Dasmariñas East National High School
San Simon, Dasmariñas City, Cavite
"Mga Magandang Naidudulot sa mga Pilipino sa Pagtangkilik ng Kpop"
Isang Pamanahong papel na iniharap sa guro ng Departamento ng Filipino bilang pagtupad sa mga pangangailangan ng Asignaturang Filipino IV ni:
Hanna Patricia E. Mabini
IV- RUBY
Iniharap kay:
Bb. Grace Camille B. Abelar
Guro sa Filipino IV
______________________
Petsa ng Pag-pasa
Dahong Pagpapatibay
Bilang pagtugon sa isa sa mga pangangailangan ng asignaturang Filipino IV. Ang Pamanahong Papel na ito na may paksang "Mga Magandang Naidudulot sa mga Pilipino sa Pagtangkilik ng KPop" na pinaghandaan at sinumite ng may akda bilang kumakatawan sa pag kumpleto ng proyektong kakailanganin sa pagtatapos sa taong ito. Ito ay pinag-ukulan ng panahon at oras, pinagtuunan ng pansin at sinuring mabuti upang aprubahan ng kinauukulan.
Pinagtibay ni:
BB. GRACE CAMILLE B. ABELAR
Guro sa Filipino IV
Petsa:
Pasasalamat o Pagkilala
Buong puso akong nagpapasalamat sa mga taong naging parte sa pagbubuo ng pamanahong papel na ito. Ang mga ito ay ang mga sumusunod:
Sa Diyos na nagbigay ng talino at lakas sa akin upang maisagawa ang pag-aaral na ito.
Sa pamilya ko na nagbigay oras sa akin upang magawa at matapos ang pamanahong papel na ito.
Kay Kristine Abellada, sa pag-suporta at sa pagpapalakas ng aking loob na matapos ang pamanahong papel na ito.
Kay Bb. Grace Camille b. Abelar, guro sa Filipino IV, sa pag-apruba sa aking paksang napili at sa pag tatama ng ilang mga kamalian sa pamanahong papel na ito.
Sa mga kaibigan ko, at kapwa mga KPop fan na nag-paunlak na sagutan ang mga tanong na aking inihanda para sa pagsasaliksik sa paksang napili.
Kay Ecks Arboleda Jacobs, na nagbigay ng ilang mga impormasyon na kinakailangan sa pananaliksik.
Sa mga manunulat ng mga artikulo at pag-aaral na may kaugnayan sa paksang pinag-aaralan sa pag-payag na magamit ang ilan sa mga nilalaman ng kanilang mga gawa upang idagdag sa mga impormasyon na kinakailangan para sa pag-aaral na ito.
Muli maraming salamat po sa inyong lahat.
Talaan ng Nilalaman
KABANATA I: ANG SULIRANIN AT KALIGIRAN NITO
Introduksiyon …………………………………………………………………11
Layunin…………………………………………………………………………13
Kahalagahan ng Pag-aaral…………………………………………………13
Saklaw at Limitasyon………………………………………………………..14
Depinisyon ng mga Terminolohiya……………………………………….15
MGA KAUGNAY NA PAG-AARAL AT LITERATURA
Korean Wave………………………………………………………………….17
KPop sa Pilipinas……………………………………………………………..17
Mga Pag-aaral na may kaugnay sa pagiging 'Fan'
o taga-hanga…………………………………………………………………..19
DISENYO AT PARAAN NG PANANALIKSIK
Disenyo ng Pananaliksik……………………………………………………22
Respondente………………………………………………………………….22
Instrumento ng Pananaliksik………………………………………………23
Tritment ng Datos……………………………………………………………23
PRESENTASYON AT INTERPRETASYON NG MGA DATOS
Tanong 1……………………………………………………………………….25
Tanong 2………………………………………………………………………..26
Tanong 3………………………………………………………………………..27
Tanong 4………………………………………………………………………..28
Tanong 5………………………………………………………………………..29
Tanong 6………………………………………………………………………..30
Tanong 7 ………………………………………………………………………..31
Tanong 8………………………………………………………………………...32
Tanong 9………………………………………………………………………...33
Tanong 10………………………………………………………………………..34
LAGOM, KONKLUSYON AT REKOMENDASYON
Lagom……………………………………………………………………………..36
Konklusyon……………………………………………………………………….36
Rekomendasyon…………………………………………………………………37
MGA PANGHULING PAHINA
Sanggunian……………………………………………………………………………………39
Mga Sarbey Kwestyoneyr …………………………………………………………………41
Bio Data ng Mananaliksik …………………………………………………………………81
Talaan ng Talahanayan o Graf
Graf 1: Paano mo nalaman ang tungkol sa KPop? ………………………………….25
Graf 2: Ilang taon at anong taon ka ng maging
taga-hanga ng KPop? ……………………………………………………………….26
Graf 3: Ilang mga Fanclubs ang kina-aaniban mo? ………………………………….27
Graf 4: Ano ang mga pagbabagong napansin mo sa sarili magmula nang ikaw
ay maging taga-hanga ng KPop?........................................................................28
Graf 5: Sinusuportahan ka ba ng iyong pamilya sa
pagiging fan ng KPop?........................................................................................29
Graf 6: Naging maganda ba ang impluwensya sa iyo ng mga
kapwa-fan/taga hanga?.........................................................................................30
Graf 7: Nang ikaw ay maging Kpop Fan, Nagkaroon ka ba ng lakas ng loob
at tiwala sa sarili sa iyong mga gawain?....................................................................31
Graf 8: Nagkaroon ka ba ng magandang samahan/relasyon
sa mga kaibigan/KPop fan?..................................................................................32
Graf 9: Nakakatulong ka ba sa kapwa bilang isang KPop fan? ………………….....33
Graf 10: Sa lahat-lahat, maganda ba ang naidulot sa
iyo ng pagiging KPop fan?....................................................................................34
KABANATA I:
ANG SULIRANIN AT KALIGIRAN NITO
Ang Panimula o Introduksyon
"Mga Magandang Naidudulot sa mga Pilipino ng Pagtangkilik sa KPop"
Ang K-Pop o Korean Pop Music, na nagmula sa bansang South Korea ay mabilis na sumikat hindi lamang s aSilangang Asya, maging sa mga karatig bansa sa Asya, Amerika, Europeo. Taong 1992 nang unang lumabas ang unang grupo na 'Seo Taiji & Boys' sa Korea, at naging sunud-sunod na ang pagdating/pagbuo ng mga grupo, mga solo artists sa industriya ng Korea.
Nagsimulang makilala ang mga Korean Group na ito sa ibang bansa dahil sa ilang mga palabas o koreanovela at mga 'live show' na ginawa sa iba't ibang bansa; sa tulong ng internet, mabilis na nakilala ang 'Hallyu wave' o Korean Wave sa ibang mga bansa.
Isa sa mga bansang tumanggap ng musikang Korean, ay ang Pilipinas. Isa ang Pilipinas sa may malaking 'fanbase' ng KPop sa Timog Silangang Asya. Sa kasalukuyan, mayroong anim na'pu na mga 'fanclubs' ang opisyal na naka-rehistro sa Philippine KPop Committee Inc., ang nag-iisang pinakamalaking 'non-profit organization' ng KPop sa bansa. Ang PKCI ay naglalayong pag-isahin ang lahat ng mga tagahanga ng KPop sa Pilipinas at magbigay tulong sa mga kababayan. Ang Gawad Kalinga Community Development Projects at the Philippine Animal Welfare Society (PAWS) ang tinutulungan ng PKCI, mula sa mga kinita ng 'Philippine KPop Convention' na ginaganap taun-taon. Ang bawat mga "fanclubs" naman ay nagkaroon ng iba't ibang mga proyekto upang tumulong sa mga kapwa Pilipino.
Sa bawat indibidwal na Pilipinong humahanga sa K-Pop, marami din ang mga magandang naidulot sa kanila nito. Una sa laging binabanggit ng mga tagahanga ng K-Pop na naidulot sa kanila sa pag-tangkilik dito ay nagkaroon sila ng lakas ng loob na ipakita ang mga talentong mayroon sila sa harap ng maraming tao. Maraming mga nabuong 'cover group' at mga 'soloist' sa Pilipinas na nakikipag-kompitensya sa ibang mga grupo at ang ilan ay naka-abot hanggang sa isa sa pinakamalakig patimpalak para sa mga grupong nagsasayaw ng mga Kpop dance na ginaganap sa Korea taun-taon. At maging ang tatlong Pilipinong taga-hanga ng Kpop ay sumali sa isang patimpalak na "KPop Star Hunt". Isa din sa mga naidulot ng Kpop sa mga Pilipino ay ang pagkakaroon ng karagdagang kaalaman hindi lamang sa musika, kundi maging sa kultura ng bansang Korea. Nagkaroon din ng magandang samahan at relasyon ang mga Pilipinong tumatangkilik sa Kpop sa isa't-isa.
Layunin
Ang pagsasagawa ng pamanahong papel na ito na may paksang "Mga Magagandang Naidudulot sa mga Pilipino sa Pagtangkilik ng KPop" ay naglalayong ipaalam higit kanino man ang mga magagandang bagay na naidulot sa mga Pilipinong tagahanga nito sa kabila ng mga maling kaisipang maaari itong makasira sa buhay ng isang taga-hanga.
Sa pagsasaliksik sa paksang ito, masasagot ang katanungang: "Anu-ano nga ba ang magagandang naidulot ng KPop sa mga Pilipinong taga-hanga?"
Kahalagahan ng Pag-aaral
Naniniwala ang mananaliksik na mahalaga ang pagsasagawa ng pagsasaliksik sa paksang "Mga Magagandang Naidudulot sa mga Pilipino ng pagtangkilik sa KPop" para sa mga mag-aaral, guro at mambabasa ng pamanahong papel na ito, upang magkaroon ng kaalaman patungkol sa nasabing paksa. Ang pamanahong papel din na ito ay makatutulong sa mananaliksik upang mabigyang kasagutan ang mga katanungan na umiikot sa kanyang isip ukol sa mga naidudulot na maganda ng KPop sa mga Pilipinong tagahanga.
Saklaw at Limitasyon
Ang pamahanong papel na ito ay sumasaklaw lamang sa mga Pilipinong may edad 13-25 taong gulang na tumatangkilik sa KPop dahil sila ang tanging makakasagot ng mga katanungang ihaharap ng mananaliksik para sa pamanahong papel na ito.
Ang mananaliksik ay magtatakda ng haba ng panaho upang masagutan ng mga respondente ang mga tanong, ito ay mula Nobyembre 14 hanggang Disyembre 21.
Ang pagsasagawa ng pananaliksik ukol sa paksa ay tanging nakabatay sa magiging kasagutan ng mga respondente sa sarbey na sasagutan at mga pag-aaral ng iba na gagamiting sanggunian ng mananaliksik at walang idadagdag na mga kaisipang walang matibay na patunay.
Sa pagsasagawa nito ay lilimitahan lamang sa dalawampu ang bilang ng mga respondente upang madaling mabilang at mabahagi ang mga sagot.
Depinisyon ng mga Terminolohiya
KPop- Korean Pop Music
Hallyu wave- pagtaas ng pagkilala sa kultura ng bansang Korea.
Fanclubs- organisasyon ng mga taga-hanga/tumatangkilik sa mga palabas/artista.
Fanbase- Pinagsama-samang bilang ng mga taga-hanga sa isang lugar o bansa.
Kabanata II:
Mga Kaugnay na Pag-aaral at Literatura
Korean Wave
Ang KPop o Korean Pop Music na nagmula sa bansang Timog Korea, ay nagsimula noon pa mang 1990s. Nagsimula itong makilala sa iba't ibang bansa pagpasok ng taong 2000 hanggang sa kasalukuyan. Sa tulong ng internet at mga palabas, mabilis na nakilala ang KPop sa Asya at maging sa mga karatig pang kontinente. Dahil sa patuloy na pagkilala ng mga tao dito, nagkaroon na din ng mga 'fanbase' sa bawat bansa ang KPop na sinasalihan ng napakaraming mga taga-hanga.
KPop sa Pilipinas
Sa patuloy na pagsikat ng mga kantang Korean, isa ang Pilipinas sa mga tumanggap nito. Malaki ang naging porsyento ng mga "Kpop Fan" na Pilipino sa populasyon ng Pilipinas. Hindi lamang sa Luzon, kundi maging sa Visayas at Mindanao ay umabot na rin ang tinatawag na 'Hallyu Wave'. Bago pa man pumasok ang KPop, namayagpag na rin sa Pilipinas ang mga koreanovelas tulad ng Autumn in My Heart, Full House at Lovers in Paris. Dahil sa interes ng mga Pilipino sa mga palabas na ito, naging madali para sa mga artista sa Korea ang makilala ng mga Pilipino. Taong 2009, nang sumikat ang kantang Nobody ng Wondergirls at Fire ng 2NE1. Nagtuloy-tuloy ang pagsikat ng mga kantang Korean sa Pilipinas mula noon. Nang taon din na iyon, ginanap ang una at pinakamalaking 'Kpop event' sa Pilipinas, ang Philippine KPop Convention sa Philippine International Convention Center (PICC). Taong 2010, nang dumating ang grupong Super Junior sa Pilipinas para sa kanilang Super Show 2: Asian Tour noong ika -10 ng Abril. Nagsunod-sunod ang pagdagsa ng mga Korean artists sa Pilipinas tulad ng mga grupong BEAST, U-KISS, 4MINUTE, 2NE1, BIGBANG, CNBLUE, FT ISLAND. Taunang ginaganap na rin ang Philippine Kpop Convention kung saan dinadaluhan ng mga taga-hangang Pilipino mula sa iba't ibang lugar sa Pilipinas.
Bawat mga fanclubs, ay nagkakaroon din ng mga programa upang tumulong sa mga kababayan. Tulad ng B.A.P. PH na nagkaroon ng mga programa para sa mga kabataang Pilipino, na ibinigay sa UNICEF Philippines. Ang KPOP Charity Ball noong 2014 kung saan, ang mga kinita dito ay gagamitin para sa mga estudyanteng iskolar ng PKCI. Ganito rin ang mga ginagawa ng BIGBANG PH, noong 2009 na manalanta ang Bagyong Ondoy, nagkaroon din ang BBPH ng mga fund raising at boluntaryong pag-tulong sa mga kababayan.
Taong 2013 nang masalanta ang Visayas ng Bagyong Yolanda na sumira ng mga imprastraktura at kumitil sa napakaraming buhay ng tao. Dahil sa napakalaking pangangailangan ng mga mamamayan sa mga nasalantang lugar, naglunsad ang mga KPop Fanclubs sa Pilipinas ng mga 'fund raising events' upang tumulong sa mga nasalanta, tulad ng CassPH, Soshified.com, CNBLUE PH, 2PM PH sa pangunguna ng Philippine KPop Committee at maging ang organisasyon ng mga mag-aaral na Korean at mga KPop fan sa Ateneo De Manila University ay naglunsad ng mga programa at fund raising para ibigay sa mga nasalantang kababayan.
Mga Pag-aaral na may kaugnay sa pagiging 'Fan' o taga-hanga
Maraming magagandang naidulot ang KPop sa mga taga-hanga nito, sa sarili, relasyon sa iba pang tao, at maging sa komunidad ng mga taga-hangang ito. Sa Pilipinas, sa mahigit 100,000 na KPop fans, maraming nagsasabi na nang sila ay maging Kpop fan, ay maraming pagbabago ang napansin nila sa sarili. Marami ang nagkaroon ng kompiyansa sa kanilang sarili at maging sa kanilang mga talento.
Ayon kay Ralph Tulfo, ang mga Pilipinong Kpop fans ay naiiba sa ibang ordinaryong mga taga-hanga ng artista. Natuto ang mga ito na mag-aral ng kultura ng mga Korean, na isang magandang halimbawa ng pag-kilala at pag-galang sa kultura ng mga dayuhan. Natuto din ang taga-hangang ito na magsalita, at manamit na parang isang Kpop Idol, na dahilan upang maging 'in' sila pagdating sa 'fashion trends'.
Ayon naman kay Phua sa kanyang pag-aaral, ang pagtangkilik ng isang tao ay nagdudulot ng pag-taas ng kompiyansa sa kanyang sarili. Dahil sa kakayahan ng mga ito na makapag-hanap ng mga impormasyon at makapagbahagi ng nalalaman sa kapwa taga-hanga, nakakabuo ang mga ito ng pagkakaisa bilang isang grupo. Ang pag-aaral na ito ay nakabase tungkol sa mga taga hanga ng mga laro.
Karamihan sa mga Kpop Fan ay aktibong gumagamit ng mga SNS o Social Networking Sites tulad ng Facebook, Twitter, YouTube, InstaGram, Tumblr. Kaugnay nito, sa pag-aaral ni Adrejevic tungkol sa pag-gamit ng internet ng mga tao, sinabi niya na ang internet ay isang potensyal na magsilbing isang malaking grupo, kung saan ang isang respondente ay makapanghikayat pa ng mga manonood o tagasubaybay sa nilalaman ng isang website.
Sa pag-aaral naman na sinagawa nina Ramos at Tanglao, inunawa nila ang mga Filipino, particular ang mga kabataan, bilang isang taga-hanga. Pinag-aralan nila ang mga paraan ng mga kabataang Pilipino sa pagtangkilik sa mga ini-idolo. Pinangahulugan nila na ang pag gamit ng mga kabataan sa mga 'media outlets' tulad ng internet ay may ilang mga implikasyon na pang-sikolohikal na resulta ng pagiging taga-hanga. Samantala, pinag-tuunang pansin naman ni Parungao ang bawat taga-hanga na kasali sa mga grupo o fanclubs. Napag-aralan niya ang bawat fan bilang isang maliit na grupo.
Sa pagsasama-sama ng mga kaisipang nabuo mula sa mga pag-aaral na naisagawa, masasabing may mga magagandang naidudulot sa mga taga-hanga ang pagtangkilik sa KPop sa buhay ng mga ito.
KABANATA III:
DISENYO AT PARAAN NG PANANALIKSIK
Disenyo ng Pananaliksik
Deskriptiv-Analitik
Ang pagsasaliksik sa paksang "Mga Magandang Naidudulot sa mga Pilipino sa Pagtangkilik ng Kpop" ay isinagawa ng mananaliksik dahil sa kanyang interes na malaman ang mga naidulot sa mga tagahanga sa pagtangkilik ng KPop. Tumatalakay ang pag-aaral na ito sa personal na pakikitungo at buhay ng mga respondente bilang isang KPop Fan.
Respondente
Ang kabuuang bilang ng mga respondente ay dalawampu(20), lahat ay mga taga-hanga ng KPop. Sila ang napili dahil sila ang kinakailangan higit kanino pa man para sa pananaliksik na ito. Napili ang mga respondente na nagpaunlak na sagutan ang mga katanungan na inilatag ng mananaliksik.
Instrumento ng Pananaliksik
Sarbey Kwestyoneyr
ang kwestyoneyr na ito ay binubuo ng 10 tanong na inihanda ng mananaliksik na may kaugnay sa naturang paksa. Ag pagsasagot ng mga respondente ay ginawa sa pamamagitan ng "Online Google Form" kung saan, pipiliin lamang ang mga sagot sa bawat tanong. Matapos ang pagsasagot, inilipat naman ng mananaliksik ang mga sagot ng bawat respondente sa isang bagong kopya ng tanong at initiman ang bawat sagot.
Internet
-Dahil sa modernisasyon ng mga kabataan, mas madali ang maglakap ng mga impormasyon at datos na kaugnay sa paksang pinag-aaralan.
Tritment ng mga Datos
Ang pag-aaral na isinagawa ay isang simpleng pagtalakay lamang ukol sa mga bisyo at ang posibleng solusyon dito. Ang pamanahong papel na ito ay hindi isang thesis o disertasyon na rekwayrment sa pagtanggap ng degree, o sa mas mataas na antas ng pag-aaral. Kung kaya't, hindi na nagsagawa ng mga komplikadong istatistikal na pamamaraan ang mananaliksik upang ilahad ang mga datos na nakuha mula sa mga respondente.
Kabanata IV:
PRESENTASYON AT INTERPRETASYON NG MGA DATOS
Paano mo nalaman ang tungkol sa KPop?
Interpretasyon
Tatlo sa mga respondente ang sumagot ng 'A' sa unang tanong. Ibig sabihin, nalaman nila ang tungkol sa KPop sa kanilang kapamilya.
Pito naman ang sumagot ng 'B'. Karamihan na sa mga KPop fan ngayon ay nakilala ito dahil sa mga kaibigan na taga-hanga din ng musikang ito.
Apat naman sa mga respondente ay nakilala ang KPop dahil sa mga palabas o patalastas na ipinalabas sa Pilipinas.
Anim naman ang sumagot na nalaman nila ang tungkol sa KPop sa Internet. Dahil sa mabilis na pagkalat ng mga balita, kanta at iba pa na tungkol sa KPop, hindi malabo na makilala nga ito ng mga taong gumagamit ng internet.
Ilang taon at anong taon ka ng maging taga-hanga ng KPop?
Interpretasyon
3 ang sumagot na sa pagitan ng edad na pito hanggang sampu nang maging taga-hanga sila ng KPop sa taong 2000 hanggang 2004.
May pinakamalaking bilang naman ng mga respondenteng sumagot na nasa taong labing-isa hanggang labing anim ang naging taga-hanga ng KPop sa pagitan noong 2005 hanggang 2010.
3 din sa mga respondente ang sumagot na nasa taong labing-pito hanggang labing-siyam na taon nang sila ay maging taga-hanga ng KPop taong 2011 hanggang 2012.
Isa lang naman ang respondenteng naging taga-hanga ng Kpop sa pagitan ng dalawampu hanggang dalawampu't limang taon gulang mula taong 2013 hanggang sa kasalukuyan.
Ilang mga Fanclubs ang kina-aaniban mo?
Interpretasyon
Sa ikatlong tanong, 5 sa mga respondente ang may isa hanggang tatlong sinasalihang mga fanclubs.
Apat naman ang sumagot na sila ay may apat hanggang limang fanclubs sa Kpop.
Pinakamababa naman ang ikatlong pagpipilan na may anim hanggang pitong fanclubs na sinasalihan ang sumagot na mayroong isa lamang na respondente.
Pinakamataas naman ang bilang ng mga sumagot na mayroon silang walo pataas na mga fanclubs na may bilang na sampu.
Ano ang mga pagbabagong napansin mo sa sarili magmula nang ikaw ay maging taga-hanga ng KPop?
Interpretasyon
Sa ikaapat na tanong, walang sumagot na may pagbabago silang napansin sa Pisikal at Emosyonal na aspeto lamang.
Isa naman ang sumagot na may pagbabago sa kanyang kaugalian ng maging taga-hanga ng KPop.
Ang labing-siyam naman na respondente ay sumagot na sila ay mag mga pagbabagong napansin sa tatlong aspetong nabanggit – Pisikal, Emosyonal at Kaugalian.
Sinusuportahan ka ba ng iyong pamilya sa pagiging fan ng KPop?
Interpretasyon
Walo sa mga respondente ang nagsabing sinusuportahan sila ng kanilang pamilya bilang isang KPop fan, at
Ang labindalawang respondente naman ay nagsabing sinusuportahan sila ng pamilya minsan lamang sa pagiging KPop fan.
Naging maganda ba ang impluwensya sa iyo ng mga kapwa-fan/taga hanga?
Interpretasyon
Lahat ng respondente ay sumagot ng OO sa tanong kung naging magandang ba ang impluwensya sa kanila ng mga kapwa-fan/taga-hanga.
Nang ikaw ay maging Kpop Fan, Nagkaroon ka ba ng lakas ng loob at tiwala sa sarili sa iyong mga gawain?
Interpretasyon
Katulad nang nabanggit, nagkaroon ng lakas ng loob at tiwala sa sarili ang mga Pilipinong taga-hanga ng KPop. Labimpito sa mga respondente ang sumagot ng OO sa ika-pitong tanong.
At tatlo naman ang sumagot na parehong OO at HINDI sa tanong na ito.
Nagkaroon ka ba ng magandang samahan/relasyon sa mga kaibigan/KPop fan?
Interpretasyon
Sa ikawalong tanong, masasalamin dito ang pakikitungo ng bawat taga-hanga sa mga kapwa taga-hanga nito.
Labimpito ang sumagot sa mga respondente na mayroon silang magandang samahan ng kanyang mga kaibigan o KPop fan.
Tatlo lang naman ang sumagot na parehong OO at HINDI. Ibig sabihin, may iilan sa mga KPop fan ang hindi niya kasundo o walang maganda relasyon sa pagitan nila.
Nakakatulong ka ba sa kapwa bilang isang KPop fan?
Interpretasyon
Sa pag-aaral na ito, layon nitong malaman ang mga naidudulot na maganda sa mga Pilipino sa pagtangkilik ng KPop.
Sa katanungang inihanda, labing-apat sa mga respondente ang sumagot na sila ay nakakatulong sa kapwa bilang isang KPop fan.
Anim naman ang nagsabing MINSAN lang sila nakakatulong bilang isang KPop fan.
Sa lahat-lahat, maganda ba ang naidulot sa iyo ng pagiging KPop fan?
Interpretasyon
Sa huling tanong, dito makikita kung maganda ba ang naidulot sa mga Pilipino sa pagtangkilik ng KPop.
Labing-pito ang sumagot na naging maganda ang naidulot sa kanila sa pagtangkilik ng Kpop.
At tatlo lamang ang sumagot na may maganda at hindi magandang naidulot sa kanila ang pagtangkilik sa KPop.
KABANATA V:
LAGOM, KONKLUSYON AT REKOMENDA-SYON
Lagom
Ang pagsasagawa ng pananaliksik ukol sa paksang "Mga Magandang Naidudulot sa mga Pilipino sa Pagtangkilik ng KPop" ay isinagawa upang maipalam ng mananaliksik ang mga kaalamang makukuha mula dito sa mga mambabasa. Sa 20 respondente, masasalamin ang mga naidulot ng KPop sa mga ito, higit ang mga magagandang naidulot nito. Sa kabila ng iilang mga hindi tumugmang resulta ng sarbey na ginawa ay makikitang nakalalamang pa rin ang mga magagandang naidulot sa mga Pilipio sa pagtangkilik ng KPop.
Konklusyon
Sa pag-tatapos ng pagsasagawa ng pananaliksik, nagkaroon ng ilang mga konklusyon ang mananaliksik ukol sa paksa.
Ang malaking bilang ng mga Pilipinong humahanga o tumatangkilik sa KPOP ay nagpapakita ng pagtanggap din ng kultura ng Korea.
Sa pagtangkilik ng mga Pilipino sa KPop, maraming mga pagbabago ang naganap sa pansariling aspeto ng mga taga-hanga nito.
Nagkaroon din ng mga pagbabago sa pakikisalamuha kaugalian ng mga Pilipinong taga-hanga ng KPOP.
Nagkakaisa ang mga KPop fan upang makatulong hindi lamang sa mga artistang iniidolo kundi maging sa mga kapwa.
Rekomendasyon
Sa pagsasagawa ng pananaliksik na ito, napagtanto ng mananaliksik na maaaring makatulong ang mga sumusunod upang magkaroon pa ng mas magagandang naidudulot sa mga Pilipinong taga-hanga ng KPop.
Kailangan na magkaroon pa ng mas magandang pagtutulungan at pagsuporta ng bawat taga-hanga sa isa't-isa.
Dahil sa patuloy na pagtaas ng bilang ng mga Pilipinong humahanga sa KPop, nagkakaroon ng ilang mga kuwestiyon tungkol dito, kailangan na mas maipakita pa ng mga fans ang mga magagandang naidudulot nito sa sarili.
MGA PANGHULING PAHINA
TALAAN NG SANGGUNIAN
KPOP
http://en.wikipedia.org/wiki/K-pop
Mga Kaugnay na pag-aaral
http://iskwiki.upd.edu.ph/images/d/d5/Alanzalon,_Sarah_Kristine_Masiglat_04-11_Kpopped!.pdf
Bakit ba IN ang KPop?
http://www.pinoyparazzi.com/bakit-ba-in-ang-kpop/
KPop sa Pilipinas
http://bigbangph.org/events/
http://pkci.org/kpop-charity-ball-with-2ne1/
https://www.facebook.com/notes/bap-ph/babies-unicef-project-bap-philippines-charity-mission/419117458173925
http://www.mb.com.ph/korea-donates-5m-to-ph-k-pop-fans-help-yolanda-victims/
Bio Data ng Mananaliksik
Buong Pangalan:
Hanna Patricia E. Mabini
Kasarian: Babae
Relihiyon: Kristiyano
Edad:15 na taong gulang
Nasyonalidad: Filipino
Tirahan:
Blk D9 Lot 5 San Nicolas 1, Dasmariñas City, Cavite
Edukasyon
Saan?
Elementarya
San Nicolas Elementary School
Sekondarya
Dasmariñas East National High School
Kolehiyo
De La Salle University-Dasmariñas
(Binabalak pa lamang)
Kapanganakan
Kailan :
Ika-27 ng Hulyo taong 1999
Saan:
Dasmariñas City, Cavite
Pamilya
Magulang
Trabaho
Kapatid
Edad
Nanay:
Ma. Gigi E. Mabini
Maybahay
Ma. Elizabeth E. Mabini
17
Tatay:
Benjamin A. Mabini Jr.
OFW
Quinn Alexander E. Mabini
10
Althea Loren E. Mabini
7