HOMINIZAZIO PROZESUA 2017

HOMINIZAZIO PROZESUA Duela hamar milioi urte, Lurreko klima gaur egungoa baino askoz hotzagoa zen. Lurreko toki asko izoztuta zeuden eta euria ez zuen askotan egiten; horregatik, baso sarriak murriztu egin ziren pixkana-pixkana, eta zelai eta sabana zabalak agertu ziren.

Baliabideen eskasiaren ondorioz, Afrikako primateen talde batek basoak utzi, eta zelaietako bizimodura moldatu behar izan zuen. Denborak aurrera egin ahala, lehen hominidoak agertu ziren, eta horiexek izan ziren gaur egungo gizakiaren arbasoak; ezaugarri fisiko eta jokabide berriak garatu zituzten… Bipedismoa edo zutikako jarrera. Pixkana-pixkana, hominidoak eskuak libre zituztela ibiltzen hasi ziren eta, horrela, tresnak eta lanabesak egiteko eta erabiltzeko gaitasun handiagoa garatu zuten; ondorioz, sabanan bizirik irauteko ahalmen handiagoa izan zuten.

Burezurraren edukiera handiagoa. Garrantzi handia izan zuen beste egokitzapen bat hauxe izan zen: bizkarrezurra burezurrean sartzeko puntua aldatzea. Ondorioz, hominidoen burezurra handitu egin zen eta horrek adimenaren garapena bultzatu zuen.

1

Masailezurrak eta hortz-haginak txikiagotzea. Elikadura aldatu zutenez edo belarjale izatetik edo orojale izatera pasatu ziren), eta janariak prestatzen eta egosten hasi zirenez, hominidoen masailezurra ez zen horren lodi eta sendoa izan aurrerantzean eta, pixkana-pixkana, kokotsa agertu zitzaien. Hortz-haginak txikiago egin ziren eta masailezurrean arku bat osatuz kokatu ziren. Aurpegiaren neurria txikiagotzea. Burmuina gero eta handiagoa zenez, eta masailezurrak eta hortz-haginak txikiagotu zirenez, aurpegia bera ere txikiago bihurtu zen eta, bilakaera horren ondorioz, gaur egun burezurraren azpialdean dago, eta ez aurrean.

Garunaren garapenak erakarriko du gaitasun TEKNIKO eta SINBOLIKOEN lorpena. GAITASUN TEKNIKOA

GAITASUN SINBOLIKOA

Ingurugiroa moldatzeko instrumentuak sortzeko eta erabiltzeko gaitasuna gizakiok euren beharra asetzeko. Hauek denboraren poderioz garatu, zehaztu eta erabilgarriagoak bihurtu dira.

Gizakiak sinboloen bidez bere burua adierazteko duen gaitasuna litzateke.Sinbolo hauek errealitateaordezkatzen dute, adibidez gorria semaforo batean gelditzeko adierazten du.

2