KABANATA 1 ng Mga Dahilan ng paghihirap ng mga mag-aaral sa asignaturang matematika

KABANATA 1

INTRODUKSYON

Ang matematika ay isa sa pinakamahirap na asignatura para sa maraming
mag-aaral. Ito ang madalas na kinababagsakan ng mga estudyante. Maraming
mga matematiko ang nagsasabing ang matematika ay karugtong ng ating buhay.
Ayon kay Benjamine Peirce, ang matematika ay agham na humuhugot ng mga
kinakailangang konklusyon.Sinaad naman ni David Hilbert tungkol sa
matematika na "Hindi tayo nagsasalita rito ng pagiging arbitraryo sa
anumang kahulugan. Bagkus, ito ay isang konseptwal na sistemang nag-aangkin
ng panloob na pangangailangan na maaaring ganoon lamang at sa walang
kahulugan na iba dito". Si Albert Einstein ay nagsaad naman na "ang mga
batas ng matematika ay tumutukoy sa realidad".
Mahalaga ang pag-aaral ng matematika. Binibigyan nito ng direksyon ang
bawat buhay nga isang tao. Ngunit sa paglipas ng maraming panahon ay
nagbago ang pagpapahalaga ng mga tao ukol sa usaping matematika. Sinasabi
ito'y napakahirap at yun ay dahil hindi nila alam ang kahalagahan nito sa
aktwal na buhay.
Ang mga mananaliksik ay may tungkuling alamin ang mga dahilan kung bakit
marami ang nahihirapan sa asignaturang matematika at tuklasin ang
makabagong paraan sa pagtuturo.


Kaligiran ng Pag-aaral


Mga Layunin
Layunin ng mananaliksik na tukuyin ang mga posibleng dahilan kung
bakit nahihirapan ang mga mag-aaral sa asignaturang matematika.
Layunin din ng pananaliksik na ito na alamin ang makabagong
istratehiya sa pagtuturo upang mas maintindihan ng mga mag-
aaral ang paksang tinalakay



Paglalahad ng Suliranin
1. Bakit nahihirapan ang mga mag-aaral sa asignaturang matematika?
2. Nagiging dahilan ba ang mga guro sa paghihirap ng mga mag-aaral sa
asignaturang matematika?
3. Nagiging dahilan ba ang pagsasabay ng pag-aaral at pagtatrabaho sa
pagbagsak ng mga mag-aaral sa signaturang matematika?
4. Dahilan ba ang pagiging tamad sa pagbagsak sa asignaturang matematika?
5. Ano ang mabisang paraan sa pagtuturo upang mas maintindihan ng mga mag-
aaral ang paksang tinalakay?


Saklaw at Limitasyon
Ito ay pag-aaral tungkol sa mga dahilan kung bakit nahihirapan sa
asignaturang Matematika ang mga mag-aaral ng College of Teacher Education
sa paaralang La Salle University.
Sa pag-aaral na ito, mahihinuha ang tatlong dahilan kung bakit ito
isinasagawa. Una, para malaman kung ano ang mga epektibong paraan ng
pagtuturo sa asignaturang Matematika. Pangalawa, nakapaglahad ng solusyon o
rekomendasyon na makatutulong sa pagpapaunlad ng pamamaraan sa pagtuturo ng
asignaturang Matematika. Pangatlo, para malaman kung ano-ano ang mga
dahilan kung bakit maraming mag-aaral ang ayaw sa asignaturang matematika.
Sa pangkalahatan, ang pananaliksik na ito ay naglalayon na matuluyang
malaman ang lahat ng posibleng salik na makakatulong sa pagpapaunlad ng mga
paraan sa pagtuturo ng mga guro sa asignaturang Matematika sa mataas na
paaralan ng La Salle University.

Depinisyon ng mga Termino
Upang mas maging madali at ganap ang pagkaintindi ng mga mambabasa,
minarapat ng mga mananaliksik na bigyan ng depinisyon ang mga sumusunod na
terminolohiya batay sa kung paano ginamit ang bawat isa sa pamanahong
papel.


Matematika- ang pag-aaral ng kantidad, espasyo, istaktura at pagbabago.
Ang mga matematiko na nag-aaral ng matematika ay naghahanap ng mga
paterno(patterns) at isinasa-pormula ang mga bagong konhektura.


Asignatura- ay lupon ng mga aralin na ginagamit ng mga estudyante upang
matuto. Karaniwan nitong naka-ayos sa paraang magiging madali para sa mag-
aaral na maintindihan ang bawat paksa na pinag-aaralan. 


Estratihiya- Ang patigayon o estratehiya ay isang salitang
nangangahulugang mahusay na paraan o mahusay na pamamaraan.