Sinumpaang Salaysay Ng Testigo

REPUBLIKA NG PILIPINAS) LUNGSOD NG MAKATI )SS

SINUMPAANG SALAYSAY NG SAKSI

Ako, si Marilou M. Santiago, may sapat na gulang, walang asawa, Filipino, at naninirahan sa Block 99 Lot 9, JP Rizal Street, Barangay Rizal, Makati City, pagkatapos makanumpa nang sang-ayon sa pinaguutos ng batas ay malaya at kusang-loob na nagsasaysay na:

1. Ako ay naninilbihan bilang kasambahay nila Arlene C. Tormon na tinatawag kong kuya at Elvie N. Tormon na tinatawag kong ate simula pa noong 2007;

2. Noong petsa 31 ng Mayo 2015 bandang alas dyis y medya ng umaga, ako ay nasa bahay nila kuya at nagwawalis ng sahig sa salas ng kanilang bahay. Kakatapos ko lang magluto ng pagkain ng pamilya Tormon; 3. Ako ay nakarinig ng malalakas na boses sa labas ng bahay. Lumabas ako ng pinto at nakita ko sina kuya, ate, isang mamang nakadilaw na pangitaas na aking nalaman ay taga barangay hall, si Henry Geromo at kanyang misis na si Victoria, at si Gemma Talon na may hawak na cell phone at sa pamamagitan pamamagitan nitong cell phone ay kinukunan nya ng pelikula ang mga pangyayari; 4. Nakita at narinig ko si kuya na nagpapaliwanag kay Henry Geromo.Nasa may pader sila. Minumuwestra ni kuya ang hangganan ng pag-aari nila. Si ate naman ay kausap ang taga barangay hall. Pinaguusapan nila ang tungkol sa hangganan ng kanilang mga lupain at sa hindi dapat paggawa ng anumang gawain sa kanilang ari-arian at lupain dahil may kaso i to sa korte; 5. Nang humakbang papalayo si kuya, nakita ko si Gemma Talon na lumapit at itinutok ang kanyang cell phone sa mukha ni kuya. Si kuya naman ay hinawi ang kamay ni Gemma para mailayo ang kamay nito sa kanyang mukha; 6. Sumigaw si Gemma kay kuya ng “Bakit ka nananakit?” Sumigaw din si Victoria ng “Bakit mo sinaktan kapatid ko?”  Ang sabi ni kuya, “Hindi kita

inaano. Itinutok mo kasi ang cell phone sa muhka ko kaya hinawi ko lang ang kamay mo. Magbigay galang ka naman.”

7. Ito ay nakita ng taga barangay at hindi naman sya kumibo; 8. Paglipas ng humigit kumulang limang minuto ay nag-alisan na ang mga nasabing tao; 9. Sa aking nasaksihan ay hindi maaring makasakit ang ginawang paghawi ni kuya sa kamay ni Gemma Talon; 10.Ang salaysay kong ito ay aking isinagawa bilang patotoo sa lahat na nabanggit na sa taas nito.

SA KATUNAYAN NG LAHAT NA ITO, ako ay lumagda sa ibaba nito, ngayong ika-27 ng Hulyo 2015 sa Makati City, Pilipinas.

Marilou M. Santiago Nagsalaysay

PAGPAPATOTOO

NILAGDAAN AT SINUMPAAN sa harap ko, ngayong ika 27 araw ng Hulyo 2015 ni Marilou M. Santiago a may katibayan ng paninirahan gawad sa _______ noong  _______

NOTARYO PUBLIKO

Kas. Blg Dahon Blg. Aklat Blg Taon