Geguritan Jayaprana

�

� � � � � � � � � � � � � � � � � � � � � � � � � � � � �

� � � � � � � � � � � � � � � � �

� � � �

PUPUH GINADA GINADA JAYAPRANA 1. Nanging ne munggah ring lontar, Wong tiwas munggah ring gurit, Sampun ia mapumahan, Mangelah pyanak tetelu, Mwani pedadwanan Luh adiri, Ne paling wayan ia pejah. 2. Ne nengahan milu pejah Matinnyane gebug gering, Daweg gerubuge reko, Irika ia pada lampus, Mati patpat sibarengan, Luh mwani, Memennya teken bapannya 3. Kantun ne paling nyoman Kejabut antuk I Gusti, Manjing dalem Puri reko, Ring Ida Anake Agung, Wajah limang likur temuang, Kari alit, Mawasta I Jayaprana 4. Carita sampun ring Puri Sang Prabu kalintang asih, Tekening I Jayaprana, Tuhu gobannyane bagus, Ragane naruju emas, Nyandat gading, Baguse twara dapada 5. Anake Agung n gandika “ Jayaprana maka kawin Arjunawiwaha pasa, Duk Arjunane kapigum, Matapa ring Indrakila, Lintang becik, Daweg dadarine ngoda “ 6. Makidung lawut nyatwayang Buka twara ada madain, Swarannyane manis alon, Anake Agung angrungu, I Jayaprana kasayang, Ririh manis, Tuhu maniru karupa

7. Wong jerone jani kocapang Pabisik ia pada nabing, Mapeta teken rwanga, “ Ento tuhu anak bagus, Dumadak tityang padika, Dewa gusti, Baan I Jayaprana 8. Ada len malih mangucap “ Tityang ngawangun sasangi, Dumadak tityang padika, Ngaturang guling tetelu, Ngarepin sanggah kamulan, Pesu mulih, Majekjekan patiwala. 9. Marejeng nyabran rahina Rejang renteng rejang lilit, Aduh dewa sasuhunan, Sadyan tityange manerus, Tekening I Jayaprana, Sane mangkin, Katemu tekening tityang. 10. Tan kawarna sapunika Sampun wusan makakawin, Anake Agung lingnia alon, Pangandikan Ida alus, Tekening I Jayaprana, “ Ne te cai, Suba kelih not kola. 11. Ngken ke wong jerone kola Ne melah-melah pilihin, Dijaba miwah dijero, Sekalan kola nu idup, Wong jeron kola tigang atak, “ Nto pilihin, Ane melah-melah jwang” 12. I Jayaprana manyembah “ Tityang pamit ne mangkin, Mapan durung manah tityang, Kadi ayame makurung, Wyakti tityang durung binal,

Pesantian Bhaskara Gita Shanti Pesan tian Bhaskara

©

� � � � �

Kantun wanci, Galak saking kakelegan.

13. Anake Agung ngandika “ Nguda keto baan cai, Sok tanjebin sawen dogen, Kemo iba pesu nganggur, Dipekene dibancingah, Ditu lingling, Anake luwas kepasar “ 14. I Jayaprana manyembah “ Tityang wantah sairing “, Tumuli raris majalan, Ngajabayang lampah ipun, Sampun dibancingah, Nene jani, Mangojog raris manegak. 15. Saget teka uli kaja Maklyap matengkalung gringsing, Mapusung lunggah swahan, Maledped teked ditundun, Bangkyang lengkyang adeg lanjar, Susu nyangkih, Kadi nyuh gadine kembar. 16. Kukune panjang kumerdap Tayungane membat miring, Tan pendah kedapa klayon, Alise tajep nyalikur, Rambute demdem tur samah, Kenyung manis, Isite ngembang rejasa. 17. Tan pendah Deling Kencana Mawasta Ni Layonsari, I Jayaprana keleson, Ngetonang dahane ayu, Kocap pyanak De Bendesa, Uli kangin, Uli di Banjaran Sekar. 18. I Jayaprana ka Puri Satindak manolih kori, Ni Layonsari kocapan, Wusan mabelanja mantuk, Sareng rowange dijalan, Pakerimik, Misikang I Jayaprana. 19. “ Wong apa ne itunian

Tarunane bajang cenik ? “ Ni Ketut sumawur alon, Makrempyang munyine alus, “Tan wenten tityang manawang, Rupa becik, Baguse nganyudang manah “ 20. Tan kocap Ni Layonsekar I Jayaprana ngaranjing, Maring dalem Puri reko, Parek ring Ida Sang Prabu, Anake Agung ngandika, “ Na cai, Suba cai kajaba ? “ 21. I Jayaprana manyembah “ Sampun tu tityang ngalingling, Wenten asiki kemawon, Tuhu rupannyane ayu, Kocap pyanak De Bendesa, Saking kangin Magenah ring Banjar Sekar “. 22. Anake Agung ngandika “ Buwin pidan melah melah nyuwang ?” De Sengguhu matur alon, “ Kocap malih wolulikur, Anggara Manis Kuningan, Lintang becik, Sasih kapitu irika “ 23. Prabekele sawur sembah Prebekel I Sawunggaling, Wyakti nika ne kabawos, Dina sasih pada ayu, Anake Agung manyurat, Linging tulis : “ Maman Bendesa Kanginan “. 24. Aku mapeta ken maman Apang suka maman nampi, Pyanak mamane Ni Nyoman, Ia jani idih aku, Apang suka maman nanggap, Pyanak kalih, Tekening I Jayaprana. 25. Di kapitune ka juang, Buwin wolulikur jani, Damam kemengan, Cacirine suba mungguh, Sampun wusan Ida Nyurat, Linging tulis,


©

� � � � �

Kadi arep ia kocapan. 26. I Jayaprana kepaica, Raris manunas mapamit, Tumuli majalan reka, Manganginan lampah ipun, Tan kocapan ia dijalan, Sampun prapti, Kangin di Banjaran Sekar. 27. Ngojog ka umah De Bendesa, I Jayaprana mangraris, De Bendesa lanang wadon, Maderek sareng malungguh, Pyanak nyane ye ditengah Saget prapti, Parekan I Jayeprana. 28. Dane Jro Bendesa lanang, Tang kejut lawut nyapatin, “ Bai uli di jero, Tumben san mariki nganggur, Punapa sih wenten karya, Ulat gati, Mriki raris menekane “. 29. Ni Layonsari kacingak, Lawut kasawang kabilbil, Tumuli tuwun maserod, Yeh matane deres pesu, Mulihan ngubet jelanan, Lawut ngeling, I Jayaprana menekan. 30. I Jayaprana mangucap, “ Tityang kautus mariki, Mamakta ya surat reko, Pangandikan Da Sang Prabu, Puniki surat salembar “. Tur katurin, Dane Bendesa nanggap. 31. Punapi daging surat, Raris dane mamalihin, Kapaca dihati reko, Antuk Jero Bendesa kakung, Sampun ya tatas winaca, Linging tulis, Kadi arep ia kocapan. 32. Dane Bendesa mangucap, “ Maman ne wantah sairing, Yan cai kaicen reko, Sedian maman manerus,

Mamantu pada dijaba Tunden sai, Cucu bakat ‘ngkog-ngkogan. 33. Nanging adin cai nista, Twara mangidepang munyi, Mangandelang lemet basang, Yan glemakin ia mengambul, Dahar cening canang bapa, Nene jani, I Jayaprana mangucap 34. “ Inggih sapandika bapa, Tityang manunas mapamit “, De Baendesa ngucap alon, “ Sandikan I Mirah Ratu, mai mai keumah bapa, ne malali “, I Jayaprana mamindah. 35. Tan kocap ring Banjar Sekar, I Jayaprana mengraris, Tan kacarita ring margine, Mangraris ka Jero Agung, Sampun rawuh ring Puri, Wus mabakthi Sang Prabu duk dipamengkang. 36. Anake Agung ngandika, “ Suba ke cai katampi, antuk dane De Bendesa ?” I Jayaprana umatur, “ Sampun suka dane nanggap, Dewa gusti, Pandika cokor I Dewa “. 37. Yan pajar Jro Bendesa, Ipun ne rawuh sairing, Ipun wantah mangaturang, Sadia ring cokor I Ratu, Yadi pacang kapica, Ipun ngiring, Bakthi ring cokor I Dewa “. 38. Anake Agung ngandika, Teken prebekele sami, “ Maman pada kene karya, Ngawe umah apang luwung, Ngawe nang I Jayaprana, Apang gati, Apang pragat dana dina “. 39. Bale Singasari dadwa, Mancagina bandungsari,


©

� � � � �

Pacang pasareanne reko, Bale gajah makakipu, Lyan nene dijabayan, Ngapit kori, Sakawolu makembaran 40. Bale tajuk dijabayan, Bancingahe mancak saji, Tembok panyengkere reko, Pitung tangkeb kuri ipun, Prabekele sawur sembah, Inggih gusti, Sandika cokor I Dewa. 41. Sampun sanja surup surya, Prabekele sami mapamit, Anake Agun kajero, I Jayaprana manumut, Sampun kaicen lungsuran, Lwir I Gusti, Sampun Ida mangunggahang. 42. Tan kocapan sapunika, Kocap De Bendesa kangin, Menari pyanake reko, Pamunyin danene halus, “ Mas I bapa nyai Nyoman, ne i tuni, ada to parekan teka. 43. Maadan I Jayaprana, Kanikayang menyirenin, Pandika munggwing surat, Apang suka bapa mupu, Tekening I Jayaprana, Nene jani, Nyai pacang kapaica. 44. Dikapitune ka juang, Buin wolulikur jani, Bapa wantah mangaturang, Nanging sih yan nyai kayun, Ni Layonsari mangucap, “ Tityang ngiring, Lamun pangandikan bapa “. 45. Tan kocapan De Bendesa, Kocap prebekele sami, Pepek dibancingah reko, Ngawe umah ane luwung, Ada jlema kalih laksa, Sampun gati, Manatal lawan macitak.

46. Ada mangawe adegan, Ngarencanayang lan ngukir, Ada nabas bakal parba, Gapurane agung-agung, Mukir mapindan garuda, Ngapit kori, Togoge menganggar pedang 47. Psareyane suba pragat, Makejang pada maukir, Pradane pakeronyoh, Magagenteng gedah murup, Kasur kembi tunde lima, Pada namping, Kotak tablane cumadang. 48. Matulis malalampahan, Malate digunung Kawi, Papadek matutub emas, Lalangse manyeti terus, Matelat malelampahan, Wargasari, Duke matemu ring taman. 49. Gegrantangan sarwa emas, Ndih tong ada nyuluhin, Kumeredep pakencorong, Gagandane mijik ngaluh, Sawos bale pancagina, Pada mukir, Ukiran patra wulanda. 50. Parbane malelampahan, Malat perang wedasari, Lyan ne di jaba reko, Sekatah balene puput, Prasaksat kadi ring swargan, Merikminging, Karya buin limang dina. 51. Gustine ngicen carikan, Teken kaulane sami, Kebo ngejuk di Pangulon, Kucita suba mabugbug, Pacang gulinge punika, Sampun sami, Bebek siape cumadang. 52. Prabekele nunas carikan, Miwah kawulane sami, Gamelan tan parunguwang, Arak brem serba iku, Ada ne negak dilwan,


©

� � � � �

Twara namplik, Punyah mauron-uronan 53. Anake Agung kacabe, Marek kaulane sami, “ Maman pada lamu apa, Magusti tekening aku, Sing ja maman mangadoang, Ngutang gusti, Sing ja ada musuh teka “. 54. Makemplung kulkul majalan, Da nu ngalih bekel mulih, Sing ja maman bakal kado, Magusti tekening aku, Yan teked di pangambyaran, Eda imbih, Pipise pada madasa. 55. Prabekele sawur sembah, “ Sandikan cokor I Gusti, Sampunang panjang pangrawos, Yan tityang kantun ma jujuk, Tong ginggang linggih I Dewa, Lamun kari, I Dewa manjakang tityang. 56. Rempak bau tangan kiwa, Tendas tityange mleketik, Tiba katanahe reko, Manawi gingsir I Ratu, Sampunan cokor I Dewa, Walang hati, Mangkin ngawaliang tityang 57. Ada len malih angucap, Majengking mangunus keris, “ Yadian mapeluk reko, Twara tityang pacang kengguh, Mbelanin cokor I Dewa, Saking bakthi, Tityang ngiring pakayunan. 58. Twara tityang pacang piwal, Manjak ring cokor I Gusti, Yan upami ngejuk kebo, Yadin karawuhan satru, Tong purun tityang tungkas, Twara gingsir, Tityang nyuwun pakayunan. 59. Sadina magagambuhan, Peteng wayange tan mari, Teka panamaya reko,

Wong Bajone sampun rawuh, Ma kako ban bulun merak, Bedil gritig, Kadi gelagah katunuan. 60. Pareret lan kendang cina, Cumangkirang mangrarengih, Dadap lan paresi reko, Panah cendekan dimalu, Baris macane padingklak, Madingkling, Solahe ngeresang manah. 61. Wayang wonge sai mara, Jojor kangkange di Puri, Baris pedange mengambyar, Ne suba mapradang malu, Sekatah ilen-ilenan, Sampun sami, Sekatahe sakaucap. 62. I Jayaprana kocapan, Sampun ngrangsuk busana lwih, Sekar dane mas angayan, Patitis garuda mungkur, Sengkange mas mandalika, Manting-anting, Kalaca kra mamanisan 63. Pinggele mas nawaratna, Babadong kancana ngrawit, Mawastra ya bot saka lor, Makampuh sutra jingga lus, Lalancingan gringsir wayang, Nyungklit keris, Dangangan mas masesocan 64. Tan pendah Sang Hyang Semara, Sampun nunggang jaran seri, Makakapa permas ijo, Kalawan sengkelat murub, Jarene tan katon jaran, Murub endih, Tan pendah giri kencana. 65. Mangraris sami majalan, Kuma De Bendesa kangin, Sabikas anak makarma, Nyai Nyoman raris pesu, Munggah ring joli kencana, Bala wargi, Para daha mangiringang. 66. Nene ngaba kepet cina,


©

� � � � �

Ne ngepeting bajang cenik, Ada ngaba pacanangan, Panganggone abra murub, Makejang mapusung ngandang, Tuhu lwih, Masekar magagempolan. 67. Joli emase malunan, Jarane majalan dori, Pengapit joline tamyang, Bedil cendekane malu, Pangawin mapontang emas, Ne mangabih, Prabekele lawan taruna. 68. Pangretebe petang dasa, Parekane bajang cenik, Maudeng batik maprada, Masekar tangguli ketur, Urangkane masampiran, Sada ngiring, Manyota nehen danganan. 69. Babintangan sarikonta, Pajenge masasinggal sutra ijo, Pajeng agung kembar telu, Anteng buncing sarwa parmas, Tuhu lwih, Kadi dadari Supraba. 70. Sampun rawuh ring kayangan, Bungcinge raris mabhakti, Usane mabhakti reko, Mangraris ka jero agung, Tan kocapan ya di jalan, Sampun prapti, Buncinge dijero Puri. 71. Anake Agung ring Puri, Kocapan kantun tangkil, Buncinge mamarek reko, Gustine tan sah mandulu, Nyingakin Ni Nyai Nyoman, Tuhu lwih, Kasor dadari Supraba. 72. Gustine amalih manah, Tumuli ngandika raris ; “ Mai dini nyai negak, Eda ngejoh tekan aku “ Buncinge ngaturang sembah, Luh mwani, Gustine tan kena ngucap.

73. Sampun sanja surup surya, Buncinge raris mapamit ; “ Dewa Ratu Gustin tityang, Tityang pamit ring I Ratu “ Raris nyembah sibarengan, Tur mamargi, Buncinge raris kajaba. 74. Anake Agung kemengan, Tumon ring Ni Layonsari, Tumuli tuwun maserod, Turing kayun Ida buduh, Mangrebutin Nyai Nyoman, Semu tangis, Anake Agung kedanan. 75. Prabekele sawur sembah, “ Sampunang I Gusti, Kangen kadi sapunika, Sakatan anake tahu, Nanging masa tambat tityang, Mamiranti, Mbesekayang I Jayaprana 76. Anake Agung ngidapang Atur prabekele sami ; “ Kenken baan mangrawosang, Baangin sih kuda aku, Marentah I Jayaprana, Apang mati, Ngawenang daya upaya “. 77. Angde yan ia suba pejah, Ni Nyoman apange manjing, Yan aku twara mabahan, Nyai Nyoman Dewa Ratu, Tan urungan kai pejah, Mati sedih, Menyedihang Nyai Nyoman. 78. Prabekel sawur sembah, Prabekele I Sawunggaling ; “ Eman ban tityang ngerawos, Ngawenang ia daya apus, Ajak kawuh ke Terima, Manitenin, Ortayang prahune bencah. 79. Wong Bajo ngejuk menjangan, Kebone telas kebedil, Sampun rawuh di pangulon, Wong Grokgake telas rarud,


©

� � � � �

Makisid ke Tegallenga, Sisan mati, Kebo sampine kajarah. 80. Kocapang I Jayaprana, Sukan manahe tan sipi, Twara kwang amah, Anggon panyerowan suba lyu, Sampun ia mangunya-ngunya, Kumah margi, Uli istri uli lanang. 81. Tonden tutud akambuhan, Teka parekan mangaliha, Kapandikayang ka jero, Pangandikan De Sang Prabu I Jayaprana kesengan, Tur mamargi, I Jayaprana ka Puri 82. Sampun rawuh ring bancingah, Kandikayang mangraris, I Jayaprana kajero, Pepek prabekele paum, I Jayaprana manyembah, Tuhu ririh, Jrijine rurus mangancan. 83. Anake Agung ngandika, Teken mprabekele sami, Miwah ring I Jayaprana ; “ Maman pada tunden aku, Luwas kawuh ka Terima, Manitenin, Orta ada prahu bencah. 84. Wong Bajo ngejuk menjangan, Kebone telah kebedil, Suba neked ke Pangulon, Wong Grokgake telah rarud, Ada mati masupeksa, Sisan mati, Rarud ia ke Tegal Lenga. 85. Prabekele sawur sembah, “ Sandika cokor I Rau” I Jayaprana lingia alon, “ Sandika cokor I Ratu “ Masangketa di bancingah, Nene mani, Pajalane pradang. 86. Sampun sanja surup surya, Prabekele sami mapamit,

Anake Agung kajero, I Jayaprana umantuk, Pamargine ngajabayang, Sampun prapti, I Jayaprana ring umah. 87. Ni Layonsari kawarna, Kedek-kedek kenying kenying, I Jayaprana manyangkol Sambil ia mengajum-ajum, Ni Layonsari mangucap, “ Mangkin beli, Tityang nyagiang I Mirah “ 88. Wong jerone manabdabang, Salwir sorohing sagi, Sampun sami tragia reko, Ni Nyoman raris umatur, Matimpuh sambil manyembah, Lintang bhakti ; “ Rarisang beli ngajengan “ 89. Tumuli ngaturang dahar, Sukan manahe tan sipi, Ni Layonsari matakon, Setingkah anake paum, I Jayaprana mangucap ; “ Mas I beli, kari nyai apang melah “ 90. Beli luwas ka Terima Kandikayang manitenin, Wong Bajo mamedil kebo, Wang Grokgake telah rarud, Sira ngiringang I Mirah, Nene mani, Luwas kauh ke Terima. 91. I Jayaprana angucap ; “ Prabekele luwas sami, Ada jlema petang dasa, Nene bakal luwas kawuh, Pajalane apang pradang, Nene mani, Masangketa dibancingah “. 92. Tumuli raris medahar, Wang jerone mangajahin, Usan ne megahar reko, Munggah kepasaren sampun, Ni Layonsari pradang, Suba nampin, Lekesan mabuwah nguda.


©

� � � � �

93. Teken roko tigang benang, Papiritan cara Puri, Pidada isinin roko, Lekesan makejang ditu, Teken pipis karobelah, Sampun sami, Tumuli lawut anidra. 94. Sampun liwat asirepan, Ni Layonsari mangipi, Ipiang umahe reko, Anyudang blabar agung, Sampun paekan das lemah, Ia ngendusin, Lawut manuturang ipian. 95. “ Beli Nyoman Dewan tityang, Matangi tityang mangipi “. I Jayaprana lingnia alon : “ Punapi ipian iratu ?”. Ni Layonsari angucap : “ Tityang ngipi, Umahe anyudang blabar “ 96. Sadaging umahe telas, Ipiang tiyang mangraris, Kawon kojarannya reko, Eda luwas kawuh, Tan urungan beli pejah, Lawut ngeling, Ni Layonsari sigsigan. 97. I Jayaprana mangucap, “ Lamun tuduh beli mati, Dije ke beli manongos, Dadian ke magedong batu, Tan urungan beli pejah, Mangemasin, Nanging patute tindihang “. 98. Sampun tatas galang tanah, I Jayaprana mapamit, Ni Layonsari ia bengong, Yeh matane deres pesu, I Jayaprana kocapan, Ngasih-asih, Tan logas ipun matinggal 99. Tumuli lawut majalan, Pajalane nolah nolih, Ni Layonsari maninjo, Sarwi ia makubun-kubun, I Jayaprana macingak,

Tansah sedih, Magantung-gantung di mata. 100. Sampun rawuh dibancingah, Pepek prabekele nganti, I Jayaprana lingia alon : “ Sapasira dereng rawuh ? “. I Sawunggaling angucap : “ Sampun sami, Maman ngantos cai dogeng “ 101. Tumuli lawut mamarga, Sampun rawuh dipasisi, Teked dipondoke kelod, I Jayaprana katanjung, Manyelempoh lawut negak, Nene jani, Mereren batang ketapang. 102. Sampun ia ngarasa pejah, Tumuli raris mamargi, Rawuh ring Pabean reko, Enggal lampahe andarung, Rawuh di tanjung Tinga-tinga, Surup rawi, Ditu jani marerepan. 103. Wawu tatas galang tanah, Tumuli raris mamargi, Rawuh ring Grokgak reko, Pangulon sampun ring pungkur, Pamargine tan pararyan, Sane mangkin, Tukad Pule kaliwatin. 104. Banyu Pohe sampun liwat, Sampun rawuh ring Pulaki, Ditu ia mareren reko, Munyin macane pagelur, Kidang lan ijung manjangan, Ia mangaik, Sampun sagetan das lemah. 105. Satawana asawuran, Kalawan merak manyerit, Sampun galang wetan reko, Tumuli raris lumaku, Tan kocapan ia dijalan, Sampun gelis, Gendangan wus kaliwatan. 106. Rawuh ring Tanjung Rijasa, Ditu kalangene luwih, Bojog magayung-gayungan,


©

� � � � �

Pada ngempak empak kayu, Buka katon ngalap sekar, Pagulanting, Ada ngalapin who-wohan. 107. Marebut teken rwange, Lwir Sugriwa lan Subali, Marebutin Dewa Tera, Taruna Laksmana nulung, Sareng ring Sang Ramadewa Nunas kasih, Rwangnyane mamelasang. 108. Tan kocapan ia dijalan, Lampahnyane mangraris, Rawuh ia di pagamaetan, Tan kawarna lampah ipun, Sampun rawuh di Terima, Sirep sepi, I Jayaprana kocapan. 109. Sampun ia merasa pejah, Nanging benehe tindihin, Yadin jagi sinah kawon, Jejer pageh ngaba kayun, Twara buin maplawan, Nene jani, I Sawunggaling angucap. 110. “ Mas imaman cai Nyoman, Maman kautus ne mangkin, Antuk Gustin cai reko, Apang eda salah sengguh, Puniki surat paica, Teken cai “ I Jayaprana mananggap. 111. Tumuli raris kapaca, Salinging surate mangkin, “ Ne te cai Jayaprana, Twara sedeng bakal pupu, Mejalan cai apang melah, Nene jani, Kongkon kola ngamatyang”. 112. Sisip caine prasangga, Mamader tingkahing gusti, Somah caine Ni Nyoman, Ia pacang juwang aku, Dong pantes cai ngelahang, Nene jani, Eda cai makeratang”. 113. Sampun tatas ia winaca,

Salinging surate sami, I Jayaprana lingnia alon, “ Tityang ngiring Dewa Ratu, tityang suka kepademang, tan pa sisip, lamun nto masih tityang. 114. Yan jagi Cokor I Dewa, Mangamet Ni Layonsari, Mangda becik mamanjakang, Dwaning ipun wong dusun, Durung nahanin ring Puri, Daweg Gusti, Keni Ratu ngampurayang. 115. Mungguhing sikian tityang, Maka iwang lwir sisip, Sweca ugi mangapusang, Amunike inggih puput “. “ Liwat tane tuna bagia, Nah to adi, Kari adi apang melah”. 116. “ Tityang wantah misadia, Mangiring kayun I Gusti, Nene mangkin sapa sira, Utusan Anake Agung, Pacang mananganin tityang?” Nah ne jani, I Sawunggaling angucap. 117. “ Cai Nyoman Dewan tityang, Maman utusan I Gusti, Teken pada rwang reko, Katitah ban Da Sang Prabu, Ngiring mai ke Terima, Nah to cai, Apang cai manyukayang. 118. Sangsarane akresekan, Marga becik tuwut cai, Rain caine Ni Nyoman, Tan makelo pacang nutug, Sareng cai mangguh swarga, Eda gingsir, I Jayaprana angucap : 119. “ Twara tityang takut pejah, Yan sampun kayun I Gusti, Sadia ne mamula reko, Mangkin kayun Ida ngabut “. Prabekele kapiwlasan, Pada ngling,


©

� � � � � �

Ngatonang I Jayaprana. 120. I Sawunggaling angucap, Sambil ia mangunus keris, “ Eda cai salah rawos, Mapan sih maman kautus, Mangiringang pangandikan, Nah ne jani, Majalan cai apang melah “. 121. Kasuduk raris kasalang, Mijil getihe sumirit, Ebonnyane maimpugan, Maha bon dedes tinggalum, Prabekele sami sigsigan, Mengakebin, Layon dane Jayaprana. 122. Nene mananganin ngucap : “ Sedih mamane tan sini “ Mangembeng-embeng yeh panon Rwange pada pasleguk kangen, Ring I Jayaprana, “ Suba mati, Kudiang jani mangidupang “. 123. Tamblilingan lyu teka, Mangaras getihe mijik, I Sawunggaling mangucap : “ Subake bangbange puput ?”. “ Sampun ko ipun pragat “ “ Nene jani, Kemo ke cai mandusang “. 124. Genter pater asauran, Lumarap katon ring langit, Ujan rajane masriok, Teja guling lan kakuwung, Sang Hyang Surya makalangan, Kilap tatit, Prabawan I Jayaprana. 125. Ketug linuh magenjotan, Remrem miwah riris alit, Prabekele sami bengong, Ada ia mangucap alus : “ Yan urungan manggih swarga, Bin apalih, Sang Prabu dumadi panjak. 126. Sampun kagawenang bangbang, Layone kadi aguling, Lumiyep netrane reko, Mirib kedek ulat kenyung,

Angkebin baan kumbang ebang, Sampun alid, Sampun purna kaurugan. 127. I Sawunggaling mangucap : “ Kari Nyoman maman pamit “. Tumuli majalan reko, Teka macanne manutug, Sawatarapetang dasa, Nutug uri, Manyarap dijalan-jalan. 128. Rawuh maring pagametan, Kejag rwange kakalih, Rawuh ring pamuteran, Tanjung Serna ia dipungkur, Pulakine suba liwat, Sampun prapti, Ditukad pule mararyan. 129. Sampun ia tatas rahina, Tumuli lawut mamargi, Sampun rawuh ring Grokgak, Kecag rwange pepitu, Patase sampun kliwatan, Saget prapti, Pengulon di Carangrata. 130. Clukan Bawang sampun liwat, Tukad jurange kapanggih, Sampun rawuh di Barongbong, Gelis lampahe anarung, Saget sembilange galak, Bakat njekin, Mati rwange asia. 131. Buin twara bakat tawar, Mati buin petang diri, Tumuli majalan reko, Teked di Ketapang undung, Nadakang banone galak, Manujahin, Mati rwange lalima. 132. Teked dipondok jaringan, Bedake twara ja gigis, Mareren mangidih toya, Manginum ya yeh di beruk, Lenlenan lawut cekutan, Delak-delik, Tetelu mati cekutan. 133. Tan kocapan sampunika, Kocap teked pada mulih,


©

� � � � � �

Mangraris mamarek reko, Ring Ida Anake Agung, Ida sampun di bancingah, Manitenin, Kocap prabekele teka. 134. Prabekele dibancingah, Mamarek Ida I Gusti, Anake Agung ngandika, “ Kenken iba tunden aku, Lwas kawuh ka Terima, Manitenin, Kocap prahune bencah. 135. Wang Bajo ngejuk manjangan, Kebone telah kebedil, Twi saja buka keto, Sakadi ortane malu ?”. Prabekele sawur sembah : “ Dewa Gusti, Sayawakti sapunika “. 136. Wang Prahu taler katah, Dapet tityang ring pasisi, Jagi ipun munggah ka njong, Gelisan tityang mangamuk, Padem wenten kalih dasa, Sisan mati, Gelisan ipun melayar. 137. Parekan Cokor I Dewa, Cai Nyoman ipun mati, Padem ipun sarap sangmong, Bangkene tong bakat tutug, Sareng teken rencang tityang, Pada mati, Matulak wantah adasa. 138. Sang Prabu magebug tangkah, “ Ngadi pira saja cai, Bau pidan kabuncingang, Dadi cai jani lampus, Tan kawarna pola ira, Kocap jani, Ni Layonsari ring umah. 139. Gowake maseliweran, Mangalup-alup mamunyi, Duhur umahe ngagalok, Nyai Nyoman raris pesu, Karurunge ngalih orta, Nene jani, Kocap prabekele teka.

140. Saget ada anak mentas, Ni Layonsari majinjin : “ Maman ko tityang matakon, Kocap prabekele rawuh, Bli Nyoman dane dija ?”. Dereng prapti, Salyun anake mentas. 141. Twara bareng teken maman, Sing je dane nu duri, Ni Layonsari mangantos, Dimargine kitak kituk, Na konang I Jayaprana, Dereng prapti, Salyun anake mentas. 142. Saliun anake teka, Ngorahang twara nepukin, Ada anak mentas nunggal, Kapiolas ia manutur : “ Rakan nyai suba pejah, Tigang wengi, I Sawunggaling nyedayang. 143. Mati kauh di Terima, Petan maman teken nyai, Kocap sisip dane reko, Margan rakan nyai kapus, Baan dane marabyan, Ayu lwih, Nyai anggon dane dosa. 144. Anake Agung kedanan, Manyingakin rupan nyai, Eda manuturang reko, Pamunyin mamane bawu, Tan urungan maman pejah, Mangemasin, Bungut anggon maman dosa. 145. Ni Layonsari angucap, “ Olas mamane tan sipi, Mangortain tityang reko, Wekas apang tityang nawur, Utang tityange ring maman”. Lawut ngeling, Ni Layonsari sigsigan. 146. Melaib lawut mulihan, Lantas ia manghunus keris, Wang jero ngrebut reko, Helingnyane pasaleguk, Nyai Nyoman papetengan,


©

� � � � � �

Dewa Gusti, Tan heling tekening raga. 147. Dane Bendesa kocapan, Luh mwani pada ngeling, Ane mwani ia manohos, Masambatan pati jlamut, “ Cai Nyoman pyanak tityang, Dadis lalis, Cai mangalahin bapa. 148. Ibi powane kantenang bapa, Sukane tan sipi-sipi, Buka tan mamanggih kawon, Sayang antuk Anak Agung, Dadi jani cai pejah, Dewa Gusti, Juang bapa apang enggal”. 149. Sampun liwat asirepan, Nyai Nyoman twara meling, Dadi ia makelap katon, I Jayaprana macelup, Manegak sareng mapapas, Sawur eling, I Jayaprana mangucap. 150. “ Mas beline Nyai Nyoman, Kari nyai bli pamit, Nanging yan nyai kajero, Apang melah ngaba semu, Degdegang pesan jwa mirah, Belog beli, Ngawenang daya bencana. 151. Nene mani ada teka, Parekan mangalih nyai, Eda nyai pacang tong nyak, Dening bli suba lampus, Mati kawuh di Terima, To ne jani, I Sawunggaling mademang. 152. Beli mati tanpa dosa, Kari nyai beli pamit, Tumuli malecat reko, Ni Layonsari ia bangun, Kapupungan lawut negak, Tur mangeling, Ni Layonsari sigsigan. 153. “ Gusti tityang Bli Nyoman, Lalis san beli ngalahin, Juang tiang de makelo,

Apang tityang bareng lampus, Pamunyin beline mirah, Bareng mati, Dadinya beli matinggal “. 154. Rahina tatas samengan, Teka parekan mangalih : “ Nyai the jalan ka Puri, Pangandika Da Sang Prabu “ Ni Layonsari majalan, Sada gelis, Sampun rawuh ia di Puri. 155. Anake Agung angucap, “ Suka nyai mupu beli, Idepang I Jayaprana, Sedihe apang lipur, Apang nyai durus sweca, Beli sedih, Manyedihang Nyai Nyoman. 156. Mangda ya I Mirah ica, Nagingin pinunas beli, Sakancan daging jero, Apang Dewa jua mupu, Sampunika jua mirah, Mangda asih, I Dewa manjakang tityang “. 157. Ni Layonsari angucap : “ Tityang tan suka mangiring, Yadyan tityang pacang kawon, Lamun sampun saking patut, Anake Agung kerangan, Manesekin, Ni Nyoman semu magebras. 158. Sampun sanja surup surya, Wang jerone sampun prapti, Mamakta ajengan reko, Anake Agung tumurun : “ Nyai Nyoman mas mirah, Dong mariki, I Mirah sareng madahar. 159. Ni Layonsari mamindah : Ne sewosan icen sagi, Wang jerone pada encol, Ni Layonsari tan kayun, Sedihe tong dadi lile, Apang kari, Eling ring I Jayaprana. 160. Sampun ida ngerayunang,


©

� � � � � �

Malih ida ngawanin, Nampekin Ni Layonsekar, Pangandikan Ida alus : “ Nyai Nyoman dewan tityang, Nene mangkin, Tityang wantah nunas tamba. 161. Yan tan Nyai Nyoman ica, Tan urungan bli mati, I mirah memanggih kawon, Kadi toya di don candung, Yan tan I mirah negdegang, Songging gigis, Tan urungan labuh ketanah. 162. Mangde yang I Mirah ica, Mapupu beline mangkin, Sadaging Purine reko, Apang I mirah mamungkul, Sami jagi keaturang, Lwihing rabi, I mirah manganggen panjak. 163. Ni Layonsari mangucap, Tityang pamit ne mangkin, Yan kayun I ratu ngantos, Suwen ipun solas dalu, Anake Agung kerangan, Mamahekin, Ni Nyoman manganggar pedang. 164. Kacarita benjang semengan, Sang Parbu kejaba mijil, Pepek prabekele reko, Anak Agung semu sendu, Twara medal pangandika, Nene mangkin, Prabekel takut makejang. 165. Tan kocapan sapunika, Kocapan Ni Layonsari, Magaleng-galeng yeh panon, Sedihe dadi lipur, Setata mangguh duhkita, Dewa Gusti, Pawikan I Jayaprana 166. Sedihe tong keneng pasah, Dadi ia ngelalu mati, Raris manghunus kadutan, Kasuduk luhuring susu, Sapisan lawut ia pejah, Wibuh rawit,

Layone mangayang-ayang. 167. Anake Agung kocapan, Aling ring Ni Layonsari, Tumuli ida mangojog, Ngagenang pacang ngarumrum, Mangintip masawang tanggar, Sane mangkin, Ngandika jabaning lawang. 168. “ Nyai Nyoman dewan tityang, Dong ampakin tityang kori, Tityang wantah nunas ica, Kasuwen twara masawut, Raris ida nebah lawang, Tanpa kancing, Katon Nyai Nyoman pejah. 169. Saup sangkol aras-aras, Bangkene jua papasihin, Nyai Nyoman Dewan tityang, Munyine pati jelamut, Twara karwan jajalaran, Dadi paling, Panyingakan kasaputan. 170. Wang jero katon manjangan, Dadi ida ngunus keris, Raris mangamuk di jero, Wang jerone pada melayu, Pajerit katon manjangan, Twara kikit, Anake Agung ngandupang. 171. Parekane kapadamplang, Twara karwan pakelit, Ada ia bebelan bengong, Ada len sedek manunun, Ada sedek nyikat benang, Lan mengantih, Sami katonang paburwan. 172. Anake Agung nerejang, Sahasa ida nebekin, Bangkene kocapan reko, Masrabutan ngandang nganjuh, Ada bangke manungkayak, Ada nyumprit, Ada len malih nylegadak. 173. Sapahek wang jero kapunggal, Ane sepanan melahib, Ada manyelepin pawon, Bangkene masusun-susun,


©

� � � � � �

Ada manyalesombeh, Pati kelid, Anake Agung kejaba. 174. Parekan pada prayatna, Makancut malilit ginting, Anake Agung wus katon, Ngagenang pacang mangejuk, Makejang lawut manerjang, To ne jani, Gustine manyunduk raga. 175. Prabekele pada teka, Dapetang Gustine mati : “Kengken kranan Ida seda, Margan Gustine kasembut ?” Ada mabungut pisune, Mangorahin, Parekan nyedayang ida.

Lan I Jayaprana reko, Sampun presida matepuk, Matemu dane ring swargan, Makekalih, Makurenan tur mamarga. 181. Dwaning dane tan pa dosa, Kawon olih kabencanin, Bathara sami mabawos, Kapatut dane kajunjung, Kalinggihang ring utama, Jati lwih, Suci ening tur nirmala.

176. Prabekele brahmantian, Dadi pada ngunus keris, Parekan pada prayatna, Ia manah bakal mangejuk, Enggalan kena katebah, Nene jani, Pada mangunus kadutan. 177. Prabekele manerajang, Magulet syate sengit, Masuduk saling prajaya, Kulkul buluse mangebut, Luh mwani pada pejah, Tur ring melih, Suryake mabyayuhan. 178. Ane luh nyemak belide, Ada numbak ban jariring, Getihe sedeng karobok, Bangkene suba madugdug, Ada mati nyingal pyanak, Nene jani, Desane uwug sadina. 179. Parekane pada telas, Katekaning bala wargi, Prabekele telas reko, Dane jero Bendesa kantun, Kari mamukti kasuken, Twara kikit, Sisane mati mayuda.

� � �

180. Tan kocapan sapunika, Atmanne Ni Layonsari,

� � �


©

182. Sapunika kojarannya, Asing melaksana lwih, Swarga kapangguh reko, Amunika linggih puput, Punggel ikanang carita, Tur ne mangkin, Tan kawarna lampah ira.

PUPUT “OM SHANTY SHANTI SHANTI OM“ de’polierdarma@2007

� � � � � �


©

Geguritan Jayaprana

Recommend Documents