakop sa kanila Mabigat ang nagawang kasalanan ng Jerusalem, kaya’t siya’y naging marumi; Itinakwil na siya ng mga pumupuri noon sa kanya. Dahil sa tinamo niyang kahihiyan wala siyang magawa kundi managhoy at takpan ang kanyang mukha. Ang kanyang karumihan ay di maikakaila, at hindi niya alintana ang kanyang kalagayan. Malagim ang kanyang pagbagsak at wala man lamang umaliw sa kanya. Nagtagumpay ang kanyang kaaway at siya’y lumuhog ka’y Yahweh. P.
Paningin nati’y ituon sa Panginoong Jesus na nagbigay at nagpaging ganap sa ating pananampalataya.
B.
Paningin nati’y ituon sa Panginoong Jesus na nagbigay at ngapaging ganap sa ating pananampalataya.
P.
Sa kaluwalhatiang Kanyang nakamtan nang kamay Niya’y iunat sa Krus.
B.
Siyang nagbigay at nagpaging ganap sa ating pananampalataya.
P.
Papuri sa Ama at sa Anak at sa Espiritu Santo.
B.
Paningin nati’y ituon sa Panginoong Jesus na nagbigay at nagpaging ganap sa ating pananampalataya.
(Pupunta sa may kandelero ang magpapatay ng kandila; Kung 7 ang kandila papatayin ang ika-4 na kandila at kung 14 ito at ay papatayin ang ika-7 at ika-8.) PAGBASA Lektor: Ang Salita ng Diyos mula sa Aklat ng mga Panaghoy 3:1-9.55-57 Naranasan ko kung gaano kahirap ang maparusahan ng Diyos. Itinaboy niya ako sa lugar na wala kahit bahagyang liwanag. Walang awa niya akong hinahampas sa buong maghapon.
Tadtad ng sugat ang buo kong katawan at bali-bali ang aking mga buto. Ibinilanggo niya ako sa kalungkutan at pagdurusa. Isinadlak niya ako sa kadiliman, laging nasa bingit ng kamatayan. Ginapos niya ako para hindi makatakas; Nanambitan man ako at humingi ng tulong, hindi niya dininig ang aking dalangin. Susuray-suray ako sa tindi ng hirap, at kahit saan ako bumaling ay may pader na nakahalang. O Yahweh, tinawag ko ang iyong Pangalan nang ako’y nasa kalaliman ng balon; Narinig mo ang aking samo, “Huwag mong takpan ang iyong pandinig sa aking paghingi ng tulong!” Nilapitan mo ako nang ika’y tawagan ko; sinabi mo sa akin, “Huwag kang matakot!” P.
Bagamat Siya ang Bugtong na Anak, si Jesus at natutong sumunod kahit na sa pagpapakasakit.
B.
Bagamat Siya ang Bugtong na Anak, si Jesus at natutong sumunod kahit na sa pagpapakasakit.
P.
Para sa lahat ng sumusunod sa Kanya, naging bukal Siya ng kaligtasan.
B.
Si Jesus ay sumunod kahit na sa pagpapakasakit.
P.
Papuri sa Ama at sa Anak at sa Espiritu Santo.
B.
Bagamat Siya ang Bugtong na Anak, si Jesus ay natutong sumunod kahit na sa pagpapakasakit.
(Pupunta sa may kandelero ang magpapatay ng kandila; Kung 7 ang kandila papatayin ang ika-5 at kung 14 ito ay papatayin ang ika-9 at ika-10.) PAGBASA Lektor: Ang Salita ng Diyos mula sa Aklat ng mga Panaghoy 5:15-22 Naparam ang kagalakan sa aming puso; ang aming pagsasaya ay naging pagdadalamhati. Walang nalalabi sa aming ipinagmamalaki; tayo’y nagkasala at ngayo’ y nagdurusa! Nanlupaypay kami, at nagdilim ang aming paningin. Pagkat iniwan ng tao ng Bundok ng Sion, mga asong-gubat na lamang ang naninirahan doon. Ngunit Ikaw, O Yahweh, ang hari magpakailanman, Nananatili sa lahat ng salinlahi ang iyong luklukan. Kay tagal mo kaming pinabayaan, kailan mo kami aalalahanin uli? Ibalik mo kami sa dating kaugnayan sa iyo! Talaga bang itinakwil mo na kami? Sukdulan na bang talaga ang galit mo sa amin?
P.
Paningin nati’y ituon kay Jesus, ang dakilang pari na ating sinasampalatayanan.
B.
Paningin nati’y ituon kay Jesus, ang dakilang pari na ating sinasampalatayanan.
P.
Siya ang takbuhan ng mga tinutukso at nahihirapan
B.
Ang dakilang pari na ating sinasampalatayanan.
P.
Papuri sa Ama at sa Anak at sa Espiritu Santo.
B.
Paningin nati’ y ituon kay Jesus, ang dakilang pari na ating sinasampalatayanan.
(Pupunta sa may kandelero ang magpapatay ng kandila; Kung 7 ang kandila papatayin ang ika-6 na kandila at kung 14 ito ay papatayin ang ika-11 at ika-12.) KANTIKO NG MAHAL NA BIRHEN Antipona: lahat.
P. Hindi Niya sinagip ang Kanyang Anak bagkus ibinigay para sa ating
(Tatayo ang lahat at mag aantanda ng krus) Lahat: “Ang puso ko’y nagpupuri sa Panginoon, At nagagalak ang aking espiritu dahil sa Diyos na aking Tagapagligtas. Sapagkat nilingap niya ang Kanyang abang alipin! At mula ngayon, ako’y tatawaging mapalad ng lahat ng salinlahi, Dahil sa mga dakilang bagay na ginawa sa akin ng Makapangyarihan Banal ang Kanyang Pangalan Kinahahabagan niya ang mga may takot sa kanya, sa lahat ng Sali’t saling lahi. Ipinakita niya ang lakas ng kanyang mga bisig, Pinangalat niya ang mga palalo ang isipan, ibiniagsak niya ang mga nasa abang kalagayan. Binusog niya ng mabubuting bagay ang mga nagugutom, At pinalayas niyang wala ni anuman ang mayayaman. Tinulungan niya ang kanyang bayang Israel, Bilang pagtupad sa pangako niya sa ating mga magulang, Kay Abraham at sa kanyang lahi, magpakailanman! P.
Papuri sa Ama at sa Anak at sa Espiritu Santo
B.
Kapara ng sa una ngayon at magpasawalang hanggan
(Pupunta sa may kandelero ang magpapatay ng kandila; kung 7 ang kandila papatayin ang ika-7 kandila at kung 14 ito ay papatayin ang ika-13 at ika-14) (Luluhod ang lahat) P.
Panginoong Jesus anak ng Diyos na buhay
B.
Kaawaan Mo Kami
P.
Naging Masunurin ka hanggang kamatayan sa Krus
B.
Kaawaan Mo Kami
P.
Naparito Ka upang maglingkod at hindi upang paglimgkuran
B.
Kaawaan Mo Kami
P.
Sa Pamamagitan ng iyong pagdurusa at pagbuhos ng dugo
B.
Kaawaan Mo Kami
P.
Sa Pamamagitan ng Iyong kamatayan at paglilibing
B.
Kaawaan Mo Kami
P.
Sa Pamamagitan ng iyong pagpananog sa kinaroroonan ng mga yumao
B.
Kaawaan Mo Kami
P.
Sa Pamamagitan ng iyong muling pagkabuhay at pag-akyat sa langit
B.
Kaawaan Mo Kami
P.
Amang maawain tunghayan mo ang iyong sambayanan ng may pag-ibig ang pag-ibig na ipinakita ng aming Panginoong Hesu-Kristo nang kanyang iaalay ang kanyang sarili sa mga buktot na tao at magdusa sa Krus. Upang makamit namin ang buhay sa pamamagitan Niya na aming Panginoon ngayon at magpasawalang hanggan .
B.
AMEN.
(Papatayin ang lahat ng ilaw ng Simbahan, sandaling katahimikan, tugtugin ang matraca o kaya’y tatambol at lilisan ang lahat sa katahimikan )
