ATUR PAMBAGYA WILUJENG DHUMATENG TAMU SYUKURAN WISUDA
Assalamu’alaikum.. Wr.Wb Assalamu’alaikum
Para Sesepuh, para pinisepuh ingkang satuhu kinabekten. Para Bapak, ibu lan sederek-sederek sedaya ingkang minulya ing budhi. Para t amu lan adik-adik sedaya ingkang kula kurmati. Kula nuwun, keparenga kula semela atur, kula minangka minangka wakilipun saking kaluwarga Bp. Andi Nur Nur Sasongko ingkang hamengku adicara syukuran w isuda putranipun, Firdaus Ramadhan. Mangga kula dherekaken ngunjukaken puji syukur wonten ngarsanipun Allah SWT, ingkang dumugi ing titiwanci menika taksih kepareng paring Nugraha kawilujengan dhumateng panjenengan sedaya dalah sampun paring mapinten-pinten kanikmatan, saengga ing dinten menika kula saha panjenengan sedaya saged kempal manunggil wonten ing papan menika kanthi wilujeng . Bapak Andi Nur Sasongko sarimbit uga mboten kesupen ngaturaken pambagya wilujeng lan agunging panuwun dhumateng para rawuh ingkang nglonggaraken wekdal kangge rawuh ing acara menika saha paring donga pamuji dhumateng putra Bp. Andi Nur Sasongko, Firdaus Ramadhan ingkang bibar nuntasaken pendidikan ing Universitas Negeri Solo. Kaping tiganipun, boten kesupen ngaturaken gunging panuwun katur para sanak-sedherek. Ugi boten kesupen sedaya ingkang mbiyantu lan penyumbang ingkang wujud kenapa kemawon. Bapak Andi Nur Sasongko mboten saged piwales punapa-punapa, namung saged ndonga marang Gusti Allah SWT supados sedaya ingkang mbiyantu adicara punika angsal rahmat, keslametan saking gusti Allah SWT, gusti kang maha Kuwaos. Bapak Andi Nur Sasongko sarimbit nyuwun lilaning panjenengan sekaliyan kersa paring berkah pangestu wilujeng ing rubeda, saged dados putra ingkang dewasa, ngertos tanggel jawab, ngertos tata krama, saged bekti mring rama ibu lan mring sesepuh,lan saged ngabdi kangge kepentingan agama, bangsa lan negara. Kaping sekawan, mbok bilih wonten kakuranganipun kakuranganipun trapsila anggenipun ngacarani, menawi dhaharanipun kirang eco ugi papanipun papanipun kirang sae Bapak Andi Nur Nur Sasongko sarimbit ngaturaken sih samodra pangaksami. Ing wasana, para rawuh kasuwun kanthi sanget keparenga anglajengaken anggenipun sami lelenggahan ngantos sapripurnaning acara menika, lan saged angrahapi sedaya hiburan lan pasugatan wonten ing acara menika. Mekaten atur kula Kula kinten cekap semanten atur kula wonten ing adicara syukuran wisuda putranipun Bapak Andi Nur Sasongko menika . Mbok bilih kathah atur kula ingkang damel kirang renaning penggalih panjenengan sadaya, pramila kula nyuwun lumebering samodra pangaksami. Nuwun...
