Pinaagig pagmugna sa tanan sa Gagmay’ng Simbahanong katilingban; // sa pag-umol, pagmugna sa tanan sa gagmay’ng Simbahanong katilingban.// (balik sa sinugdanan)
MGA ANDAMONON:
1. ALTAR – nga gitaliwad-an sa mga lingkoranan nga porma ug lignin. 2. BIBLIYA – diin giandam na daan ang basahon ug gitahas na sa mobasa niini 3. KANDILA O SUGA – kon aduna* 4. BULAK – kon aduna-ibutang tapad sa larawan 5. LINGKORANAN O BANIG BA HINOON NGA PWEDE MALINGKORAN SA MGA TAWO. 6. MAGBABASA sa EBANGHELYO – itahas daan 7. TIGPASAYON O TIGDUMALA – itahas daan 8. PASIUNA ug KATAPUSANG PAG-AMPO – itahas daan (pwede moboluntaryo) 9. KATILINGBANONG PAG-AMPO – itahas daan 10. MGA ALAWITON – andamon daan. HAN-AY SA MAAMPOONG TIGUM I.
UNANG BAHIN: ANG SANTOS NGA ROSARYO
II.
IKADUHANG BAHIN: ANG MAAMPOONG TIGUM SA GSK PASIUNANG AWIT. Tigpasayon: Agig pagsunod sa atong panagtigum karong (adlawa, buntaga, hapona, gabhiuna) ato karon sugaton ang Ginoo sa pasiunang awit. PAKIG-UBAN SA GSK
Gitawag kitang tanan sa pakig-uban; Sa papakig-uban sa atong Dios. Ipadayag kining tawag sa pakig-uban; Sa pakig-uban sa mga kabus:
( Ang Ang ubang mga pasiunang awit Makita Makita sa Mga Alawiton pahina 40 -43)) -43))
PASIUNANG PAG-AMPO
Tigpasayon: Sa ngalan sa + Amahan, sa Anak ug sa Espiritu Santo. Tanan: Amen. Gitahasan:
Mahigugmaon ug dalaygon nga Dios, salamat nga imo kaming gitugutan nga mahiusa karong taknaa aron sa pagpaminaw sa imong Balaang Pulong. Sa ingon madungangan pa ang among pag-ila ug paghigugma kanimo. Itugot nga mahimo kaming tinuod nga sumusunod ni Hesu-Cristo among Ginoo. Hinaot nga sa amo karong paghimo niining maampoong tigum mahimo kining magbungahon. Ipadala ang Imong Espiritu aron magmalampuson kami nga puno sa kalipay ug kadasig sa pagtuman sa imong pagtulun-an. Kini among gipangayo pinaagi ni Cristo among Ginoo. Tanan: Amen. KATILINGBANONG PAGHINULSOL (Atong awiton o litokon)
(Magpili: A,B or C)
Tigpasayon: Aron mahimo kitang andam ug takos sa pagsaulog niining hiniusang pag-ampo ato unang hinulsulan ang atong mga
kalapasan. A. Nagakumpisal ako sa Dios nga makagagahum sa tanan ug kaninyo mga igsoon kay nakalapas ako og daku uyamot sa hunahuna, sa pulong, sa buhat ug sa wala pagbuhat sa kinahanglang buhaton. Kay akong sala, akong sala, akong dakong sala, busa nangamuyo ako kang Santa Maria kanunayng ulay sa tanang mga Angel ug mga Santos ug kaninyo mga igsoon aron inyo akong i-ampo sa Ginoo nga atong Dios. OR B. Tigpasayon: saw ala namo paghatag og pagtagad sa mga panginahanglan sa among kaigsoonan ilabina sa nagkalisod sa among katilingban. Tubag: Ginoo kalo-I kami Tigpasayon: Sa among kasirado sa pagdawat niadtong lahi namong panghuna-huna, pagbati ug panglantaw. Tubag: Cristo kaloy-ikami Tigpasayon: Sa kagahi u g katig-a sa among kasingkasing, pagpakaaron-ignon, pagpangdaut ug pangdumot sa uban. Tubag: Ginoo kaloy-I kami OR C. Alawiton sa katilingbanong Paghinulsol Kaloy-I kami Ginoo Kay nakasala kami Kanimo Ipakita ang Imong kalooy Ug luwasa kami, Ginoo Kristo kaloy-I, kaloy-i kami Kristo kaloy-I, kaloy-i kami Ipakita ang Imong Kalooy Ug luwasa kami, Ginoo.
Tigpasayon: Kaloy-an unta kita sa Dios nga makagagahom sa tanan pasayloon sa atong mga sala ug dad-on kita Niya sa kinabuhing dayon. PAGBASA SA EBANGHELYO (Mahimong makapili sa mga ‘Alawiton sa dili pa ang Ebanghilyo’ pahina 43 -44)
Tigpasayon: Ato karong andamon ang atong kaugalingon sa pagpaminaw sa Pulong sa Ginoo ug atong awiton… ANG MGA PULONG MO
Ang mga pulong Mo, O Ginoo, Mag-lig-on unta sa among pagtoo. Ug agaka kami sa pagtuman Sa imong mahal nga kasuguan (Ang gamiton nga pagbasa sa Ebanghelyo mao ang sa umaabot nga Domingo) Magbabasa: Ang Santos nga Ebanghelyo, sumala ni San… Tanan: Himayaon Ikaw, O Ginoo. Magbabasa: Ang Ebanghelyo sa Ginoo Tanan: Daygon ikaw, O Kristo PAMALANDONG (pangandam sapag-inambitay) Tigpasayon: Palihug manglingkod ug manghilum ta sa makadiyot ug atong pamalandungan ang mga pulong sa Ginoo nga bag-o pa lang natong nadungog. (Kon kinahanglan balikon og basa ang ebanghelyo, kay wala kayo maklaro, mahimong balikon sa kusog nga tingog apan klaro nga pagbasa, aron madunggan sa tanan.) PAG-INAMBITAY O SHARING (Dasigon sa tigpasayon ang tanan sa pagpaambit. Importante kayo nga maminaw ang tanan sa pagpa-ambit. Ang pagpaambit tulo ngadto sa upat ka minutos lamang aron makapa-ambit ang uban. Likayan usab ang pagpanglibak ug pagpangdaut sa uban.)
Pahinumdum: 1. Likayan ang paggamit sa pulong nga ‘Ikaw, kamo, kita, sila, ato, nato. 2. Giawhag ang tanan sa paggamit sa pulong nga AKO isip pagpunting ug paghagit sa kaugalingon.
2.
3. Likayan ang hisgutan sa gawas ang gipaambit sa grupo. Giya pangutana isip basihanan sa atong pagpamalandong ug paginambitay a. Unsa man ang pulong o linya sa mga pulong nga
3.
nakapatandog nako? b. Nganong nakapatandog man kini kanimo? Unsa man diay ang mga hitabo o kasinatian sa akong kinabuhi nga akong nahinumduman samtang akong nadungog kining maong pulong o linya sa mga pulong? c. Unsa man ang MENSAHE ug HAGIT sa Dios kanako diha sa akong Kasinatian?
4.
KATILINGBANONG PANGAMUYO (Mahimong magamit ang sa pahina 11-13 tukma sa Panahon sa kasaulogan)
5.
Tigpasayon: karon manindog kita ug atong ihalad ang atong mga panginahanglan ngadto sa Ginoo u gang atong tubag:
6.
(Mahimonng awiton o litokon) Ginoo, dungga ang among pag-ampo
Galido ug tanang kaparian, kamadrihan ug tanang lumilihok sa Simbahan uban ang katawhan nga mainiton unta kitang magalagad sa Simbahan ug nga mamahimong instrument sa paghibalik sa mga tawo nga nibiya o nahilayo sa simbahan. Mag-ampo kita sa Ginoo. Nga ang mga namunuan sa kanasuran mamahimong mga Instrumento sa kamatuoran ug hustisya, ug magtultol sa katawhan ngadto sa dalan sa kadait. Mag-ampo kita sa Ginoo. Alang sa tanang pamilya sa tibuok kalibutan nga anaa untay pagsinabtanay, paghigugmaay ug mahibalik na unta ang kahiusahan nga pag-ampo diha sa Santos nga Eukaristiya ug Santos nga Rosaryo. Mag-ampo kita sa Ginoo. Alang sa mga mag-uuma, mangingisda, Factory worker, OFW’s ug tanang naningkamot sa ilang panginabuhi nga tabangan unta nimo sila ug nga dili usab sila makalimot sa pagpaningkamot sa langitnong pagkaon. Mag-ampo kita sa Ginoo. Alang sa mga kabataan nga makaila sila sa Dios dinhi sa atong katilingban. Mag-ampo kita sa Ginoo. Alang sa tanang Gagmay’ng Simbahanong katilingban sa tibuok Dyosesis sa Iligan nga kini mamahimong lig-on ug mamahimong panag ignan sa paglambo sa atong espirituhanong kinabuhi ug sa pagtukod sa Gingharian sa Dios. Mag ampo kita sa Ginoo.
Mahimo nga pili-on ang tubag dinhi:
A. Dungga kami O Dios, kami nga nagatuaw, dungga kami O Dios B. Dungga kami O Dios, dungga kami O Dios, ang grasya ihatag ug pagdayeg mo. C. Mahigugmaong Amahan, pamatia kami. 1. Alang sa mga pangulo sa atong Simbahan, labi na gayod sa atong Santo Papa Benedicto XVI ug ang atong Obispo Elenito D.
Tigpasayon: Ginoong Dios, imo nang nadungog ang mga hangyo sa
imong mga anak, apan daghan pang mga panghinanghanglan sa among kasingkasing nga wala namo mabungat, apan nahibalo na ikaw, palihug dungga kini kay kini amo man nga gipangayo, pinaagi ni Kristo among Ginoo. Amen.
Matuman ang imong pagbuot dinhi sa yuta Maingon sa langit Ang kalan-on namo sa matag-adlaw Ihatag kanamo karong adlawa Ug pasayloa kami sa among mga sala, Ingon nga nagpasaylo kami sa mga nakasala kanamo Ug dili mo kami itugyan sa panulay Hinonoa luwasa kami sa dautan.
PAGHALAD Tigpasayon: Palihog manglingkod ug atong isunod ang pag-ampo sa
halad (Mga awit sa Halad pp. 45-51) KUHAA O DIOS
Kuhaa O Dios, ug dawata Ang akong kasingkasing Ang akong salabotan, Uban ang kabubut-on ko. Tanang nahuptan ko, kaugalingon ko, Tanan akong ihalad kanimo /: tanan kong butang Imo man Ginoo, Kanimo ibalik ko. Pamulong lang ug mando-I ako Sibo sa kabubut-on Mo; Pagsugo lang, O Ginoo ko, Sa pagtuo andam ako, Kon maangkon ko Ang grasya ug ang gugma Mo, Ang tanan talikdan ko:/
AMAHAN NAMO Tigpasayon: Manindog kita, magunitay ta sa atong mga kamot
ug atong awiton (litokon) ang mga pag-ampo nga gitudlo sa atong manunubos. Amahan namo, nga anaa Ka sa langit Pagdaygon ang Imong ngalan Umabot kanamo ang Imong gingharian
Timaan sa panag-inigsoonay Tigpasayon: karon atong ipakita ang timaan sa atong panag-igsoonay. III.
IKATULONG BAHIN PANAGHISGOT SA KALIHUKAN
a. Aduna bay umaabot nga kalihukan sa GSK, Kapilya, Parokya ug Diosesis? b. Unsa may kakulangan ug kalambuan sa atong senimanang maampoong tigum? Unsay mga sugyot alang sa kalambuan sa pagtoo? c. Aduna bay mga problema nga angay natong hatagan sa atong pagtagad diha sa atong mga kauban, silingan ug igsoon sa pagtoo? d. Aduna bay nagkinahanglan sa atong pag-ampo o pagbisita? e. Asa man ang sunod nga maampoong tigum ug kinsa ang tigpasayon? f. Unsay problema ug panghitabo sa atong katilingban kabahin sa S- (Spiritual) Espirituhanon, P- (Political) Politikanhon EEconomic) Ekonomikanhon, C- (Cultural) kulturanhon S- (Social) Katilingbanon, E- (Ecological) Kinaiyahan? (Note: Likayan nga dili maglantugi ang mga mopaambit niining bahina.) g. Unsay angay natong buhaton alang sa kaayohan sa atong katilingban?
PAG-AMPO SA PASALAMAT Tigpasayon: karon manindog kita ug atong ipadayag ang atong
pasalamat sa Dios tungod sa mga grasya ugpanalangin nga iyang gihatag kanato niining semanaha ug kitang tanan sa matag pasalamat moingon:
AWIT SA GAGMAY’NG SIMBAHANONG KATILINGBAN
Kita ang katilingban Sa mga tinun-an ni Jesus Nagkahiusa, nagpadayon Sa misyon ni kristo Katawhang propeta Pari ug alagad Ang katilingban sa kabus Simbahan sa kabus.
Daghang Salamat, Ginoo.
(Mga ehemplo sa pasalamat) a. Daghang salamat Ginoo sa mga panalangin nga imong gihatag kanamo, sa kabaskog sa among panglawas, sa kadasig sa among pag-simba. Daghang salamat, Ginoo. b. Salamat Ginoo sa gasa sa pagkaon n ga among nadawat sa among pamilya, sa hangin nga among giginhawa sa tubig nga among giinom, sa pagsubang up pagsalup sa adlaw, sa ulan nga imong gihatag kanamo. Daghang salamat, Ginoo.
Kita ang katilingban Sa mga tinun-an ni Jesus Gihiusa, gilambigit sa atong Ginoo. Nag-inambitay sa pulong Ug yukaristiya Ug mga kabtangan Suod nga mga higala
KATAPUSANG PAG-AMPO
(Himoon sa gitahasan ang pag-ampo) Gitahasan:
Mahigugmaon nga Amahan, salamat sa pagdala Nimo kanamo sa Imong balaang Espiritu ug sa pagtugot nga kami makaila ni Hesukristo nga nahimong among giya unsaon sa pagkinabuhi dinhi sa kalibutan. Hinaut nga pinaagi sa Imong grasya ug gugma mahipatik dinhi sa among hunahuna ug kasingkasing ang Balaang Pulong ni Hesukristo aron amo kining mabalon sa among pagpadayon sa among pagpanaw niining kinabuhia ug nga kami masaligon ug maisugong moharang sa tanang pagsulay nga moabot. Ug hinaut nga kami Imong mga anak mamahimong instrument sa pagkaylap sa Imong gugma sa tibuok kalibutan ug pagtukod sa Imong gingharian. Kini among gipangyo sa ngalan ni Hesukristo nga among Ginoo. Amen. Tanan: Sa ngalan sa + Amahan, sa Anak ug sa Espiritu Santo. Amen. KATAPUSANG AWIT Tigpasayon: Karon atong awiton ang katapusang awit.
Koro: Katilingban masaksihon Katilingban maampoon, Katilingban nag-alagad, Kini ang GSK (2x)
MGA ALAMPOON MITUO AKO
Mituo ako sa Dios, nga Amahan makagagahum sa ngatanan, Mangbubuhat sa langit ug sa yuta ug kang Hesukrito, Iyang Bugtong Anak, nga Ginoo nato; Gipanamkon sa lalang sa Espiritu Santo, natawo gikan ni Maria nga Birhen, Gisakit sa sugo ni Poncio Pilato, gilansang sa krus, namatay ug gilubong; Mikunsad Siya sa mga minatay, sa ikatulo ka adlaw nabanhaw, misaka Siya sa langit, nagalingkod sa tuo sa Dios, nga Amahan, makagagahum sa tanan; gikan didto mobalik Siya aron paghukom sa mga buhi ug sa mga minatay. Mituo ako sa Espiritu Santo, sa Santa Iglecia Katolika, Sa kaambitan sa mga Santos, sa kapasayloan sa ,mga sala; Sa pagkabanhaw sa lawas, ug sa kinabuhing walay katapusan. Amen. O JESUS KO
O Jesus ko, pasayloa kami sa among mga sala, luwasa kami sa kalayo sa impiyerno ug dad-a ang tanang mga kalag ngadto sa langit, labi na kadtong nagkinahanglan sa Imong kaluoy.Amen
nagasaad ako ug malig-on nga dili na ako magpakasala pag-usab likayan ko ang mga kahigayunan sa pagpakasala. Amen. MGA MISTERYO SA ROSARYO MISTERYO SA KALIPAY (Lunes ug Sabado) 1. Ang panamkon sa Mahal nga Birhen Maria sa Anak sa Dios sa lalang sa Espiritu Santo. 2. Ang pagduaw ni Santa Maria kang Santa Isabel. 3. Ang pagkatawo sa Anak sa Dios sa kamalig sa Belen. 4. Ang paghalad sa Diosnong Bata didito sa Simabahan sa
Jerusalem. 5. Ang pagkawala sa Diosnong Bata ug p agkakaplag Kaniya sa Simbahan taliwala sa mga makinaadmanon. MISTERYO SA KASAKIT (Martes ug Biernes) 1. Ang pag-ampo sa atong Ginoo sa tanaman sa Getsemane. 2. Ang paggaid ug paghampak sa atong manunubos. 3. Ang pagpurongpurong sa atong Ginoong Jesukristo sa purong purong nga tunok. 4. Ang pagpas-an sa atong Ginoo Jesukristo sa Krus. 5. Ang pagkamatay sa atong Ginoong Jesukristo sa Krus.
MEMORARE
Hinumduman mo, O mahimayaon uyamot nga Birhen Maria nga wala pa gayud dungga bga may usa nga midangop sa Imong panalipod, nangayo sa Imong panabang, nangaliya sa pagpangama sa imong panalipod, gibiyaan. Dinasig niining pagsalig nagadangop kami kanimo O ulay sa mga ulay, among Inahan, kanimo miduol kami sa Imong atubangan ania kami puno sa kal-anan ug sa kasubo, O Inahan sa Dios ayaw tamaya ang among pag-ampo. Hinuno-a sa Imong kalooy pamatia ug ihatag ang among gipangayo. AMEN. AKTO SA PAGHINULSOL
Ginoo kong Hesukristo, nagabasul ako sa akong mga sala nga tanan sa bug-os kong kasingkasing, nahigugma ako kanimo labi sa ngatanan
MISTERYO SA HIMAYA (Miyerkules ug Domingo)
1. Ang mahimayaong pagkabanhaw sa atong Ginoong Jesukristo. 2. Ang pagkunsad sa Espiritu Santo sa mga apostoles ug kang Santa Maria 3. Ang pagkunsa sa espiritu Santo sa mga apostoles ug kang Santa Maria. 4. Ang pagpabayaw sa langit sa Mahal ng Birhen Maria. 5. Ang pagpurongpurong sa Mahal nga Birhen Maria nga Rayna sa tanang mga binuhat. MISTERYO SA KASILAK (Huwebes) 1. Ang pagbunyag sa atong Ginoong Jesus sa suba sa Jordan. 2. Ang pagpadayag sa atong Ginoong Jesus sa paghimo ug bino gikan sa tubig sa kasal sa Cana.
3. Ang pagpadayag sa atong Ginoong Jesus sa gingharian sa Dios. 4. Ang pagpadayag sa atong Ginoong Jesus sa Iyang Himaya sa Pagkausab sa Iyang Panagway didti sa bukid sa Tabor. 5. Ang pagpadayag sa atong Ginoong Jesus sa Misteryo sa Iyang pagpasakit, Pagkamatay, ug pagkabanhaw ug pagmugna sa Santos nga Eukaristiya niadtong higayon sa kataposang panihapon. MAGHIMAYA KA RAYNA
Maghimaya ka Rayna, Inahan sa kaluoy, kinabuhi ug kinatam-is Ikaw ang gilauman namo, Maghimaya ka. Nagapanawag kami kanimo, mga gihinlan nga ank ni Eba. Nagapanghupaw kami, nagaagulo ug nagahilak kami dinhi niining walog nga luhaan. Nan, among mag-alampo, ilingin mo kanamo ang Imong mga mata nga maluloy-on; Ug tapos na kining panghingilin, ipakita mo kanamo ang Imong Anak nga si Jesus, ang mahal nga bunga sa tiyan mo. Ay maaghop! Ay maluloy-on! Ay matam-is nga Birhen Maria. L- I-ampo mo kami, Santa nga Inahan sa Dios. T- Aron mahimo kaming takus sa mga gisaad ni Kristo. Amen Mag-ampo kita :
O Dios kansang Anak nga bugtong, tungod sa Iyang kinabuhi, kamatayon ug pagkabanhaw napadangat kanamo ang ganti sa kinabuhing tunhay. Itugot nangamuyo kami nga pinaagi sa pagpamalandong niining mga Misteryo sa Santos nga Rosaryo sa mahal nga Birhen Maria, kini among masunod ug madawat sa ginasaad pinaagi ni Kristo among Ginoo. Amen. LITANYA SA MAHAL NGA BIRHEN
Ginoo, kaloy-an Mo kami. Jesukristo, Kaloy-an Mo kami. Ginoo, kaloy-an Mo kami. Jesukrito, dunggon Mo kami.
+KALOY-AN MO KAMI Dios, Amahan nga langitnon, Dios nga Anak, Manunubos sa kalibutan, Dios, Espiritu Santo, Santa Trinidad, Dios nga Usa, +IG-AMPO MO KAMI Santa Maria, Santa nga Inahan sa Dios, Santa nga Ulay sa mga Ulay, Inahan ni Cristo Inahan sa Santa Iglesya, Inahan sa grasyang Diosnon, Inahan nga ulay uyamot, Inahan nga putli uyamot, Inahan nga bug-os, Inahan nga lunsay, Inahan nga walay buling sa sala, *IG-AMPO MO KAMI Inahan nga hiligugmaon, Inahan nga katingalahan, Inahan sa maayong tambag, Inahan sa kanunayng Panabang, Inahan sa Magbubuhat, Inahan sa Manunubos, Ulay nga mapuangguron uyamot, Ulay nga talahuron, Ulay nga dalaygon, Ulay nga ganhanan, Ulay nga maluluy-on, Ulay nga matinumanon, Salaminsa katarungan, Lingkoranan sa kinaadman, Hinungdan sa among kalipay, Kalis nga Espirituhanon, Kalis nga espirituhanon, Kalis nga dungganan Kalis nga bantog sa debosyon,
Rosa nga dili matukib, Torre ni David, Torre nga garing, Balay nga bulawan, Arka sa kasabutan, Ganghaan sa langit, Bituon sa kabuntagon, Bituon sa pagsangyaw sa Maayong Balita, Kaayohan sa mga masakiton, Dalangpanan sa mga makasasala, Maglilipay sa mga naguol, Hinabang sa mga Kristiyanos, Rayna sa mga Angheles, *IG-AMPO MO KAMI Rayna sa mga Patriarkas, Rayna sa mga Manalagna, Rayna sa mga Apostoles, Rayna sa mga Martires, Rayna sa mga Konpesores, Rayna sa mga Ulay, Rayna sa mga Santos nga tanan, Rayna nga gidala ngadto sa langit, Rayna sa Santos uyamot nga Rosaryo, Rayna sa Pamilya, Rayna sa Kalinaw, Kordero sa Dios nga nagawagtang sa mga sala sa kalibutan, Pasayloon MO kami, Ginoo. Kordero sa Dios nga nagawagtang sa mga sala sa kalibutan, Dunggon MO kami, Ginoo. Kordero sa Dios nga nagawagtang sa mga sala sa kalibutan, Kaloy-an MO kami, Ginoo. V. Ig-ampo Mo kami, santos nga Inahan sa Dios. R. Aron mahimo kaming angayan sa mga gisaad ni Cristo.
Mag-ampo kita:
Ipabanaw, nangamuyo kami, O Ginoo, ang imong grasya sa among mga kasingkasing; aron kami nga bahibalo sa Pagkatawo ni Kristo, Imong Anak, tungod sa pahibalo sa Anghel, pinaagi sa iyang kasakit ug Krus madala unta ngadto sa Himaya sa Iyang pagkabanhaw, Pinaagi ni Cristo nga among Ginoo. Amen V. Nga ang Diosnong panabang magpabilin unta kanunay dinhi kanato. R. Amen V. Ug nga ang kalag sa mga matinuohon nga matalikod na tungod sa kaluoy sa Dios mopahulay unta sa kalinaw. R. Amen.
