Ang Pagbabagong Inaasam Ko Sa Pamahalaan

#10 Ang Pagbabagong Inaasam Ko Sa Pamahalaan (ni Yolanda Panimbaan- Canatan Learning Center) Pamahalaan...sangkatauhan na may namumuno/opisyal na nagpapalakad nito. Nagpapatakbo sa pagpapaunlad ng bayan o kumunidad. Ang mga karaniwang mamamayan ay sumusuporta lamang sa mga programa o plano ng gobyerno. Sa kasalukuyan, anu-ano ba ang inaasam ko sa pamahalaan? Ang mga ito ba ay magbibigay ng magagandang dulot sa buong sambayanan? Kailangan ba nating makialam upang ang inaasam nating pagbabago ay makamtan? Sa kasalukuyan, marami akong inaasam na pagbabago sa ating pamahalaan. Una, sana matigil na ang opisyal na “corrupt”. Mabigyan ng pansin ang mga problemang idinudulog sa kanilang tanggapan. Ang mga pangako ng mga bagong nahalal sana tuparin. Hindi lang puro salita, dapat may gawa na dapat ding makita ng sambayanan, na hindi lang sa dulo ng dila matapos ang mga pangakong binitiwan noong nakaraang eleksyon. Ang inaasam na pagbabago sa ating pamahalaan ay para na rin sa ating magandang bukas. Ang isa rin sa inaasam kong pagbabago sa ating pamahalaan ay sana wala ng hidwaan sa kanilang panunungkulan. Sila ang mga huwaran, mga dapat tularan lalo na sa mga kabataan. Ang mga ito ay magbibigay ng magagandang dulot sa buong sambayanan lalo na kung sakanilang “leadership” ay may “unity”, “peace” at “love” higit sa lahat. Ang pagkakaroon ng ‘unity”, peace at love” ay magbibigay ginhawa sa ating lipunan at sa sangkatauhan. Ang pagkakaroon din ng magandang “leadership” o pamumuno ay malaking tulong din dahil kung may magandang puno, may magandang bunga rin ang kalalabasan. Sa gobyernong magulo ang pamamalakad at pamumuno, tiyak na magulo, watak-watak, at kanya-kanyang pamamaraan ang mamamahay sa kanilang mga sarili. Ang pamahalaang ganito ay walang batas na sinusunod dahil ang nagpapasunod ay hindi rin karapat-dapat. May pagbabago pa kaya kung ganito ang ating pamahalaan? Di ba wala tayong mapapala kung magulo, may hidwaan at mga negatibong kaugalian. Kaya kailangan nating makialam upang ang inaasahang pagbabago ay makamtan. Kasalukuyang pamamahala, sana ay dapat huwaran sa ating mga mamayan, may magandang pananaw hindi lamang sa sarili kundi higit at lalo na sa ating lipunan. Sanay hindi maulit ang batas–militar noon. Ang tinagurian “Martial Law” na dati pinamumunuan ng diktatoryal na pamumuno. Huwag payagan na mangyari ulit ang dating walang kasing gulong pamahalaan. Dapat may tinig tayo para sa ating mga kalayaan. Sana ay lagi nating hilingin sa diyos na bigyan Niya lagi tayo ng mga magagaling, masisipag, mapagkakatiwalaang mga mamumuno at lalong lalo na may takot sa ating Amang Lumikha. Sana ay ang mga katiwalian ng ating pamahalaan ay masugpo na, higit sa lahat, sana patnubayan Niya lagi tayo sa tuwid na landas .