BATANG MAGALANG Ang batang magalang Kinatutuwaan Ng mga magulang At maging sinuman Ang po at opo Laging nasa puso Lalo na’t kausap ng mga kaanak. PAGSUNOD SA UTOS Sa mga iniutos Sumunod nang maayos Mukha’y pasayahin Paglakad ay ayusin. ANG PO AT OPO Ang bilin sa akin Ng ama’t ina ko Maging magalang Mamumupo ako Sa lahat ng oras Sa lahat ng dako Pag kinakausap Ng matandang tao.
ANG BATANG MATAPAT Ang batang matapat Kaibigan ng lahat
Saan man lumakad Kilala ng lahat. PAGGISING SA UMAGA Sa umaga paggising Kumot ay tiklupin Higaan ay ayusin Unan ay gayon din. PAGKATAPOS MAGLARO Pagkatapos maglaro Lagi sanang isapuso Laruan ay itatago Upang lagi itong buo. ANG MGA GULAY AT PRUTAS Sa ating bakuran Mga prutas at gulay ay matatagpuan May santol, atis, kaimito at mangga Balimbing, bayabas, saging at papaya. Talong, okra, sitaw, kalabasa Kamatis, petsay, upo at mustasa Sa ating katawan ay nagpapasigla.
MGA TUGMA Ako si sipilyo Kaibigan ninyo Pinatitibay ko Mga ngipin ninyo.
Si “toothpaste” naman ako Katulong ni sipilyo Pinapuputi ko Mga ngipin ninyo.
Ako si suklay Kaibigang tunay Buhok pinagaganda Gamitin ako tuwina.
Puti ang sampaguita Dilaw ang tsampaka Pula ang gumamela Lahat ay magaganda.
Ako si paruparo Lumilipad-lipad Dumadapo ako Sa mga bulaklak.
Tingnan mo, tingnan mo Ang pulis trapiko Nakasisiyang malasin Senyas niya ay sundin.
Mahal ko si kuya At lagi kong kasama Pag kapiling siya Ako ay masaya.
Ang bunsong si Neneng Tuwa naming lahat Kapag humahalakhak Kami’y nagagalak. MGA TULA
MAG-ANAK Ang nanay natin ay mahalin Ang tatay natin ay gayundin Utos nila ay ating sundin Kapatid ay huwag aawayin. Mahal ko si ama Gayundin si ina Kung wala sila Anong lungkot pala
MASAYANG PAMILYA Sa lahat ng oras Kami ay masaya Laging nagtutulungan Sa hirap at ginhawa. Laging magkasundo si Inay at Itay Kami’y maligaya sa loob ng bahay.
DITO NA SI INA Isa, dalawa, dito na si ina Tatlo, apat, may basket na hawak Lima, anim, ating salubungin Pito, walo, sa kusina tayo Siyam, sampu, tumulong magluto. MGA TUGMA TUNGKOL SA ALAGANG HAYOP Alaga kong manok Nagbibigay ng itlog Kaya ako ay mabilog
At saka malusog.
Ang kahol ng aso Sa may bakuran ninyo “Ang batang magulo Ay hindi matututo.”
Ang “unga” ng kalabaw Doon sa lubluban “Ang batang magalang Tuwa ng magulang.”
Ang “mee” ng kambing Sa may puno ng saging “Ang batang maagang magising Masipag at matulungin.”
Ang bulong ng bubuyog Sa butas ng punong niyog “Ang batang maagang matulog Lalaki at lulusog.”
Ang “ee-ek’ ng babaoy Sa kulungan ni Amboy “Ang batang laging lumalaboy Tulad ng walang silbing kahoy.”
Kaibigang baka Alaga ni ama Nagbibigay ng gatas Kaya ako ay malakas.
Ang “ngiyaw” ng pusa Sa may kusina “Magulang ay natutuwa Sa mabait na bata.”
Ang halinghing ng kabayo Sa loobang madamo
“Ang batang matigas ang ulo Laging simula ng gulo.”
Ang “kokak ng palaka” Doon sa may sapa “Matitipid na bata Sa pera’y sagana.”
Ang tilaok ng manok Sa sangang nakabaluktot “Ang batang paladabog Dapat ay sa bundok.”
Ako ay may aso Ito ay si Dodo Dali-dali takbo At hahabol ito.
