I.
PANIMULA Isa sa hindi mapapantayang pelikula ng Pilipinas ay ang pelikulang “Kita
Kita”. Base sa kanyang pamagat, malalaman mo kaagad kung anong klase siyang palabas. Ngunit, hindi ang daloy ng kuwento. Isa yan sa nagpapaganda ng istorya ng isang kuwento. Hindi mahuhulaan ng manonood ang buong kuwento ng Kita Kita sa panonood lamang ng pakita o trailer nito. Maaaring isipin nilang, “Mukhang kakaiba dahil hindi pogi ang leading man, pero bulag naman ang babae eh, malay niya? Cheap comedy lang siguro ito!” Ganunpaman, halos puno ang sinehan nang manood ang CINEMA samantalang mag-iisang lingo na itong ipinapalabas noon. At hanggang ngayong halos dalawang linggo na itong tampok sa maraming mga sinehan, mahaba pa rin ang hatak nitong pila sa takilya. Marahil isa itong palatandaang handa na ang mga Pilipinong manonood sa ganitong uri ng pelikula — madaling sakyan, madaling intindihin, nakakaaliw panoorin, pero malalim ang pinaghuhugutan, kaya’t malalim din ang hatid na katotohanan. Nababakas sa Kita Kita na may sapat na kaalaman ang nagsulat nito tungkol sa kultura sa Saporro, kung kaya’t naihabi niya nang makahulugan ang ilang mga maliliit na bagay upang isulong at mabuo ang kuwento. Kung magaling ang pagganap ni de Rossi at Marquez, magaling din ang direksyon at pagkaka-edit ng pelikula. Napagtagni-tagni nito ang mga pangyayari sa tamang daloy na hinihingi ng kwento, at nabigyang kasiyahan ang manonood ng isang makabuluhang katapusan.
May kasabihan tayong “Love is blind”—ang pag-ibig diumano ay bulag. Nabigyang katuwiran ito ng Kita Kita kung saan napalambot ang puso ng isang babae ng isang lalaking hindi naman niya nakikita —ngunit ito ay dahil kahit siya bulag, nakikita niya ang puso ng lalaki, isang pusong mayaman sa kabutihang loob. May isa ring payo ang mga nakatatanda sa mga kababaihan na nabibigyang katuwiran ng Kita Kita: “Marry a man who can make you laugh.” Pakasalan mo ang isang lalaking kaya kang patawanin. Sa panahon ng pasakit at kadiliman, ang “sense of humor” ng mga taong m alapit sa atin ang mag-aangat sa atin. Tulad ni Tonyo, na dahil sa “sense of humor” niya ay nagsilbing salbabida ni Lea na malapit nang malunod sa pighati. Ang tunay na “sense of humor” ay hindi lamang basta pagpapatawa—lalo na’t hindi kung pagpapatawa i tong may halong panglilibak— kungdi isang magandang katangiang nag-uugat sa kababaang-loob. Dahil sa “sense of humor”, kaya nating pagtawanan ang ating sarili, at hindi rin tayo napipikon kahit pagtawanan tayo ng iba. Ang ubod ng kuwento ng Kita Kita, simula puno hanggang dulo, ay ang kagandahang maaaring hindi nakikita ng ating mga mata nguni’t nararamdaman ng kaluluwa: kabutihang loob. Makita kaya ninyo ito sa inyong panonood ng Kita Kita?
II. PAMAGAT Ang pamagat ng pelikulang aking napili ay “Kita Kita”. Bakit nga ba “Kita Kita” ang naging pamagat ng pelikula? Maraming nang tao ang maaaring mag tanong niyan. Ngunit nang akin na itong napanuod, nalaman ko ang tunay na dahilan kung bakit “Kita Kita” ang naging pamagat ng kuweto. Ito ay pinamagatang “Kita Kita”
Sapagjat ito’y tungkol sa isang bulag na inakalang may hitsura o gwapo ang nagpapasaya at nagpapatawa sa kanya.ngunit hindi ito makikita sa kanyang itsura bagkus kita kita sapagkat nakikita nia sa panloob na ugali nito ang kagandahang pag uugali ng lalaki na kahit siya’y hinde makakita, natutuhan niya itong mahalin.
III. KARAKTERISASYON AT PAGGANAP A. PANGUNAHING TAUHAN Ang mga pangunahing tauhan ng pelikulang “Kita Kita” ay sina Alessandra de Rossi at Empoy Marquez. Si Alessandra de Rossi ay isang Pilipinong “tourist guide” na nakatira sa Sapporo, Japan na nabulag matapos niyang masaksihan ang kanyang asawang hapon na nagtataksil. Pagkatapos nito, ay siya namang pag dating ng isang lalaking babago sa buhay ni Alessandra de Rossi, si Empoy Marquez.
B. KATUWANG NA TAUHAN Walang katuwang na tauhan, tanging sa pangunahing tauhan lamang umiikot ang kwento. IV. TEMA O PAKSA NG AKDA Ang tema o paksa ng akda ay tungkol sa romance at comedy. V. SINEMATOGRAPIYA
Mahusay ang mga shots na ginamit sa pelikula. Sa pamamagitan ng mga ginamit na shots. Naka tulong ang mga shots sa daloy ng pagsasalaysay ng kwento.
VI. PAGLALAPAT NG TUNOG AT MUSIKA Malinaw ag maayos na nailapat ang mga tunog sa mga bahagi ng pelikula na nagbigay daan upang bigyang linaw ang mga pangyayari sa pelikula na ito. Masasabi ko na maganda at may kaugnayan ang paglalapat ng musika sa bahagi ng pelikula. Nagbigay daan din ito upang maipadama ang bawat pangyayari sa mga manonood.
VII. EDITING Mahusay ang pagkakatagni-tagni ng mga pangyayari sa pelikula. Walang mga
bahagi ng pelikula ang tumatalon o di magkakaugnay na pangyayari.
VIII. PRODUCTION & DESIGN A. Ang lokasyon at ang mga props na ginamit sa mga eksena ng pelikula ay makatutuhanan at nagpadama sa mga manunuid ng totoong kalagayan sa buhah ng tauhan. B. Ang kasuotan ay angkop at ang mga make up ay mahusay na naipamalas sa bawat bahagi ng pelikula. C. Ang mga tagpuan o lokasyon na ginamit sa pelikula ay akmang-akma sa sitwasyon na hinihingi sa kwento ng pelikula.
IX. Direksyon Mahusay na nagampanan ng direktor ang kanyang tungkulin upang maiparating ang
tunay na mensahe ng pelikula batay sa pagkakasulat ng iskrip ng pelikula. Matagumpay niyang naisakatuparan ng direktor ang paglalapat sa lahat ng elemento ng pelikula.
X. Sinematograpiya Sa umpisa ng pelikula ay malungkot dahil pinagtaksilan siya ng kanyang kasintahan at nagkaroon ng pansamantalang pagkabulag sa sumunod na pangyayari ay may nakilala siyang isang lalaki na naging dahilan ng pagbabago sa naging madilim na buhay ng babae sa pelikula. Sa umpisa ay kinaiinisan ng babae ang lalake ngunit ng lumaon ay nagsimula na silang magkausap at naging mag kaibigan. Ngunit sa bawat kasiyahan na kanilang napagdaanan ay mayroong ding kalungkulan. Dahil sa dulo ng pelikula ay
kung kailan ang bidang babae ay nakakakita na, ang bidang lalaki naman ay namatay. XI. Kuwento Pinaunlad ng manunulat ang kasaysayan ng pelikula sa paraan ng pagbibigay ng magandang pangkakasunod sunod ng kwento. Ang mga tagpuan ay sa Sapporo, Japan. Ang suliraning umusbong sa pelikula ay ang pagkabulag ng bidang babae. Ang nais iparating ng pelikula ay Bulag ang Pag-ibig. Ang aral sa pelikula ay ang pag-ibig ay hindi natin kailangang makita, kailangan lang natin maniwala. Nagwakas ang pelikula sa malungkot na pangyayari.
XII. Mga kaisipan o aral ng pelikula Ang aral sa pelikula ay ang pag-ibig ay hindi natin kailangang makita, kailangan
lang natin maniwala. Hindi basehan ang pisikal na kaanyuan sa dalawang taong nagmamahalan. Ang kailangan lamang ay ang tiwala at paniniwala sa isa't isa upang ang pagmamahalan ng magkasintahan ay lumago at matatag sa ano mang laban.
XIII. Konklusyon at rekomendasyon Sa aking pagsusuri, isa ito sa mga pelikulang tumatak sa aking puso't isipan. Dahil sa mga hindi inaasahang mga pangyayari, kaya't naging maganda ang kinalabasan nito. Ngunit,sa huling bahagi ng kwento ay namatay ang pangunahing tauhang lalaki kaya't nakaramdam ang pangunahing tauhang babae ng matinding kalungkutan dahil hindi nya nasabi ang kanyang nararamdaman na mahal na nya ang pangunahing tauhang lalaki.
