“Munting Gamu-gamo”
May lilipad-lipad na isang gamu-gamo Sa tapat ng ilaw ng lamparang ito. Tuwang-tuwa siya sa liwanag nito. Paikut-ikot pa ang munting gamu-gamo.
Sabi ng nanay niya, “O anak, halika. Ikaw ay lumayo sa malaking lampara. Baka mamaya lang ika’y mahagip pa Ng silab ng apoy na maganda sa mata.
“Ay hindi po Inay, ako’y mag-iingat. Titingin-tingin lang at lilipad-lipad. Hindi po lalapit, di po isasayad, Ang maliliit ko’t magagandang pakpak.
Walang anu-ano’y narinig ang sigaw, Nitong gamu-gamong dating sumasayaw. Lugmok ang katawan, pakpak ay natunaw, Nasunog na pala sa lamparang tanglaw.
Umiyak si Ina at naghihinagpis “O anak, bakit nga ba ikaw ay makulit? Matigas ang ulo’t di mapilit-pilit, Sa gawang di-dapat siya mo namang nais.
Maging aral nawa’t maging halimbawa, Ang nangyayaring itong matinding sakuna. Mabait, sumunod sa mga babala ng inyong magulang, na nag-aaruga.
Bilugan ang wastong kahulugan ng mga salitang may salungguhit. 1. Ang lampara ay isang (bahayan, ilawan, lalagyan). 2. Ang munting gamu-gamo ay (malaki, mataas, maliit). 3. Kapag ikaw ay nahagip ng apoy, ika’y (masusunog, matutulog, matatapos). 4. Kay laki ng silab ng apoy. Malakas ang (ilaw, sinag, dingas) nito. 5. Si Ina ay naghihinagpis dahil siya ay (natutuwa, nalulungkot, naaaliw). 6. Ang gamu-gamo ay inabot ng matinding sakuna. Ito ay isang (maliit, mainam grabeng) aksidente. 7. Binigyan ng babala ni Ina ang batang gamu-gamo. Ito ay isang (paalala, pag-uutos, pagkukuwento) 8. Si Ina ay nag-aaruga sa munting gamu-gamo. Siya ang (nag-aalaga, nagpapasyal, naglalaro) hanggang ito ay lumaki.
Iayos ang pagkakasunod ng mga pangungusap ayon sa tula. Lagyan ng bilang 1-5 ang bawat kahon. ______ Tuwang-tuwa ang gamu-gamo sa liwanang ng lampara. ______ Nasunog ang pakpak ng gamu-gamo. ______ “Mag-iingat po ako,” ang sagot ng gamu-gamo. ______ Nag-iiyak ang ina ng munting gamu-gamo. ______ “Lumayo ka sa apoy at baka ka mahagip,” ang sabi ni Inang gamu-gamo. Anu-anong mga aral ang sa palagay mo ay siyang matutuhan mula sa tulang “Munting Gamu-gamo?” Lagyan ng tsek () ang gma patlang ng iyogn gma sagot. ______ Maging matapat ka. ______ Susunod ka sa utos ng mga magulang. ______ Maging masipag ka. ______ Huwag kang maging makulit. ______ Iwasan ang pagyayabang. ______ Maging maingat ka. ______ Huwag kang magnanakaw. ______ Iwasan mo ang pagiging matigas ang ulo. ______ Makikinig ka sa mga paalala ng magulang. ______ Maging mabait ka.
