Sempama jaku iban

Sempama

LUMPAR KESATU K ESATU

abis ati i. Kesal tauka takut ii. Kelalu ingin rinduka orang dara tauka bujang Chunto: i. Aku abis ati lebuh kerita kami kena langgar lori ari belakang. ii. Endun abis amat ati meda penyigat anak temuai ti duduk di ruai sida. abis akal Udah nadai agi daya tauka runding kena mutarka penusah. Chunto: Kami sebuat abis akal ngiga chara kena mantu orang ti ditabanka tanah tusur laban mayuh sida tepekul kena tinggang tanah enggau ramu rumah. achuk rangkang Pantuk ular Chunto: Kedu kena achuk rangkang pulai iya ari umai lemai kemari. angat ati Ringat. Chunto: Iya jampat angat ati enti orang kasar jaku enggau iya. angat dan Buya pedis ati. ati . Chunto: Aku bisi buya buya angat angat dan ninga ninga jaku iya iya tak kelalu kelalu bejai kitai serumah. serumah. ati hari Jampat berubah ati tauka penemu Chunto: Kami sebuat pedis amat nitihka jaku iya laban iya suah ati hari. bah Bula. Chunto: Igat suah bah enti nusui utai nya alai iya nadai tentu orang enggau begulai. bebela Makai Chunto: Kitai bisi baum udah badu bebela lemai tu lagi.

Bahagian Pembangunan Kurikulum Kementerian Pelajaran Malaysia © KPM 2008

1

Sempama

belah batu Panas ti pemadu bisa. Chunto: Sehari tu amat tak belah batu panas, nadai ulih alai ngereja pengawa. berita angin Berita ti selebubu ngapa tauka apin temu pengamat. Chunto: Berita pasal iya ti kena buai sekula nya berita angin nya alai anang ngarapka berita nya kita. betubuh bisi Ngandung. Chunto: Lebuh betubuh bisi Endu tetengukka salai ikan. bisi baju Naruh sakang tauka dinding bulu. Chunto: Iya bisi baju nya alai iya enda rawan mindah ngagai menua orang. buai batu Nadai ingatka pangan agi. Chunto: Sekumbang udah belidar kereja ke Limbang Dom lalu buai batu enggau bala bakih iya ti tinggal di menua. buah lemba Perut (dikena nyebut perut anak mit) Chunto: Adi Igat rerenggik rerenggik nyabak nyangka nyangka nya nya semun buah lemba lemba nembiak nembiak nya. jai jar jarii Penchuri. Chunto: Kelia jarang amat kitai ninga bisi orang ti jai jari di menua kitai tang diatu nyau tiap-tiap minggu bisi orang serebanaka utai lenyau. kaki butul Pemabuk tauka pengirup ai bisa. Chunto: Orang ti kaki butul semina bisi pangan lebuh iya mabuk tang enti lebuh iya tusah nadai orang ibuhka iya.


2

Sempama

kaki judi Penjudi. Chunto: Iya nya kaki judi nya alai keresa dalam bilik sida mayuh amat udah dijual iya kena mayar utang judi. kenyap Mimpi. Kenu ku cherita sida serumah Jayum endang bisi kenyap nya alai jereki iya majak nambah-senambah ninting taun. kedil pending Enda ngasi sereta enda maluka pengawa diri ti salah. Chunto: Aku ukai enggai enggai ngerara ngerara nembiak nembiak nya laban iya nya balat balat kedil pending, pending, semina semina muai jaku enti ngerara iya. kera Manchal sereta enda ulih rara. Chunto: Jingan nya endang baka kera lebuh agi mit menya tang diatu nadai nembiak kami serumah tu mereti ari iya. lawa kerubung kerubung Bisi seregah tang nadai penemu tauka pengelandik. Chunto: Igat Makam nya lawa kerubung laban besandih ba orang ngereja pengawa enti diasuh ngatika diri nadai penunga-nunga iya nya. mai diri Merindang ati. Chunto: Udah ti tebunsa ditinggalka laki iya Endat mai diri ke Kuala Lumpur. main ular Pelinte tauka enggai bebendar ngereja pengawa. Chunto: Wat udah ditemu bala mayuh deka main ular enti ngereja pengawa nya alai sekalitu iya dikelaungka bala komiti enggaika pengawa enda nyadi enti bisi iya. makai suap Nerima tauka meri pampas ari ti nyukung pengawa salah ba undang-undang. Chunto: Iya udah ditasat ketegal bisi besangkut paut enggau pengawa makai suap ba kompeni sida.


3

Sempama

masam Ngayanka pengeringat tauka enda rindu. Chunto: Aku berasai malu laban sida sebilik ti alai kitai datai demalam bisi masam mua meda bala kitai. malu tekuyung Bisi nyambil malu. Chunto: Endun malu-malu tekuyung lebuh diasuh bala bakih iya ngajat merindang bala temuai. nguyum Pedis ati ti dipelam. Chunto: Iya endang lama udah nguyum ngagai Igat udah bekau seduai ti bisi bechakahka entara damun sida. nyaya Mati. Chunto: Aki kami ti benama Gurang lama udah nyaya. pait Berat (dikena madahka pemerat anak mit) Chunto: Uchu Ini Endun pait amat umba gamal iya sigi ganggam. pulai hari Jai tekalanya tauka seharinya. Chunto: Ayam iya nadai enda pulai hari magang laban nembiak nya udu enggai jenuh enggau utai. pedua badak Ungkup lebuh bebagika utai nitihka pemesai tubuh. Chunto: Enggau sida ti mit anang sekali-kali pedua badak laban sida iya ingatka ulah kitai ti enda manah nya datai ke jemah ila. pulai ke sepiak Mati. Chunto: Semua sida aki menyadi ke bukai udah pulai ke sepiak magang semina iya aja ti agi nyadika ubat antu kami.


4

Sempama

ribat Ngandung. Chunto: Iya benung ribat lima bulan lebuh sida iya nemuai kitu suba. sarat Ngandung ti udah chukup bulan. Chunto: Endu benung sarat, endang nganti hari ti mechah. tajam i. Jampat ngelala pemanah tauka penyai. ii. Pandai tauka pintar berunding. iii. Nyawa ti nadai milih utai diempa. Chunto: i. Amat baru bekelala enggau bala sida tang Igat sigi tajam ngelala sapa bagi ti tau dikarapka. ii. Ba aum besai Gerempung kitai anang ngelaungka Ujang laban iya tajam berundingka utai. iii. Dom amat tajam enti sebutka makai utai mata, sigi nadai diseliahka iya utai. tating kain Nembiak ti enggai jauh indai. Chunto: Umang endang kenyau ari mit nyadi tating kain indai iya. tebal pending Tan ngenatka jaku bantah orang. Chunto: Enti deka nyadi tuai kitai mesti tebal pending laban ukai semua utai dikereja kitai ulih ngemuaska ati semua orang. tungkus Bekal ti dibungkus enggau upih dibai turun ke babas. Chunto: Kami sebuat bela mai tungkus laban enda nemu maya pengawa tembu. urat kayu i. Belut ti diambi nyadika umpan ginti. ii. Tubai. Chunto: i. Sida beumpaka urat kayu. ii. Urat kayu ti dikena sida nya enda tebunuhka ikan laban sida mayuh mulut.


5

Sempama

LUMPAR KEDUA abi jari Pengawa manah ti nyadika kenang. Chunto: Abi jari Pengajar Gumi meruan nyadika teladan nembiak ba sekula kami. abis tulang Penapat inat tauka nadai begantung tulang ngereja pengawa. Chunto: Kami sebuat abis tulang ngangkut ramu dikena nirika dampa. adat asal Daya idup ti nyadi lalau pendiau bansa. Chunto: Kitai anang sekali-kali ngelengkaka adat asal enggaika kitai lenyau bansa. agi bau li a Nembiak ti apin bisi peneleba ngidupka diri. Chunto: Kitai anang kelalu arapka bala nembiak ti agi bau lia nya ngereja pengawa. angkut semut Angkut pupuk sereta betulung ngereja pengawa. Chunto: Kami serumah ngena chara angkut semut ngangkut ramu laban endur beramu jauh ari rumah. ama dunya Orang ti nadai menuku pendiau. Chunto: Kitai ti apai indai anang enda bejaga-jaga enggaika bala anak kitai begulai enggau bala ama dunya ti bekedayau ba sebelah kaki lima. aum juak Orang ti ngemulaka dua iku orang kena ngulihka penguntung ari nyabung orang nya belaya. Chunto: Kita mesti bejimat begulai enggau Wat enggaika kita perasa lalu belaya ngapa diri sama diri, iya suah aum juak. batu api Ngelakika laya orang ngambika laya nya nyadi-senyadi. Chunto: Igat kena ukum Tuai Rumah laban iya nyadi batu api laya Dom enggau Jang.


6

Sempama

bedarat Makai nadai utai ke lauk. Chunto: Kami sebuat bedarat makai tengah hari tu tadi. beganti Bebini tauka belaki baru. Chunto: Aruh patut alai Aya Dom beganti baru laban bini iya lama udah ninggalka iya. bekedar lengan Belaya lalu bebukut. Chunto: Aku rawan begulai enggau iya laban udu deka bekedar lengan ngelaban orang. bekuah Bula. Chunto: Empagul balat bekuah nusui utai, pedis dikarapka iya nya. bengkak jari Bepentika bini ngandung. Chunto: Apai Jang pedis dibai begiga diatu laban iya benung bengkak jari. belah rutan Seri tauka nadai ulih ngalahka pangan. Chunto: Seduai iya belah rutan bepancha laban sama-sama bela kering. bemata Bisi dikerindu bisi enda. Chunto: Tuai kami bisi bemata enggau bala kami seraban nya alai kaul pedis diaduka enggau pangan diri. bengal beruang Enda tentu ninga. Chunto: Anang nanya Aya Agum ari belakang laban iya nya bengal beruang. bentut tulang Ngelusu tauka buruk gawa. Chunto: Pedis ditulung orang ti bentut tulang laban enti sekali udah ditulung endang nganti orang nulung belama-lama.


7

Sempama

buah jari Tepa tauka pemeri Chunto: Kepala Opis kami meri buah jari ngagai kami sebuat rambau Hari Gawai. chabi padi Gamal mit tang pintar mutarka pengawa diri. Chunto: Anggat nya chabi padi enti ngereja pengawa iya endang enda suntuk akal. dara empelasi Jegit tauka enda milih orang. Bala sida ke bujang beambi ulih magang ba dara empelasi nya. dara manggin g Dara ti likun, bajik sereta mereti. Chunto: Adi Igat nya sigi dara mangging ba rumah kami ditu. dara tampun puji Dara ti nyadi buah mulut orang ketegal pemanah enggau pemereti iya. Chunto: Endu Sudan nya endang dara tampun puji kami di Batang Lemayung tu. dulu ngetup garam Dulu bisi peneleba tauka pengelandik. Chunto: Aki Dom endang nyadi teladan kami ke biak laban iya udah dulu ngetup garam ba pengawa besekulaka anak uchu. enda ke kuche Enda dikasika orang jaku. Chunto: Ini Rinta nya enda ke kuche bala uchu iya laban tak seruran kutap-kutap. gatal mulut Galak betusuika cherita ti enda menuku tauka enda tau nyimpan resia. Chunto: Kita anang minta dinga Umang enti nyebut utai, iya nya gatal mulut enggaika ila lain cherita ditampung iya. gari orang Orang ti kelalu nadai penemu tauka nadai pengelandik. Chunto: Igap nya gari orang endang tak nadai utai ditemu-temu kena ngidupka diri.


8

Sempama

gauk i. Ganchil jari tauka penchuri. ii. Deka ngachau bini tauka laki orang. Chunto: i. Indai Ligap endang gauk amat nadai tau mansa utai tanam orang. ii. Kami serumah tu udah nemu perangai iya ti gauk enggau bini orang. gerah mata undang Gamal baka ti mudah tang mar diulih. Chunto: Anang perasa meda bala dara ti kemerah enggau temuai nya, sida nya gerah mata undang magang enda ulih ditundi ngapa. idup manuk Ulih sahari empa sahari, nadai utai ditaruh. Chunto: Sida menyadi naka tak idup-idup manuk sekumbang udah ditinggalka apai enggau indai sida. injau k ara Orang ti enda mulaika utai ti diinjau. Chunto: Aku jera nyali iya bup laban iya nya injau kara, enda jerih bup aku abis laban iya. jai adat Nadai basa sereta nadai pemalu. Chunto: Anang sekali-kali kita ti nembiak jai adat enggau orang tuai. jai ati Kepapas, begedi tauka nyimpan dengki. Chunto: Aku nangi begulai enggau iya laban iya endang udah ditemu jai ati enggau orang. jai burung Ninga burung jai ti tau mai penusah. Chunto: Iya nikal, enda nyadi turun ke umai laban jai burung di serantau jalai tadi. jaku ketupung Jaku ti nyemetak. Chunto: Aya Jagum endang nyadika sema bala ti datai baum laban jaku iya jaku ketupung, endang nadai begantung jaku.


9

Sempama

jalai anak Jalai mit tauka simpang jalai ti mati ba jalai besai. Chunto: Aku enda tentu nemu putar jalai ba endur nya laban kelalu mayuh jalai anak. kabau Pengaruh tauka ubat ti nadai pemisa agi. Chunto: Pengaruh iya udah kabau laban suah amat udah dipeletuka iya. kair pantuk Pengidup orang ti semina ulih sahari empa sahari. Chunto: Sida menyadi idup kair pantuk sekumbang ini iya udah nadai. kamah mulut Lanchat nyebut berita tauka betusuika berita jai. Chunto: Aku pedis ati ninga sida nya ti kamah mulut, nadai ngira ati orang bukai ti ninga. kanji Jegit tauka jegak ti kelalu balat. Chunto: Orang enggai begulai enggau iya laban iya kanji amat. kalu Tuai orang. Chunto: Ini Along nya endang kalu indu ba rumah panjai kami. keru ati Lengkar tauka jampat ringat. Chunto: Igat tebangkar agi biak sereta tinggi pemandai amat landik ngereja pengawa tang iya enda tentu dikerinduka bala pekereja bukai laban suah keru ati. labu banggar Bula. Chunto: Jawan nya labu banggar, nadai tau dikarap nusui utai. labang apai, labang anak Penyai apai dipurihka anak. Chunto: Igat ke pemabuk nya endang ukai utai dipungkal laban apai iya endang bisi endur betarak, labang apai labang anak.


10

Sempama

lumpak Jampat ringat tauka nyabak. Chunto: Iya enggai enggau orang bungah laban nemu diri empu endang lumpak. mabu tugui Jampat medah ngereja pengawa tauka jampat pansut pemuyan. Chunto: Jamuh mar dikarap ngereja pengawa laban nembiak nya mabu tugui. makai angin Raun ngelantangka ati. Chunto: Sida sebilik makai angin ngagai Pulau Langkawi. makai bulu Chukup tajam tauka menang Chunto: Iya makai amat bulu beduan Igat laban iya nya nadai nemu ringat. malu tekuyung Malu tang agi ulih pansal. Chunto: Endun malu tekuyung lebuh diasuh ngajat merindang bala temuai. mata runding Apin chukup penemu tauka peneleba. Chunto: Laban agi mata runding nya alai jaku pen apin ga nemu nusun enggau manah. mansau anu Seruran diperujan enggau jaku anu. Chunto: Anak seduai iya nadai ngasika jaku laban nyau mansau anu. masin Balat bagas. Chunto: Aki Geluma sigi kenyau ari biak endang masin ngereja pengawa matahka lengan Makai. Chunto: Kami sebuat matahka lengan ba kerangan ari ili pendai sida Gurang.


11

Sempama

medah Nadai pengeliat ngereja pengawa. Chunto: Umang jampat medah ngereja pengawa nya alai iya nadai tentu utai ulih. mensiang diri Belian ketegal jai mimpi tauka enda nyamai pendiau. Chunto: Sida Aguk deka mensiang diri malam tu lagi. nadai nama-nama Nadai utai ngachau. Chunto: Udah ti berubat iya nadai nama-nama agi. ngalih Udah setengah umur. Chunto: Iya enda tentu regas ngereja pengawa umba umur nyau udah ngalih. nyawa-nyawa ikan Ampir deka mati. Chunto: Penyamun nya nyau nyawa-nyawa ikan kena timbak polis demalam. nyilu bulu Berasai tabin. Chunto: Indai Endu nyilu bulu udah bekau ditempuh ujan pulai ari umai lemai kemari. orang b abas Orang tauka gerempung ti ngelaban perintah. Chunto: Rayat Malaysia nyakal penemu orang babas ti deka numbangka perintah. orang periman Rayat mayuh. Chunto: Orang periman endang serakup nyukung projek pemansang ekonomi ti dilanggur perintah ba menua tu. orang kubu Orang ti bekereja perintah. Chunto: Orang kubu patut datai ba endur bekereja nitihka jam ti udah diletak.


12

Sempama

rarat (enggai) Enggai ditawar rega. Chunto: Ah Chong sigi bingking, sesen pen enggai meh iya rarat enti kitai nawar rega barang ba kedai iya. rawak pagar Rabang, nadai ngeli. Chunto: Aku, enti makai semina tak ngulum-ngulum laban pagar bisi udah rawak diatu. sedampar Selampur tauka udah sampal. Chunto: Padi ba umai aku udah sedampar murai diatu. seliah Tangkai padi ti agi mata dikelaungka lebuh maya ngetau tang diambi dudi. Chunto: Dara enggau indai iya ngumpul seliah pagi tadi. sigat anak uduk Begaya sereta sigat lebuh agi mit. Chunto: Wat nya sigat anak uduk nya alai iya diperibitka bala sida ti indu gaga meda iya. setengah t iang Orang ti nadai menuku pendiau tauka nadai pemalu. Chunto: Umba endang setengah tiang, iya nadai malu ngereja pengawa ti salah. tansang Sarang pemula. Chunto: Anang perasa ninga utai sebut iya, iya nya sigi tansang jaku ba kami ditu. titik peluh Asil ulih ari pengawa ti dikereja. Chunto: Iya besekulaka bala anak iya ngena asil titik peluh iya empu. tubuh puang Gendai-gendai datai nagai pengawa orang, nadai utai dibai-bai. Chunto: Kami duai Melana datai tubuh puang ngagai sida Gawing ti sandau hari.


13

Sempama

tundi ukui Kasar tundi. Chunto: Aku enggai betundi enggau Igat laban iya suah tundi ukui nyau kepuas-puas. tunju k sebelas Orang ti tinggi pemandai sereta ngembuan pengelandik. Chunto: Menua kitai balat begunaka orang ti ngembuan tunjuk sebelas kena ngemansangka penemu sereta ngangkatka ekonomi. tunjuk sepuluh Bepurus jari tang datai deka mantu pengawa orang enggau tulang urat aja. Chunto: Kami duai Migang mai tunujuk sepuluh ngagai sida ti rabat. tulang lelumi Nadai pengering Chunto: Gamal iya besai tang baka tulang lelumi, nadai kala meda iya bebendar mai utai. utai bebau Empangau. Padi aku balat rusak kena kachau utai ke bebau. utai dipuchuk kayu. Kera tauka jelu jangkit bukai ti ngachau umai tauka utai tanam. Chunto: Sekumbang jagung udah nangkin tu utai dipuchuk kayu nyau baka kerah ba tisi serarai. utai malam Tikus. Chunto: Umai kami serumah balat amat kudi laban utai malam. utai terebai i. Burung pipit ii. Pulung iii. Burung geruna Chunto: i. Umai aku balat dikachau utai terebai taun tu. ii. Ba mata aku Igam kena laban utai terebai. iii. Nembiak mit nya diayahka utai terebai kenu ku Manang Jembu.


14

Sempama

LUMPAR KETIGA abis jaku Berat-rat ngingat tauka mesanka orang. Chunto: Aku udah abis jaku ngajar iya enggaika mayuh ulah ba sekula. abis padi abis beras Suntuk pemakai enggau belanja Chunto: Kami menyanak amat tak abis padi abis beras taun tu laban mayuh bendar penusah nuntung. angat i. Malu ii. Ringat iii. Ngakal iv. Bejarit mati v. Rua vi. Terit adat vii. Sial Chunto: i. Angat mua aku ninga jaku sindir ti dipansutka iya. ii. Iya jampat angat ninga jaku orang. iii. Dachin Ah Ngong angat amat bebanding enggau enggi orang bukai. iv. Rumah sida di Ng. Nyala angat amat taun tu. v. Jari iya angat enggau belanja. vi. Angat endar pegai kepala pengajar baru ba sekula kami. vi. Pengidup iya angat laban bisi ngembuan pengaruh jai. arang abis besi enda mansau Abis jaku tauka chara kena ngajar orang tang lalu enda berubah perangai. Chunto: Amat-amat tak arang abis besi enda mansau mih aku ngajar Igat laban iya lalu enda berubah. baju Sakang tauka puchau kena nyaga tubuh diri. Chunto: Igat bisi baju nya alai iya nadai nangi bejalai ngagai menua orang. bah tunggal Nadai anggur tauka semaya deka ngereja pengawa. Chunto: Iya nya suah bah tunggal enti ngereja pengawa nya alai anang enda ngadang.


15

Sempama

bebara Bedendam. Chunto: Taja pen laya seduai iya udah diatur tuai tang sama agi bebara meda pangan. batuk (jala/pukat/bubu) Kereban kena berikan enti lama enda diturunka tau enggai bulih. Chunto: Jala Aya Dom batuk laban enda diturunka iya kenyau ari ke tembu sangit menya. baru ngelancham tugal Baru ngangkatka diri bujang. Chunto: Anak aku ke pengkuan nya baru-baru ngelancham tugal. berani babi Berani tang nadai akal. Chunto: Enti diasuh ngereja pengawa anang berani babi, enggaika bulih penusah. beranchau Bechara. Chunto: Kena tuai rumah mutarka penyarut seduai iya, lemai tu sida beranchau. berat mulut Malu tauka enggai didinga orang nyebut pekara ti enda manah. Chunto: Berat mulut deka nyebut penyalah Igat tang sekali tu enda ulih diseliahka. bisa mulut Orang ti tau tepang. Chunto: Kampar nya bisa mulut nya alai kami serumah nangi amat meda iya. bisi utai mandung Orang ti bisi ditulung kuasa roh tauka antu Chunto: Igat ukai semina berani tang bisi utai mandung nya alai iya nadai nangi bejalai kediri ke menua orang. bubus tapa Rua enggau belanja tauka utai empa Chunto: Adi aku baka orang ti bubus tapa ngena duit nya alai iya diketuka besekula.


16

Sempama

chelap i. Cheremat tauka tebekan ii. Bepengerai iii. Lama udah enda begulai enggau laki tauka bini Chunto: i. Dara chelap bendar enggau duit taja pen gaji iya enda besai. ii. Sekumbang pegai Tuai Rumah Kunjan rumah sida chelap amat. iii. Bajik lama udah chelap sekumbang laki iya pegi ke Berunai. dalam kuah Bisi lauk ti manah. Chunto: Kami sebuat dalam kuah belaukka ikan semah lemai tu tadi. dinding bulu Sakang pengaruh. Chunto: Aki Agum magi kami dinding bulu lebuh bala kami nandangka diri bemain bol ngagai menua sida di Emperan Danjang. diau diri Nadai sigau tauka nadai utai ngachau. Chunto: Udah bekau sida menyanak ti ngayanka asi sida pen diau diri. enda nyamai i. Enda pengerai ii. Alah Chunto: i. Aku berasai enda nyamai udah bekau ti ngelaban ujan pulai nyala kemari. ii. Team kami enda nyamai laban team sida ari Sg. Mirah. enggai engkachau Buruk gawa tauka ngelusu. Chunto: Sida menyanak ti dipeda kita seranta nya ketegal ti enggai engkachau. ensiban Pedis ati. Chunto: Enti sema kita bisi ensiban, aku ngarika Igat minta ampun ngagai kita. gerah jari Mentas, nelap sereta enda sayauka utai. Chunto: Apai Ulas endang siku orang kaya ti udu gerah jari.


17

Sempama

getah darah Kaban nyempil nadai ulih nusut. Chunto: Iya nadai kebuah tau jai enggau kita laban endang agi bedau getah darah. ingat lalat Umur ti baru ingat-ingatka pekara ti bisi nyadi. Chunto: Aku baru ingat lalat lebuh Apai Migu nurun pegi ke Sandakan menya. jai jaku Jaku ti rangkai tauka nebak ati orang. Chunto: Kita anang perasa ninga jaku iya manah tang ke bendar iya nya jai jari. jai is i i. Berupai kurus ketegal enda pengerai. ii. Bepenyakit kulit Chunto: i. Alam jai amat isi peda aku nyangka bisi kena pansa bulu babas. ii. Iya berupai jai isi udah bekau iya kena dujuh ubat getah suba. jaku ngelambung l angit Tinggi jaku tauka sumbung lebuh mansutka jaku. Chunto: Kami enggai bebakih enggau iya laban jaku iya ngelambung langit. kakah Bumai temuda sebelah beturut taun. Chunto: Meda tanah ti agi ami dia jerami aku taun nyin kemari dikakah aku baru. kayu alah Ngalahka pengidup orang. Chunto: Enggai nyadi kitai semina nyadi kayu alah lebuh ngidupka diri. kedil belayan Madahka pemanah penumbuh padi. Chunto: Aku berasai ransing nurun ke umai meda penumbuh padi tak kedil belayan. kembai tali i. Bisi ngembuan pemula ii. Dipeda bisi nginsur gemu iii. Baru bisi ngasaika penyamai


18

Sempama

Chunto: i. Jamuh mar dikarap laban suah kembai tali lebuh nusui utai. ii. Yak bisi berupai kembai tali pulai iya ti berubat ari sepital besai. iii. Jang enggau bini iya baru-baru kembai tali sekumbang udah nyerara diri ari entua iya. kijang dalam babas (nganti) Nganti ngapa tauka pengawa ti enda temu untung tauka rugi. Chunto: Kami duai ibu nuan nya baka ti nganti kijang dalam babas laban sida Igat ti besekula lalu apin temu pengujung. layu Sakit laban empa pengaruh orang. Chunto: Peda mata aku iya nya layu, nyangka bisi kena laban utai orang. latak Agi bepenyalah. Chunto: Iya agi latak nya alai gaji iya diketak setengah. lela di dilah Agi belala makai utai. Chunto: Aku lama udah enda ensepi kasam semah, semangkuk mit nya amat tak lela di dilah. lela di jari Abis kemaya nya. Chunto: Enggi aku gaji tak lela dijari nama udah terima. lekat jari Minta tumi orang ke indu enggau ai tuak. Chunto: Bala pengabang nyau lekat jari agi nganti diberi ngirup tuak. lemak jaku Manis tauka manah jaku. Chunto: Laban jaku iya lemak nya alai orang nadai pedis ati ninga penemu iya.


19

Sempama

lintah Penipu. Chunto: Raban orang ti bejalaika skim jampat kaya nya lintah magang-magang. liat i. Kebal ii. Tan ngereja pengawa iii. Tegalan ti enggai abis-abis tugal Chunto: i. Manuk sabung Aya Tungku endang sigi liat amat ngelama tu. ii. Aki Agam sigi kenyau ari biak liat ngereja pengawa. iii. Riris kami sebuat lalu enda sangkai laban tegalan liat amat pagi tu. labuh dipanggung lesung Udah berat kena penyalah lalu ditambah enggau penusah bukai. Chunto: Chukup jai nasit Igat, udah ga kena saman, kerita iya lalu pesuk tayar lebuh meraka jematan tadi. Udah ga labuh dipanggung lesung mih iya nya. luchuk purih Nadai anak nganti. Chunto: Nadai penyadi Aya enggau Ibu Jang, luchuk purih mih sedua nya, dataika tuai lalu nadai anak. makai di d alam Nyimpan ati. Chunto: Endun endang sigi makai di dalam taja dipeda tak imun pendiau. mandi darah Bebunuh. Chunto: Lebuh ngetanka menua dulu kelia mayuh pungka lelaki kitai Iban mandi darah ngelaban munsuh. mata engkudu Rambang mata sereta mayuh orang deka diambika ambai. Chunto: Endu nya mata engkudu nya alai sampai ke diatu lalu apin bulih laki. mara diau Lantang pendiau. Chunto: Sida menyanak nya mara diau laban endang cheremat sereta likun ngidupka diri.


20

Sempama

meram penyalah Ngelalaika penyalah. Chunto: Iya rurus ati nya alai iya enggai meram penyalah sida, laban lama laun pen ditemu orang. mayuh kedalih Landik nempa jaku kena ngaga tegal awakka ulih ngelipakka diri ari kena asuh. Chunto: Bujang anang kira enti iya bejaku, sigi mayuh kedalih mar amat dikarap mensia siku nya. . munsang bebulu manuk Ngelalaika perangai diri ketegal bisi tuju enda manah. Chunto: Sekeda orang ke nyadi munsang bebulu manuk nya endang deka ngulihka penguntung kediri empu lebuh dipaduka ngereja pengawa ke orang mayuh. ngaru i. Enda tentu pechaya ii. Gatal Chunto: i. Ati aku agi ngaru ninga jaku iya tak apin entap madahka diri nguai. ii. Keladi ti dipanduk Indai Umang tak agi bisi ngaru sepi aku. ngiling tikai/bidai Nutup pengerami. Chunto: Pengerami ngiling tikai gawai taun tu diaduka sida gerempung indu. ninding babas ninding keranggas Ninding sengapa. Chunto: Kitai anang ninding babas ninding keranggas enggaika pulaika pemedis diri empu ditinggang adat enti nyangka ngapa. nyual m ata i. Bejalai neruju sengapa enda beratika singkang. ii. Semina meda tang nadai duit kena meli. Chunto: i. Enti bejalai di nengeri anang nyual mata enggaika kena lantak kerita. ii. Kami duai semina nyual mata laban enda chukup belanja kena meli gari ti dikeinginka ati.


21

Sempama

pala menua Menua ti pengabis ulu diwan mensia Chunto: Di pala menua din agi mayuh ikan semah enggau jelu. pala pasang Menua ti pengabis ulu datai pasang. Chunto: Rumah panjai sida betul-betul ba pala pasang. pala tanah Geran tanah ti dikeluarka perintah. Chunto: Semua temuda kami serumah apin bisi pala tanah magang-magang. pampas Bayar kena nipak pengerugi tauka pengelelak tang ukai dikumbai gaji tauka bayar ti chukup Chunto: Kami dipampas RM100.00 siku-siku ketegal udah nyaup orang mayuh ti tasah ampuh bah seminggu-seminggu ti udah. pansa utai Dianu tauka diayahka antu. Chunto: Manang Jaban belabaka Aki Atuk kena pansa utai udah iya begama demalam. patah ati Putus pengarap. Chunto: Adi aku patah ati deka besekula laban enda chukup belanja. patah lauk Nadai utai ke lauk. Sekumbang sungai ti balat keruh laban telusur jalai raya dia kami serumah patah lauk. patah pemanggai Ditinggang penusah, sereta mati apai enggau indai. Sida menyadi patah pemanggai udah bekau apai enggau indai sida danjan bebadi ba jalai raya. patah tusu Nembiak mit ti nadai indai alai nusu. Chunto: Yak patah tusu udah indai iya ninggal bulan sigi nyin kemari.


22

Sempama

peridi Mayuh anak. Chunto: Ibu Jang peridi amat endang nyau bilang taun betubuh bisi. penyakit r aja Penyakit miang buah tauka lanji. Chunto: Penyakit raja nya semina sekali aja seumur idup nuntung orang siku-siku. rian tingkar Penguntung ti datai enda disadang. Chunto: Gaga bendar Apai Imang kena tiket kuda tu tadi, enda nyalah-nyalah asaika tetemuka rian tingkar. rumbau i. Nadai bulih. ii. Asa, enda jadi tauka balang semaya. iii. Nadai anak . Chunto: i. Kami sebuat ti begiga ke menua Ulu Ai rumbau laban bah tunggal. ii. Taja pen rumbau tang nya nadai ngasuh seduai nyima ngagai pangan diri. Iii. Ibu Duya sangka aku rumbau laban umur nyau manggai 50 taun lalu apin ga bisi telesak. sapu menalan Nadai orang ngalah. Chunto: Enti nanjak bukit endang sapu menalan kitai tu laban Jang. sinu ngenang Gelar ular kengkang tebu. Chunto: Ukui kami endang tak nadai benyawa udah ke dipantuk sinu ngenang. sigau i. Genera kena kachau antu ii. Charut sereta ngembuan penakut laban munsuh Chunto: i. Sekumbang Aki Along udah nadai rumah sida udu sigau lebuh malam. ii. Menua Kalimantan Barat balat sigau laban bala Dayak charut enggau bansa Madura.


23

Sempama

silam Malu sereta enggai besabung perening enggau orang ti udah dilaban belaya . Chunto: Dara agi silam meda aku nyangka iya agi ingatka diri ti ngelaya aku suba. tau mulut Orang ti landik muchau. Chunto: Kami serumah nadai lebih ari Aya Jangun tau mulut. tau jari Orang ti landik bekuntau. Chunto: Igat tau jari tang iya sigi likun sereta enggai sekali-kali belaya enggau orang. temati kutu Kesal lalu enda nemu utai dikereja agi. Chunto: Indai Yak temati kutu meda kerita ti belantak ba mua rumah iya lemai kemari. timpang Nadai agi bini tauka laki. Chunto: Tuai rumah kami udah timpang nya alai pedis amat iya nyambut bala temuai. tuai bulu Mayuh peneleba ketegal mayuh pengawa udah dikereja tauka dulu ngasaika macham-macham pulas pengidup. Chunto: Panjungka Aya Jangan tuai bulu iya diasuh bala mayuh dulu megai piring. tugil penuduk Seranta tauka pengidup ti enda stabil. Chunto: Sida menyadi berupai bendar tugil penuduk sekumbang apai sida udah nadai. turun dan Chirit. Chunto: Igat amat tak kemaya nya turun dan enti teempaka lauk ti pedas. ubat antu Ari semua sida menyadi iya aja ti agi meruan idup.(Orang bukai udah parai magang). Chunto: Ini nya mih ubat antu kami sebilik laban menyadi bukai iya udah pulai magang.


24

Sempama

LUMPAR KEEMPAT alah ayu Sakit ketegal ngereja pengawa ti ukai ungkup diri. Chunto: Sida ke nembiak enda diperansang enggau orang duduk mangkang pun sabang enggaika alah ayu. aruk Bulih penyai tauka pemalu ketegal ulah diri ti enda manah. Chunto: Iya udah aruk laban kelalu enda likun enggau pendiau diri empu. badak ngiga resa Minta utai ti disadang enda ulih beri orang. Chunto: Sida ti minta gagaka perintah jalai raya nya indah enda baka badak ngiga resa, laban menua sida nadai mayuh mensia sereta kurang mansutka asil. balang bedai Antu pala (disebut dalam leka main) Chunto: Dalam leka main Iban balang bedai suah disebut bala lelambang. basah jari Orang ti udah bedengah. Chunto: Semua sida ti berayah nya orang ti udah basah jari magang. basu kaki Upah orang ti mutuska pechara. Chunto: Basu kaki mandal tuai rumah nya lalu apin disuaka sida ti ditinggang adat. bengal isi Enda masuk besi tauka bisi pengebal. Chunto: Agum endang tebilang bengal isi nya alai iya enda takut encharikka sida ti belaya ngena taji. bekain buluh Miskin, semina bisi gari kena ngelamun tubuh. Chunto: Udah ti kena tinggang penusah angus rumah sida sebuat semina bekain buluh.


25

Sempama

bekasai langkang Ngendas diri ngambika rangkai. Chunto: Udah bekau terejun ke sungai sida sebuat lalu beguai-guai bekasai langkang. begantung r andu i. Lapar. ii. Laki enggau bini ti lama udah enda begulai. Chunto: i. Aruh nyau begantung randu kitai sebuat, hari nyau tengan ngalih diatu. ii. Kira setaun tu Igat enggau bini iya udah begantung randu. belampung ati Bisi ngembuan penangi tauka enda mutus ati. Chunto: Bala pengajar disadang enda belampung ati lebuh ngajar anak bansa diri. belah rutan Seri. Sama-sama enda tealahka pangan diri dalam pekit tauka lumba. Chunto: Garan seduai Damu belah rutan bebatak lampung kemari. berangkat antu Bebini tauka belakika orang ti agi ngulit. Chunto: Igat kena ukum laban iya berangkat antu enggau Endun. berumahka ati orang Nyangkung runding orang bukai ari belakang. Chunto: Lebuh baum kitai anang berumahka ati orang enggaika bulih penusah. bintih lanjau Ngereja pengawa sebarang. Chunto: Sida ke nembiak suah tak bintih lanjau ngereja pengawa, enda tentu berundingka penusah ti tau nyadi dudi hari. bulan begantung senduk Bulan enda chukup pemakai iya nya maya sebedau padi tau disumba. Chunto: Maya bulan begantung senduk sida sebuat meringga mulung kena nampung taun.


26

Sempama

butang n geladang Butang enggau bini orang ti alai diau . Chunto: Laban ke sama-sama miang, nya alai seduai iya butang ngeladang. bulu b abas Pengaruh ti tau munuh mensia. Chunto: Peda mata aku iya nya kena pansa bulu babas nya alai enda temu penyakit enti diperesa ba hospital. ditabanka hari i. Umur nyau tuai tang apin belaki tauka bebini ii. Runding ti lalu nadai berubah Chunto: i. Endun nya nyau ditabanka hari taja iya begaji sereta bepangkat besai. ii. Enti nitihka pemandai besekula ukai patut ditabanka hari Igat nya!. engkadah hari Mai anak mit meda matahari udah bekau meri iya mandi. Chunto: Ini Indun mai uchu iya engkadah matahari udah ti disunggaka iya di sungai. enselan ti kai Adat bedua tauka bebagi pemai. Chunto: Endun enselan tikai kala apai enggau indai iya agi idup ngambika pemisi bisi dipeda bala anak enggau uchu ambu iya ke jemah ila. entua matahari Menyadi tampung pala entua indu tauka entua lelaki. Chunto: Aya tu entua matahari aku tang alai ke jarang enggau begulai laban iya enda serumah enggau kami. ganchil jari Orang ti deka enchuri. Chunto: Kita anang enda bejimat enggau pemisi diri laban sekeda nembiak dia bisi ganchil jari, enggai meda utai ayan. geraji mata dua ( jerepang mata dua) Dua pengambi tauka sama-sama bulih ; ngauk dilubuk nyengkau dirantau . Chunto: Perintah ngena strategi geraji mata dua lebuh muka tanah kebun bedandang besai endur nanam sawit iya nya rayat nyamai perintah pen bulih penguntung.


27

Sempama

gerah mata undang Gamal dipeda mudah tang iya ke bendar mar diulih. Chunto: Anang perasa kita meda dara sida serumah nya taja tak lumpak berandau, sida nya gerah mata undang. gigit chit Pemadu pemendar ngereja pengawa. Chunto: Sida Ibu Jang sebilik aruh bulih padi taun tu laban endang tak begigit chit gawa. igau bangah Baru belabuh ngelu pala. Chunto: Sida sebuat ke betumika pangan diri ba ruai tuai rumah baru igau bangah nya alai sida balat richah. ji nak buru ng achang Semina dipeda jinak tang enda ulih ditundi ngapa. Chunto: Endun nya jinak burung achang, anang jegak-jegak nunga iya enggaika bulih pemalu ngapa. kaki jari Orang ti dikarapka ngereja pengawa ngarika kitai. Chunto: Bala nembiak kami serumah tu mih nyadi kaki jari aku ngereja pengawa lebuh nirika gawai tu kemari. karam dagang Bankrap, abis mudal Chunto: Sekeda orang ti baru ngujika diri bedagang bisi karam dagang ketegal enda bejimat ngena duit. karam di darat Angus rumah Chunto: Udah kami serumah ti karam di darat, bisi sekeda enggai agi betampung enggau pangan diri lebuh begagaka rumah baru. kendak Indu simpan. Chunto: Ari cherita ti dibai angin, Jang nya bisi kendak di Kuching din.


28

Sempama

kelanjur kaki, kelanjur jari Udah tekerejaka penyalah. Chunto: Iya minta ampun ngagai tuai rumah laban udah kelanjur kaki. ketup lelabi mati Masin ngereja pengawa, enda ngudah-ngudahka pengawa ngapa. Chunto: Kami sebilik nadai rawan ati meda Wat Renggan magi diri laban iya sigi udah ditemu ketup lelabi mati enti ngereja pengawa. kering semengat i. Besi ti diketup orang ke berubat ngambika enda alah ayu. ii. Duku ti nyadika pesindang lebuh turun ke tanah. Chunto: i. Asal bisi kering semengat jadi mih ke upah aku ngubat nuan. ii. Berasai lantang ati aku laban bisi kering semengat dibai turun ke babas. kuda belang Indu sundal tauka indu sempit. Chunto: Dia alai mensia mayuh betugung, dia mih alai bala kuda belang tu besarang. kurang kukuk Nadai tentu penemu dikembuan. Chunto: Taja udah lama nyadi tuai tang iya agi kurang kukuk enti maya baum. kurus keretum Bujang ti udu pengayap. Chunto: Agi ke biak menya Dom nya mih dikumbai orang kurus keretum. kurung s emengat Kebuk ti nyadika upah orang ke berubat. Chunto: Kurung semengat nya diberi sida Jang ngagai Manang Jimbau ti belianka ini iya. lapik jaku Jaku alus ti nyadika sidir jaku. Chunto: Pengajar Jaya nemu amat ngatur lapik jaku nya alai semua orang rindu sereta ngasika penemu iya.


29

Sempama

luya Udah berambang tauka udah sarak enggau laki. Chunto: Amat umur Endun agi biak, tang iya udah luya ketegal ti dipansal sida indai iya belaki tumu. makai tebu dinding Ninding laki tauka bini. Chunto: Seduai melaki bini sama-sama enda enggau orang berami laban ti bela makai tebu dinding. mabuk sangkar i. Manuk ti jarang ditanchang ke tanah. ii. Orang ti jarang-jarang pansut ari rumah. Chunto: i. Manuk sabung Aki Agam udah lunggung laban mabuk sangkar. ii. Umang mabuk sangkar udah bekau kena tinggang penusah. masu kaki Meri pengabang ti baru datai ngirup tuak. Chunto: Bala sida ke nembiak benung masu kaki bala pengabang ti baru niki. nambak tembawai Beambai enggau indu ti udah dilengkaka sulu dulu iya. Chunto: Taja iya tak nambak tembawai orang tang peda aku enda rugi laban indu nya chukup likun sereta bagas gawa. nawang Benih ti enggai tumbuh agi laban taun udah lunggar. Chunto: Benih kami nawang ketegal laun ditanam tambah lalu diumbaka hari ti lunggur ujan. ngabas bubu Ngabas pemansau ai tuak. Chunto: Kami sebuat ngabas bubu sida Indai Igat lemai kemari. ngabas tampun Ngabas antu pala. Chunto: Apai Sibat ngabas tampun sida Ngumbang di Nanga Kedang.


30

Sempama

ngelakika laya Nyungkak tauka ngasuh laya nyadi-senyadi. Chunto: Kita anang ngelakika laya orang enggaika kita kena tinggang adat. ngeruh ai Enggai enda enggau orang nguji. Chunto: Iya ti enggau orang belumba nya semina ngeruh ai ngapa. ngembul t ada Baru ngangkatka diri bujang. Chunto: Anak lelaki aku ti pengkuan nya baru ngembul tada diatu. nikal i. Bemalam semalam di umai udah badu berangkut dikena mulaika semengat. ii. Mulaika diri ngagai tempat asal ketegal jai burung. Chunto: i. Sida menyanak nikal ke umai udah padi abis angkut. ii. Juan nikal dulu laban bisi burung serantau jalai iya ti pegi ke Kuala Belait. nyilup tuduh Ngelap tinduk enda lama. Chunto: Udah badu merarau kami bela nyilup tuduh. pagar Puchau kena nyaga diri ari empa pengaruh orang. Chunto: Iya belajarka pagar ba apai iya empu. pachal orang Orang ti enda menuku pendiau ketegal ngelusu. Chunto: Iya nya nyadi pachal orang laban iya balat enggai gawa. panjuk tating Diri sebilik ti semina nambahka penusah tauka pemerinsa ti diidap. Chunto: Kasih aku meda Igat laban bala ipar iya nyau nyadi panjuk tating ngagai seduai melaki bini.


31

Sempama

pansut darah Bebadi tauka telih laban pengilap orang bukai. Chunto: Igat pansut darah ketegal Dom ti enda bejimat nyuaka duku ngagai iya pemandang i. Pengaruh ti tau ngenampakka nama tauka rita orang. ii. Barang kena ngumba tauka ngias. Chunto: i. Dara bisi pemandang nya alai iya tampak ba orang ti besai pangkat. ii. Tajau baru ti dibeli indai nyadika pemandang ba bilik kami. pemampul bedil Pengaruh ti ngasuh senapang tauka bedil enda meletup. Chunto: Pemampul bedil ti dikembuan iya agi ngasi datai ke sahari tu. pemalu Rengka tubuh ti dilalaika orang lelaki enggau indu. Chunto: Kita ke dara anang empayaka diri duduk enggaika pemalu kitai dipeda orang. pemanis Jayau dikena ngasuh orang ngemungaika pengerindu tauka tetarit ati. Chunto: Enti pemanis bisa orang ti ukai ipak diri pen tetarit mih ati meda kitai. pemenchi Pengaruh kena ngasuh orang begedi. Chunto: Iya nyangka udah kena pemenchi nya alai enggai meda kami agi. peransang t ulang Ambai ati tauka sulu. Chunto: Asaika nadai utai enda ulih kereja nama udah meda kenaya peransang tulang. pesindang Kereban ti dibai lebuh bejalai, ditaga kena napi penanggul ti bisi nuntung. Chunto: Nabatka ari ujan, aku bepesindangka tanggui lebuh nurun ari rumah tadi . puni taju remaung Udah tekelanjur jaku. Chunto: Kami sebuat tu udah puni taju remaung nya alai nadai jalai matak jaku agi.


32

Sempama

pusat senggang Tusut Chunto: Orang ke tuai menya endang seruran ingatka pusat senggang diri empu. pilih antah Bisi dikerindu bisi dipegedi. Chunto: Lebuh ngajar nembiak pengajar enda tau pilih antah enggau nembiak. rangkai reban Rangka tauka rindu nengali. Chunto: Igat udu rangkai reban nya alai bilik iya enda kala alai orang begelumu maya bisi pengawa ba rumah panjai tu. rua jaku Orang ti pejaku lalu bisi buya ngembuan pemula. Chunto: Dom sigi bisi-bisi rua jaku nya alai pedis amat deka arapka utai tusi iya. rumpas i. Lusing tauka mit gamal ii. Agi bujang tauka agi dara Chunto: i. Igat nya amat tak rumpas gamal tang iya kering amat. ii. Sekumbang ti agi rumpas iya naka ulih bejimat ngena duit.

sabang Pemeri tauka upah ti diberi ngagai beliau ti alai berubat. Chunto: Enti sabang enda diberi ubat tau nyadi enda semitan. sandih ai Pekara ti diambi nyadika tegal enda ngereja pengawa. Chunto: Iya ti madahka bini iya sakit nya sandih ai iya laban enggai enggau kita ngasu. sadung kelaung Bisi diberi bisi enda. Chunto: Lebuh nyibur ai anang sadung kelaung enggaika pengabang enda nyamai ati.


33

Sempama

seling kain (nadai) Enda nemu kuing tauka endang nadai mereti mimit-mimit. Chunto: Aku amat tak nadai seling kain keterubah belajarka tulis Jipun menya. sendat penyan Rapas belanja tauka suntuk nadai duit. Chunto: Kami duai Indai Jang amat-amat tak sendat penyan udah ti nganjung bala anak pulai ke sekula. setaun jagung Pengawa ti baru dikereja. Chunto: Aruh apin bulih pemisi laban seduai ti nirika ruang bilik baru setaun jagung. tembawai lama Ambai ati tauka sulu dulu suba. Chunto: Sanu agi silam lebuh besatup enggau tembawai lama iya. tebak sengkilu diri Bulih penusah ketegal penemu tauka jaku diri empu ti enda manah. Chunto: Iya nya gatal mulut nya alai mudah bendar tebak sengkilu diri empu. tepagang Lunggar umur lalu enda belaki tauka bebini. Chunto: Sekeda bala kami sebuat agi tepagang lalu apin ngentapka pendiau diri. telih Padi ti balat amat diempa tikus. Chunto: Kada nya bisi diketau umai kami taun tu laban padi balat telih di umai din. temu baga Udah ditemu beperangai enda manah. Chunto: Iya endang udah temu baga nya alai nadai orang deka begulai enggau iya. terebai kubung enda besayap Bejaku ngapa lalu diumbaka sigi nadai penemu. Chunto: Iya ti dikarapka sida bejaku indah enda baka terebai kubung enda besayap.


34

Sempama

tibar j ala enda betating Bejaku nadai belapik tauka enda berurun, seneka mansut. Chunto: Anang tak tibar jala enda betating mansutka jaku enggaika diketawaka orang ngapa. timbau Nyadika sukung tauka pemantu orang . Chunto: Bala kami ke nembiak tu nyadika langkan nyangka apin tau tang ambika timbau. tinggang dilah Ngena fakta ti betul matahka buah penemu orang ti enggau betimbalka penemu ba siti-siti jurai. Chunto: Ba pekit debat nya pengari kami nadai pedis ngejap penemu sida ari sepiak laban semua batang jurai sida endang nyadika tinggang dilah bala pengari kami. tinggi tun gku (ringgung) i. Rangka lalu enggai berapika temuai. ii. Enda mudah teputar nempara di dapur. Chunto: i. Ibu nya sigi tinggi tungku, anang ngumbai iya gagit berapi enti salah hari. ii. Sida Endu sigi tinggi tungku laban enda berunchah nempara di dapur. tutuh pauh Ujan bangat. Chunto: Aruh bah ai pagi tu, sigi nyau tutuh pauh ujan dini hari tadi. tuga berani (pugu berani) Pemadu berani tauka tuai kayau (serang). Chunto: Taja iya tuga berani tang bisi maya ga iya tau alah laban munsuh. tulang belakang Pungka lelaki ke nyadi pengering ba sesebuah rumah panjai. Chunto: Bala sida ke nembiak nya mih nyadi tulang belakang kami serumah maya bisi pengerami tauka pengawa berat ba rumah tu.


35

Sempama

udah nadai Udah mati. Chunto: Aki aku udah nadai tiga taun ti udah. uduk ke penyalak enda ngetup Orang ti inggar jaku lubah datai jari nganu orang. Chunto: Aki aku nya indah enda baka uduk ke penyalak enda ngetup, anang irau ke iya. ujung mulut Pekara ti selalu disebut. Chunto: Pementas iya sigi ba ujung mulut semua sida serumah datai ke sahari tu. ukum selipi Enda rurus ngatur adat, pechara tauka pengawa. Chunto: Pemutus ti diletak hakim nya bisi ukum selipi nya alai luyar iya enda puas ati. Iya deka ngapil pechara nya ngagai kort ti tinggi agi.


36

Sempama

LUMPAR KELIMA baka ai betemu nanga, baka kain betemu puncha Orang ke setipak enggau pangan diri ba pengering, pemandai tauka pengaya. Chunto: Seduai iya ti begulai nya endang ngena laban baka ai betemu nanga baka kain betemu puncha, nadai alai mantah. baka apung balu Nyemaka orang ti udah tinggang penusah lalu nadai meruan pengidup . Chunto: Sekumbang laki iya udah nadai Endun tau disebut baka apung balu. baka apung ti l unggar tasa Nyemaka pengelebih pengawa bejudi, nyabung tauka ngirup arak ti mai pengerusak ngagai diri empu enggau diri sebilik. Chunto: Apai Wat nya baka apung ti lunggar tasa nya ngujungka bala anak iya endang nadai panjai besekula ketegal penyuntuk digaga iya empu. baka amau dipuch uk tu ga Pengidup ti enda entap tauka nadai penegap. Chunto: Pengidup Dom indah enda baka amau dipuchuk tuga udah aki iya nadai. baka antu Nyemaka penyai ulah tauka perangai Chunto: Iya nya baka antu enti udah ngelu pala, enti lebuh ke suman tak naka pemanahmanah mensia. baka bangkai Gali bejur-bejur sereta enda engkebut. Chunto: Jang baka bangkai gali besahari-sahari, enggai engkachau. baka batang tapang Nyemaka orang ti besai gamal, bepengerai sereta sigat. Chunto: Betemu baru enggau Igat nya amat enda pechaya meda gamal iya diatu nyau baka batang tapang laban agi mit menya tak lusing amat belayan iya.


37

Sempama

baka bayak ditangkal ik u Udah temu beperangai enda manah . Chunto: Nadai utai ditanya enti Igat nya udah temu empa sigi baka bayak ditangkal iku, ni-ni maya pen sigi nyelai ari orang mih ulah iya. baka bedajaka budu buru k Abis menua endur ngiga indu ke bini tauka lelaki ke laki tang lalu nadai ga bulih . Chunto: Sinu meda Ini Itok, baka bedajaka budu buruk ngiga orang ke laki uchu iya apin ga bulih nyangka apin bisi nasit mih nya ukai nya jai ga gamal tudah. baka belangkas Indu enggau lelaki tauka orang melaki bini ti enggai jauh pangan. Chunto: Dara enggau Ujang enda ulih enda dikejakuka bala mayuh laban seduai majak baka belangkas, enggaika tak bulih pemalu ngapa. baka belia Nyemaka pemanah buah betis indu dara. Chunto: Betis enggi Endu Kumbau baka belia bandir tapang naka pemanah-manah raras tubuh dara mansang. baka berumbanka para angus Nyemaka orang ti beguai-guai ngereja pengawa. Chunto: Jala nya enda manah kerembai laban Ujang ti ngaga kukun iya suba baka ke berumbanka para angus. baka buk besimpul m ati. Pengerindu tauka semaya ti udah mutus. Chunto: Danji seduai deka idup sekunsi endang baka buk besimpul mati, semina danjan letak petara aja mih ti ulih nyeraraka seduai. baka buyah nabak dir i ke api Sengaja ngereja pengawa ti endang udah ditemu tau mai penusah. Chunto: Igat baka buyah nabak diri ke api enggau orang bebelika saham skim jampat kaya nya.


38

Sempama

baka bunsu bubut Nyemaka orang ti berumah kediri-diri. Chunto: Sigi pedis deka betemu enggau Aya Jang laban iya nya baka bunsu bubut enggai berumah betampung perabung enggau orang mayuh. baka dilah ant ara nyawa, baka idun g antara mata Enda ngarika sepiak-sepiak. Tengah hari. Chunto: Ba laya seduai iya aku baka dilah antara nyawa , baka idung antara mata laban seduai iya endang sama-sama pangan aku. baka ditebas (baka dij arau/ baka dit asa) Madahka pengerusak utai tanam diayahka jelu siga. (Suah kena madahka pengerusak padi, jagung, rampu etb) Chunto: Balat kudi taun tu, baka ditebas padi di umai laban utai malam. baka disumpit Nyemaka peneras ai bah. Chunto: Ai bah besai pagi tu amat baka disumpit lalu ditambahka reba anyut ari ulu. baka ginti ke ingkas pelampung Nyemaka pengeraja ruang bilik ti jampat abis laban penyalah pengawa orang ti nampung bilik nya. Chunto: Bilik sida Igat baka ginti ke ingkas pelampung laban adi sida ke pengkuan nya udu rua enggau duit. baka indai kera rai Indu tauka indai orang ti begamal musu-musu laban enda ngemas diri . Chunto: Sekumbang ke ngulitka laki iya Ibu Iyak nyau baka indai kera rai, amat tak teberunsai gamal iya. baka juak di kaki rantau, napatka riak tampun bubu, kenyali di Ulu Kanyau, napatka kembayau mansau ngabu Apai indai lelaki berani bejaku nanya indu laban nyidi semayau seduai ti sepenemu deka jadi melaki-bini Chunto: Kami sebuat tu baka juak di kaki rantau napatka riak tampun bubu, kenyali di Ulu Kanyau napatka kembayau mansau ngabu laban pengerindu Igat enggau Endu endang udah terang bendar ba mata kami serumah.


39

Sempama

baka kapal nadai pedum an (jeragan) Nyemaka ruang bilik ti nadai orang tuai agi ngiring. Chunto: Sekumbang apai enggau indai udah nadai kami menyadi tu baka kapal nadai peduman. baka ke buai empeleman Gerai tauka suman kemaya nya. Chunto: Baka ke buai empeleman pedis perut aku udah kena sakal ubat diberi Igat. baka ke dijayau Merampau pendiau lalu enggai tentu gawa. Chunto : Enda nemu nama kebuah Dom tak baka ke dijayau sekumbang udah pulai pegi ari Berunai dua bulan ke udah. baka ke dijembui Betegaring gali diruai udah buntau lempus pengawa ti beapuska malam. Chunto : Kami serumah baka ke dijembui bela ngenatka diri udah ke rami melah pinang anak tuai rumah demalam. baka ke enggau ai Nyemaka orang ti betimbah ayah enggau utai tauka enda nemu ngenyadi. Chunto: Takut meda sida sebilik nya ngena duit amat tak baka ke enggau ai, enda nemu ni penatai duit bangat enda tau abis dikena. baka ke enggau kaban Ngemanahka diri nulung orang ti ukai kaban belayan. Chunto: Senaka ulih iya nulung baka ke enggau kaban lebuh kerita kami rusak. baka ke ukai kaban Enda manah tauka enggai nulung kaban Chunto: Iya tak baka ke ukai kaban, semadi tusah nya alai kami ke minta tulung. baka ke enggau tanah Nyemaka orang ti bebuaika tampui asi sengapa endur. Chunto: Sida ke nembiak patut dilatih siru enggau pemakai, enti sema asi belaluh anang baka ke enggau tanah laban nya mali ku jaku tuai.


40

Sempama

baka ke dipipis Ngalika diri ketegal mabuk tauka rebah magang-magang. Chunto: Sida sebuat baka ke dipipis pagi tu, nadai angkat siku udah ti ditumi sida ke dara demalam. baka ke ditepas Abis lengis endang nadai tinggal tauka nadai beteda agi. Chunto: Sida serumah baka ke ditepas undur ngambi subsidi baja ti diberi perintah. baka ke makai t ebu, abis manis rampang d ilua Udah leju, bansu tauka nadai rega agi ditinggalka sengapa. Chunto: Berasai penyai lelaki nya enggau pangan iya, amat-amat tak baka ke makai tebu, abis manis rampang dilua nadai berunding sinu sekali-kali. baka kera diberi bungai Meri utai ngagai orang ti enda nemu nguna iya. Chunto: Raban sida nya indah enda baka kera diberi bungai enti diberi bup laban siku pen nadai mih sida nemu macha. baka kukut enggau isi Meruan megai kaul ti tegap. Chunto: Seduai menyadi amat suah dipeda ngereja pengawa ngatika diri tang ba pengawa sida sebilik seduai begempung endang baka kukut enggau isi. baka entimau Enda tetitihka orang bukai ngereja pengawa laban sigi lembau tauka endang purih orang ti buruk. Chunto: Bala kita anang bechuanka sanu nya laban iya nya baka entimau, landik bejaku nyeliahka pengawa. baka keling Nyemaka penyigat gamal lelaki. Chunto: Gurang amat tak baka keling lebuh udah masukka ngepan pungka lelaki Iban. baka kepayang ngadaka dilah Semina bejaku aja tang ngereja pengawa ngarapka orang. Chunto: Apai Wat nya baka kepayang semina ngadaka dilah, ukai ketegal tudah enggai ngereja pengawa tang laban ti udah tachat pendiau.


41

Sempama

baka kesa (baka kesa nanka buah) Berani nanka pemisi orang bukai ukai ari tuduh. Chunto: Aku belabaka iya nya nadai kaul enggau sida ti beempu temuda nya enti nitihka tusut tang iya tak berani baka kesa nanka buah. baka kumang Nyemaka pemajik gamal indu. Chunto: Sudan amat tak baka kumang lebuh udah masukka ngepan indu Iban. baka kumang ke nupi sawa Nyeridika orang ti endang diadang tau mai pengerusak ngagai diri empu. Chunto: Pengajar Jingan indah enda baka kumang nupi sawa nyengulaka anak menyadi iya nya, laban nembiak nya endang sigi melisa kenyau ari mit diatu udah pandai nadai ibuhka iya agi. baka ke dilempis Sakit magang-magang Chunto: Kami serumah amat-amat tak baka ke dilempis udah abis gawai nya suba. baka ke disepu Nyemaka penyampat nembiak besai tauka mansang. Chunto: Tekenyit aku meda adi pengkuan sida Igat, baka ke disepu penyampat-nyampat iya nya besai. baka ke tau ditelan Nyemaka pemajik indu. Chunto: Dara ti begelar Kumang Sarawak tahun tu amat tak baka ke tau ditelan peda mata aku, nadai endur mantah. baka langau nutu b ut Dia bisi peluang alai ngambi ulih orang mayuh sigi berebut-rebut mansang kia magang-magang. Chunto: Amat nyau baka langau nutu but mensia bebelika barang ti dilelong sida Ah Jin.


42

Sempama

baka mulung ke udah merangau Indu ti udah lunggar umur nadai alai ngaduka diri nirika ruang bilik agi. Chunto: Endu nya baka mulung ke udah merangau taja gamal tak agi tubah, nya alai iya tak nadai ati ditundi-tundi bala sida ke bujang. baka munsang bebulu manuk Nemu ngelamun perangai ti jai. Chunto: Igat nya baka munsang bebulu manuk ngerit dagang orang ngena jaku nunduk ngulihka untung ke sesen dua , ukai nya bisi kaul enggau orang nya iya. baka munsu h Orang ti enda manah adat enggau begulai. Chunto: Kami ukai enggai bebakih enggau iya laban lagi iya baka enggau munsuh meda kami. baka ngelakuka tajau belah. Indu ti udah bepenyai kalat-kalat ngiga orang ti sanggup ngambi iya ke bini . Chunto: Lebuh ke agi rumpas suba sumbung kepuas-puas bulih pemalu, diatu nyau baka ngelakuka tajau belah ngiga orang enggau betupi. baka landak udah temu baga Udah temu empa tauka perangai. Chunto: Iya ke nyakal pemutus aum orang nya sigi baka landak udah temu baga, nama nyelai nadai orang bukai sigi sida nya belama. baka lelabu enda ninggalka peputan, baka tukul enda bulaka tempan Sigi mutus ngingatka semaya. Enda bula. Chunto: Aku nadai irau bedanji enggau Igat, sigi enda balang ngapa laban iya udah ditemu baka lelabu enda ninggalka peputan, baka tukul enda bulaka tempan. baka lang dipala rimba Orang ti tau diambika teladan. Chunto: Ijau nya baka lang dipala rimba antara semua sida ke nembiak rebak baru ba rumah panjai tu.


43

Sempama

baka lubang sumpi t Lurus geginting. Chunto: Jalai urung orang ke bagas bebadi nya sigi baka lubang sumpit nya alai endang seruran laju kerita nengah jalai nya. baka manuk, kair pantuk Mupuk begadai-gadai ngidupka diri. Chunto: Kami menyanak tau disebut baka manuk kair pantuk mih tu laban naka ke diatu apin teulihka puku kena ngangkatka dagang tu besai ke agi. baka manuk mabuk sangkar Orang ti teleba gawa berupai runggu pendiau ketegal ngenyit enda ulih mindah ari rumah laban bisi pemedis tauka penanggul bukai. Chunto: Aki Agum baka manuk mabuk sangkar udah bekau beputung riman perut, iya nadai ulih turun ke tanah agi. baka mata keli i. Mata ti mit silak tauka chipit. ii. Mata chudur ketegal kelalu ngantuk tauka udah kelalu mabuk. Chunto: i. Mata Aya Duma ke baka mata keli nya endang asal ukai ketegal menawa. ii. Laban udah kelalu mabuk mata Igat nyau baka mata keli enggai tentu enchelak manah agi. baka mayau ngelamun tai dir i Ngelalaika penyalah, pengelemi, pengawa ti ngemalu tauka pengurang diri empu. Chunto: Igat sigi landik nikung pengawa iya, nya ga baka mayau ngelamun tai diri enggai ke bala kitai mayuh nemu baga iya. baka menaul ke ngibu n tai Rungguk-rungguk diau di rumah besahari-sahari. Chunto: Ukai utai ditunda ulah Enchalup nya ti baka menaul ngibun tai, nadai pengujung pengidup baka nya. baka ke nyeliahka babas repa, baka ke ngelaungka menua si ga Enda meri peluang ngagai orang ti bepenemu ngereja pengawa ketegal enda sengaja tauka enda ngelala iya. Chunto:


44

Sempama

Komiti ti ngatur pengerami nya nadai meri awak ngagai lemambang nya bejaku baka ke nyeliahka babas repa, baka ke ngelaungka menua siga laban sida enda ngelala iya, orang bukai pen nadai madah. baka pagar makai umai Orang ti dikarapka, nya ti ngereja pengawa jai, ngelakar tauka ngambi penguntung ari kaul nya tadi. Chunto: Kami ti ngarapka Lingan megai duit gerempung perasa magang laban iya, indah enda baka pagar makai umai iya ngelakar bala kami. baka pagi ng epunka siang, baka lambur nu runka nyang Mungkal tauka bejadika pengawa ngambika rurus. Chunto: Aya Tuai Rumah dipaduka bala mayuh dulu bejaku ngambika baka pagi ngepunka siang, baka lambur nurunka nyang. baka pelangkan Nyemaka pengamah tauka pengeruh ai. Chunto: Aku enda rajin mandi ke sungai sekumbang hari belunggur ujan tu, amat tak baka pelangkan ai dia. baka pitak dibuai mata (baka pitak buai di mata) Kapa-kapa tauka abis akal sereta nadai temu penunga agi ketegal enda nemu nagang diri ngereja pengawa ti tau mai pengerusak. Chunto: Udah ti alah bejudi seduai iya sama-sama baka pitak dibuai mata, ambi ke tambang pulai pen nadai mih agi duit. baka pinang pulai ke mayang, baka sirih pulai ke t akang Pulai ngagai asal tauka pengelandik ti dikembuan endang turun-menurun. Chunto: Pengelandik Jilum bemain perengka muzik nya endang enda nyalah-nyalah baka pinang pulai ke mayang, baka sirih pulai ke takang, laban niang apai iya menya endang pemerindang ti tebilang ba menua kitai ditu. baka pinang dibelah dua Setipak, indu bajik lelaki pen sigat. Chunto: Dara enggau Bujang endang baka pinang dibelah dua pemajik enggau penyigat seduai lebuh duduk bebandung atas tawak rambau melah pinang seduai demalam.


45

Sempama

baka rangki Nyemaka pemurak ngeli mensia Chunto: Manah amat ngeli iya dipeda aku nyau baka rangki. baka ke rarika mun suh Berumban nurun ti ngujungka sekeda perengka ti dipeguna enda ingat bai . Chunto: Aku sigi belabaka bisi utai tinggal laban seduai iya baka ke rarika munsuh ngejangka rumah pagi tadi. baka reba rarat Nyemaka pemayuh keresa ti dikena ngidup diri bumai betaun baka raga, lanji, chapan, timpa, periuk, genuk etb temera, nadai dikemas enggau manah. Chunto: Indai benung ngemaska sadau kami laban keresa kena seduai iya apai di umai taun tu nyau baka reba rarat nya dia. baka ridun t inggang tai Pengidup ti seruran kena tating pemedis, baru-baru deka gerai alai sakit baru. Chunto: Aya Jang tau disebut baka ridun tinggang tai udah bekau iya ti kena bebadi ba jalai alun taun siti nyin kemari. baka ridun nyu ngkangka sembuak. Pedis ngidupka diri laban nadai puku tauka reta tengkira ditampung ari apai indai. Chunto: Aku tu nyemaka diri baka ridun nyungkangka sembuak laban endang tak senaka utai ulih tulang urat diri empu mih kena ngidupka diri. baka sapi ke dit ancham idung Senurut tauka enda mantah ni atur tauka pengawa di asuh orang. Chunto: Aku berasai gidan meda Genam amat tak baka sapi ke ditancham idung nurutka semua utai ku bini baru iya nya. baka sebayan Nyemaka orang ti ngaga diri kisuk gawa lebuh malam tang diau maya siang hari Chunto: Ukai orang ke burung sanu nya, baka sebayan, dunya iya enda sebaka enggau enggi kitai.


46

Sempama

baka semut Nyemaka pemayuh mensia begelumu ba siti tempat. Chunto: Balat ga pemayuh mensia ngulu regata taun tu, nyau baka semut ba sebelah tebing sungai Batang Lupar kenyau ari Pengkalan Ulu nyentuk ke Kubu Alice. baka sempul ut i. Nyemaka pengelandik tauka penyikar. ii. Nyemaka pemisa jayau Chunto: i. Penyaga gol sida amat tak baka sempulut jari iya nangkap bul. ii. Kenu ku sida ke serambau tak baka sempulut jayau Ini Ina nya kelia. baka sengayuh n gelengka bangkung, baka penimba ngejangka gendung Mutus ati nyerara diri ari apai indai ketegal deka nirika ruang bilik diri tauka ngepunka pengidup baru. Chunto: Lika seduai laki iya berengkah mih nya baka sengayuh ngejangka bangkung, baka penimba ngejangka gendung laban meda bala adi iya udah nemu ngidup diri magang-magang. baka sungai enda beulu (nganti) Endang tak nganti ngapa. Chunto: Kami ke ngarapka perintah ngaga jalai raya ngagai menua kami di Ulu Sungai Menua tu baka sungai enda beulu, kada enda tak puni ngapa. baka tangga ngumbaka lalau, baka dampa ngumbaka langkau Pendiau tauka perangai siku-siku orang endang ngipakka pemaiulah iya empu. Chunto : Nembiak ke diasuh sida mansuh lauk nya enda ulih dikarapka bebendar iya ga baka tangga ngumba ke lalau, baka dampa ngumba ke langkau, dini enda abis mata utai. baka ti udah digelintu m Nyemaka penyelum ngeli orang ti dibalut getah semakau tauka dakah pinang. Chunto: Ngeli Ini Ayok baka ti udah digelintum laban kenyau ari biak iya makai pinang. baka terempas di batu Nyemaka penyampat abis tauka pengelaku barang. Chunto: Ensabi ti dijual kami duai di pasar tamu amat tak baka terempas di batu pagi tadi.


47

Sempama

baka ubung niti hka jerumat/ jarum Betuaika orang ngereja pengawa. Chunto: Aku tu ukai enggai diinjau kita tang mar laban baka ubung nitihka jerumat, enti tuai nadai nuduhka jaku enggai nyadi ngatika diri. baka udat nganjung diri ngagai gayung Indu ti namaka diri ngagai lelaki. Chunto: Dara nya baka udat nganjung diri ngagai gayung nyadi buah mulut orang. baka ke takutka di empa ukui Berumban ngatur anak belaki. Chunto: Sinu meda Umang laban agi besekula tang sida apai indai iya berumban baka ke takutka dempa ukui ngatur iya bebilik ruang. baka ukui/uduk (baka ulah ukui ) Nyemaka indu enggau lelaki ti enda malu dipeda orang mayuh betundi nyentuk tauka beleman enggau pangan. Chunto: Kemaya hari tu sekeda mensia ti nadai empedu malu dipeda orang bebuti nyentuk baka ukui sebelah tempat orang mayuh di nengeri. baka bangkai ukui (uduk). Bangkai mensia ditejuka melangui ngapa, nadai kaban belayan ngapuh . Chunto: Iya ti parai bebadi nya baka bangkai ukui diempayaka ba tisi jalai raya. baka ukui betu peransang Berani, mangah sereta mutus ati. Chunto: Bala rekrut soldadu ti dianjung perintah nginau pulau di Sabah sigi baka ukui betu peransang magang-magang. baka undang ke dipanuk Nyemaka pemirah mua tauka tubuh orang dataika nyau mirah baka kulit undang ti dipanduk. Chunto: Balat ga mua Endun nyau baka undang ke dipanduk kena jembui panas saharihari tu.


48

Sempama

baka udun ke ditunu tisik Nyemaka lelaki ti balat enda begamal tauka endang tak nadai penyigat. Chunto: Kasih meda tudah Dom ti deka nyerumba sida ke sama serambau enggau iya ngemujangka diri tang gamal tudah amat tak baka udun ke ditunu tisik. baka ukui enggau mayau Enda tau bekampir, seruran deka belaya. Chunto: Seduai diri menyadi nya baka ukui enggau mayau endang enda tau betemu seruran deka betangkap. baka ukui ke labuh anak Nyemaka orang ti enda entap duduk tauka seruran kasak-kasak pendiau nadai temu kebuah. Chunto: Endu nya baka ukui ke labuh anak selemai-lemai tu nadai meruan ngereja pengawa di dapur. baka ular kena palu Jalai ti belingkuk liuk. Chunto: Jalai lama ari Kuching ke Bau enda nyalah-nyalah baka ular kena palu. baka ular matak silui Lubah ngereja pengawa sereta diumbaka lembau tauka dulu betagai enti diasuh . Chunto: Dom nya baka ular matak silui enti diasuh ngereja pengawa suma angkat. baka ular mantaika sima Begah-begah ngayanka pengelandik, pemandai tauka penemu diri. Chunto: Amat baka ular mantaika sima uchak ti diasuh bejaku nya, udu penyumbungnyumbung. baka ulun Dipejal ngereja pengawa Chunto: Kasih meda kampar nya digaga sida baka ulun, nadai diberi duit, makai dih suma tudah. baka ungkap batu Madahka pengeraja bilik orang penuh laban tajau, tawak enggau utai bukai. Chunto: Bilik sida Dom amat ku jaku sema orang nyau baka ungkap batu pengeraja sida.


49

Sempama

LUMPAR KEENAM

munyi ai (munyi ti m ubuhka ai) Sakit muang ai tauka chirit. Chunto: Aku nadai nemu diri idup laban pedis perut bira asai nya, sigi munyi ti mubuhka ai semalam-malam tu. munyi bejampung Gemetar inggar, mantik didinga sereta bejarit. Chunto: Aku ngeri amat bulu betemu enggau menijar baru tu laban iya munyi bejampung enti udah bejaku. munyi bilun Munyi ti inggar sereta deras. Chunto: Balat laju perahu baru Jamuh lalu diumbaka injin 85 kuda iya, endang munyi bilun dinga sida ari rumah. munyi burun g (semalau) Jaku ti kelalu jampat lalu diumbaka enda putus-putus bejaku. Chunto: Kami enda meretika pekara ti disebut iya laban jaku iya nyau munyi burung. munyi b urung makai buah kara Richah sereta nadai mendingka utai ti disebut pangan diri. Chunto: Keterubah pengabang baru niki tadi amat tak munyi burung makai buah kara mensia ti betabu ba ruai tuai rumah. munyi empeliau Munyi nyawa ti perebubuk lebuh ngangauka leka main baka Renung, Pengap etb. Chunto: Amat tak munyi empeliau nyawa Lelambang Biju lebuh iya matak jalai nimang. munyi empulu pasang Munyi nyawa ti bekelukau enda putus-putus nyerumba orang bukai ti bejaku. Chunto: Bala sida ke indu-indu amat tak munyi empulu pasang bejaku nyerumba sida ke lelaki ti berundingka atur nyambut pengabang pagila.


50

Sempama

munyi indu m anyi Munyi ti bekerengung. Chunto: Balat ga pemayuh nyamuk lemai tu nyau munyi indu manyi sebelah bilik. munyi ketupung. Bejaku seleka-leka aja tauka nadai berambai-rambai bejaku. Chunto: Penghulu Jugul nya munyi ketupung sigi dipelandikka orang enda mayuh bungai jaku, enti mutuska pechara endang tak nyemetak jaku iya. munyi ke begawai Richah nadai temu kebuah. Chunto: Bala nembiak munyi ti begawai ba kelas nya tang bisi ga tuai nembiak dia. munyi ke betelai Mit nyawa tauka enda inggar lebuh bejaku. Chunto: Pengajar Sunta munyi ke betelai ngajar nembiak, sida ke duduk dibelakang nadai ninga utai ku iya. munyi ke dalam tajau Munyi jaku ti balat jerung. Chunto: Berasai jaku ribai punggal nya, munyi ke dalam tajau utai sebut iya. munyi ke diki rah (munyi k e direndai) Jaku ti inggar, enda putus-putus sereta enda ngelakka orang bukai nimbal. Chunto: Aku enda nemu berandau enggau Endun laban iya enti udah bejaku amat tak munyi ke dikirah endang nadai alai kitai nyelepak. munyi ke malu bandir Nyemaka munyi ti bekesegum tauka betemekup. Chunto: Aku berasai geli ninga munyi utai ti bekesegum munyi ke malu bandir ngelingi langkau kami sebuat semalam-malam tu tadi. munyi ke mandam tampin mulung Nyemaka munyi utai ti tibu. Chunto: Pelaba aku balat pedis belakang Nuyan dipalu Iba, amat tak munyi ke mandam tampin mulung belakang siku nya dipalu iya.


51

Sempama

munyi ke mabuk kulat tenggar (munyi ke ditichik ) Ketawa enda beketu-beketu. Chunto: Endun seduai Duma munyi ke mabuk kulat tenggar kenyau ari tadi, nyangka bisi utai nyelai dikenang seduai. munyi ke matak rut an (munyi ke narit wi) Nyemaka munyi seput tauka kuruh orang ti inggar amat. Chunto: Jera apai aku tinduk begulai enggau Apai Abub, apin maya-maya udah munyi ke matak rutan iya. munyi ke maringka batu Nyemaka munyi ti beduru tauka bebelat inggar. Chunto: Guntur enggau kudi demalam amat tak munyi ke maringka batu ti ngujungka semua sungai bah ngampuhka emperan pagi tu. munyi mulut indu Mayuh mulut tauka sebarang sebut enda ngira salah tauka ngena. Chunto: Mar dipending penemu bala mayuh laban mayuh agi ke munyi mulut indu lebuh bejaku ke utai. munyi ke nanjak wung Berandau ngena entak sebut ti inggar tauka merak-merak. Chunto: Anang tekenyit kita ninga sida sebuat bejaku, lebuh berandau diri pen munyi ke nanjak wung laban endang udah pengelabuh jaku sida. munyi t i ngenang perau anyut Ngenang pemanah orang ti dikesayauka. Chunto: Igat munyi ti ngenang perau anyut ngingatka pemanah Endun enggau iya. munyi ke ngiri t pitan atap Munyi sabut tauka antu ti ngenakutka orang. Chunto: Kami sebuat sama-sama nadai ngelapka bulu mata semalam-malam tu laban seruran ninga utai munyi ti ngirit pitan atap mansa dunju kami. munyi ngitar/ guntur Penggar nyawa ti balat inggar tauka berengangung. Chunto: Kami sebuat mupuk nangi enti pengajar Rimong tama kelas laban nyawa iya amat tak munyi ngitar enti udah bejaku.


52

Sempama

munyi nyumbuh buj ang Tunggal jaku tang inggar sereta mantang didinga. Chunto: Igat nya enti berandau enggau kitai sigi munyi nyumbuh bujang, endang kenyau ari menya iya sigi enda mayuh jaku enggau orang munyi terantang begau Terantang tawak ti bejarit tauka pisit. Chunto: Pangkung tawak sida ke belatih betabuh nyau munyi terantang begau, lalu bedau nyadi seranyut pangkung ti betul. munyi perebuk labu Madahka pemanah munyi nyawa lelambang ti perebubuk lebuh ngangauka leka main. Chunto: Nyawa Lelambang Ligau munyi perebuk labu lebuh ngangauka segenteran leka renung demalam. munyi senapang (meriam) Nyemaka munyi nyawa ti ingga.r Chunto: Nyawa Umang munyi senapang ngerara iya niki pinang tang agi mih enda ngasi. munyi sintak peputan Nyemaka munyi seput tauka kuruh orang ti tinduk. Chunto: Kuruh Aya Agum amat atak munyi sintak peputan, enti enda tan pending enda ulih nindukka diri ninga enggi iya. mesai bulu m ata Madahka tukuh, pengemit tauka penadai-nadai utai. Chunto: Mesai bulu mata nadai mih agi buah rian kami di kebun dia. mesai leka semakau Bebandingka pengemit utai ti betukuh segala. Chunto: Tipang pantuk ular ti dibagi iya enggau aku enda bulih mesai leka semakau. mesai tapa Bebandingka pengemit endur tauka rampa. Chunto: Umai ti dipelandikka iya nya enda bulih mesai tapa, nama utai ti ulih iya dia.


53

Sempama

LUMPAR K ETUJUH ETUJUH asai ai Nyemaka penyelap kaki jari orang ti tabin tauka sakit. Chunto: Kaki jari iya agi mengkang asai ai taja udah diberi makai ubat. asai api Nyemaka pengangat isi ketegal tabin. Chunto: Tubuh anak mit nya asai api nya alai bala misi ngisi tubuh iya enggau ai. asai b ata asai atang ng pisang Nyemaka penyelap isi. isi . Chunto: Tubuh iya asai batang pisang udah ke berujan nembuka tebang sahari-hari tu. asai empedu Naka pemait-mait. Lauk nya enda ulih empa laban nyau asai empedu, enda nemu nama rempah kena iya ngulai. asai idung ukui Pemakai ti udah lama chelap, semina apin bari. Chunto: Aku enda tentu masuk masuk makai tengah tengah hari hari tu tadi laban laban lauk lauk kami sebuat sebuat asai idung ukui semadi perut udah kelalu lapar. asai garam Naka pemasin-masin. Chunto: Lauk panduk Endun sigi nyau asai garam, bakani kati deka makai nya enda mih ulih. asai gari pua (ubut) Naka penadai asai. Chunto: Naka pengerugi-rugi makai ba kedai Ah Bun, lauk ti dinahka iya sigi nyau asai gari pua. asai ke betemu enggau petara Tepantup lelengau ke bakih lama lalu umba tekenyit enda nyadang tau betemu. Chunto: Amat tak asai ke betemu enggau petara lebuh besatup enggau bakih aku maya agi sekula menya ba stesyen bas pagi tadi.


54

Sempama

asai ke bubus bub un asai Chelap mantik. mantik . Chunto: Aku asai ke bubus bubun laban laban pangkaka pangkaka ribut ribut enggau ujan sahari-hari sahari-hari tu. tu. asai ke deka tama perut indai Balat takut dataika labuh ai mata sereta bisi bemua-mua ke apai indai. Chunto: Bebaru nyadi kelasi menya enti dipangkaka kabut enggau umbak besai lebuh belayar di tasik luar din amat tak asai ke deka tama perut indai sepi aku. asai ke diau dibaruh pungg u asai Seruran nangi ke penusah tau nyadi. Chunto: Sekumbang operasyen kami seruran asai ke diau dibaruh punggu laban jalai ti diteresa kami mayuh periuk api ti tau meletup sebarang maya. asai ke lepas ari n yawa baya Berasai lantang ati udah lepas ari penusah tauka pemesak pengawa. Chunto: Kami sebuat asai ke lepas ari nyawa baya laban lebuh projek kami udah tembu dia semua barang pen niki rega magang-magang. asai k e nganti menteri asai Ngibun enda besemaya, baik tumu tauka laun penatai mesti dianti. Chunto: Kami tu asai ke nganti menteri laban semaya enda nyentuk maya pengabang niki. asai ke dipandam dada Balat kesal tauka takut Chunto: Aku amat tak tak asai ke dipandam dada ninga ninga rita iya iya kena rumpak rumpak bala bala bayat. asai ke dirandang dada Berasai angat dada kena runtu ai bisa. Chunto: Suma ulih telan, amat tak asai ke dirandang dada ngirup arak ti dibai sida Dom ari Berunai. asai ti empela asai empelan n mi ang padi Enda ulih tinduk laban seruran bisi pengirau/ penusah ati. Chunto: Sekumbang pechara salah trafik nya bedau putus kemari mata asai ti empelan miang padi nangi enggaika diri tinggang penyalah.


55

Sempama

asai ke diau dalam gu a Petang tegayam, enda peda achuk mata. Chunto: Janggal makai lemai tu tadi laban nadai api, nya mih asai ke diau dalam gua pemetang-metang iya. asai ke dig igit kesa asai Semina bisi-bisi berasai pedis ba kulit ari. Chunto: Terubah misi nachamka jarum bisi ga asai gigit kesa, enda tak pedis sepi aku. . asaii ke labuh ari puch uk chekur asa Balat tekenyit tauka rawan. Chunto: Aku asai ke ke labuh ari ari puchuk chekur lebuh lebuh meraka meraka andau andau ti digaga sida Igat nya. asai k e ngenggam telu asai Chukup penangi-nangi enggaika penusah tau nyadi sebarang maya. Chunto: Sekumbang bala anak agi mit menya amat tak asai ke ngenggam telu lebuh sida ti rengga pedera. asai k e dipansuh asai Nyemaka pengangat, bekum, lisak sereta enda chukup angin datai ke enseput dih tusah. Chunto: Amat-amat tak asai ke dipansuh duduk di ruai sekumbang sekumbang nganti sida lemambang ti bejakuka kujuk. asai k e disayat semilu asai Entung ati ti kelalu tusah, sinu sereta bisi besambil ngeransi ketegal dikeduan ambai ati. Chunto: Yak madahka ati diri asai ke disayat semilu ngagai aku ketegal John ti bebini enda madah. asai ke ketup semada Berasai mantik nyengat ba kulit ari. Chunto: Aku ti teindikka jerumat nya, terubah semina asai ke ketup semada enda ngadang tak ngemalat-malat nya nancham ngagai tapa kaki aku.


56

Sempama

asai ke dit uchul bara api Nyar pedis tauka asaika betu. Chunto: Jera apai berubat enggau beliau nya, asai ke dituchul bara api laban ubat ti dikena iya beburah anang ke gerai, rangkai dih enda kuris aku. asai ke nganti in dai pulai ari umai Ngibun enggau pengabis pengandal ati laban arapka orang ti dianti nya bisi mai buah jari. Chunto: Kami sebuat asai ke nganti indai pulai ari umai ngarapka wakil rayat mutarka penusah kami ti lalu apin bisi puncha ai beresi datai ke sahari tu. asai ke ngenyadik a anak mata Pemadu penyayau-nyayau. Chunto: Seduai melaki bini asai ke ngenyadika anak mata nyeridika Igat, iya ga anak iru, ngarapka iya nya ngasi lalu mujur dalam sekula. asai ke ti ngkil atau Balat pengesal-ngesal ati. Chunto: Asai ke tingkil atau ninga berita Jang Luang ti bebadi tabanka bilun pechah lemai kemari, nasit ga iya idup. asai r epuk kayu Balat nadai asai. Chunto: Asai repuk kayu dekayu panduk Umang baru ti belajar berapi menya, diatu nama enda penyamai dih laban nyau selalu berapi. asai telu gerama Jaku ayah lebuh nyepi pemakai ti ditunu sereta tambahka jarang diempa. Chunto: Igat Bunyau ngasuh bala ketawa, nyemaka tunu ikan nya asai telu gerama. asai t ichak Tubuh orang ti berasai chelap. Chunto: Gelesi bulu aku ensepi tubuh iya nyau asai tichak, enda nyangka iya ngerayaraya nya sakit.


57

Sempama

LUMPAR KELAPAN ambi ke asi bari orang Nganjung diri dikeleseka orang kelebih agi dalam pekit tauka lumba. Chunto: Dom nya ambi ke asi bari orang, semata enggai enda ngambi bagi ba lumba nya, iya endang nemu diri enda laju belanda. ambi ke empa tunu Indu dara ti diambi nyadika sulu semina semalam aja. Chunto: Igat nya ukai ati bendar nundi sida ke dara, semina ambi ke empa tunu iya aja enti bala sida nya bisi deka ke iya lagi. ambi ke pemakai orang Ngambi diri dikemelika orang ketegal nadai pemandai. Chunto: Iya nya nabak kediri kia ambi ke pemakai orang enda nemu diri nadai pengelandik ngelaban orang. ambi ke ulun orang Nganjung diri diperinsaka orang ngereja pengawa. Chunto: Iya nya ambi ke ulun orang enti bebini nguai ngagai bilik sida nya laban sida sebilik bela enggai gawa magang-magang. ambi ke umpan alir Ngereja pengawa ti tau nganu nyawa tang endang nadai pulai ke penguntung ngagai diri empu. Chunto: Makam nya ambi ke umpan alir bala Along aja, dini nya bisi penguntung iya gawa enggau sida. ambi ke sempun (lumpung tenggau) orang Nguluka orang ngayap tang iya empu ngenatka diri nempukul sebelah ruai nganti orang ti pulai. Chunto: Kasih tudah Ajong semina ambi ke sempun orang, enda datai ba sida ke dara. anang ngerabu jelu di puch uk kayu Anang ngiruh diri ngereja pengawa ti apin temu pengujung. Chunto: Anang guai enggau orang ngerabu jelu di puchuk kayu dulu mih enti pengawa bedau bebatang, ila tak rugi ngapa abis duit abis tulang.


58

Sempama

anang manjun g di pala wung, anang ng angau di kaki rantau. Anang guai gaga enti utai apin ulih tauka pengawa apin tembu. Chunto: Ba peresa SPM tu, anang guai manjung di pala wung, anang guai ngangau di kaki rantau seagi-agi pemutus peresa nya apin ditemu kita. datai kair manuk Penyauh tauka seraka endur ti datai manuk bemain. Chunto: Semua tanah ke enda datai kair manuk ari rumah kitai tu deka alai muka kebun sayur magang. datai kain Maya sida ke indu ti udah chukup umur betukar sumbuk muai darah kutur dalam tubuh sida. Chunto: Endu baru datai kain nya alai indai iya kiruh amat nyeridika iya. datai tikau Penyauh tauka seraka endur ti ulih datai tikau. Chunto: Langkau Aya Damu datai tikau ari jalai besai semina ke lindung madang buah alai enda dipeda ari jalai. dinga kukuk manuk Penyauh tauka seraka endur ti ulih didinga kukuk manuk. Chunto: Dini nya bisi jauh ngagai kebun sida Jang dinga kukuk manuk enda berasai alai datai kita ba pendai sida. dinga kangau Penyauh tauka seraka endur ti ulih didinga kangau Chunto: Dunju endur kami bemalam ngibun rian kira-kira didinga kangau ari enggi pangan diri, nya ngasuh nadai berasai takut. dinga panjung Penyauh tauka seraka endur ti ulih didinga panjung. Chunto: Kebun aku enggau umai Aki Igat kira dinga panjung mih nya. enda alah i. Enda ulih kereja laban pengawa nya kelalu berat. ii. Enda abis empa laban kelalu mayuh. iii. Penyampau utai ngelui ari jangka.


59

Sempama

Chunto: i. Enda alah kereja seminggu pengawa di umai din baka ke nadai mayuh. ii. Pemakai ti disediaka sida enda alah empa laban tubuh kami nadai mayuh. iii. Selama sigi dua rian labuh tang pagi tu enda alah ke dua puluh igi. enda ampit kemarau Laun ngatur diri belaki tauka bebini. Chunto: Sida nya menyadi bela tak enda ampit kemarau nya alai tak berupai puang bilik sida laban nadai tubuh. enda anchi-anchi Kelalu mayuh, lunggar, nadai betagang tauka nadai betatak. Chunto: Bala nembiak ti kereja ke menua tasik amat bulih tang tak enda anchi-anchi pengerua enggau duit, ukai semara siku nyau deka semua ti bakanya. enda angkat kaki Manuk sabung ti enda tebalaska diri lebuh bebintih. Chunto: Manuk Aya Igam enda angkat kaki ngelaban enggi Janggu. enda ati Nadai betati deka. Chunto: Aku sigi enda ati enggau sida Igat begiga ke Ulu Batang Ai tadi. enda bebah-bah Nadai betimpuh tauka ngenyit ngereja pengawa. Chunto: Suntuk amat pengawa kami sebuat laban tuai rumah tak enda bebah-bah mai bala mayuh nirika rumah baru. enda jejena Ukai mimit-mimit, ukai alang-alang tauka nadai alai nyema. Chunto: Aku baru meda pengerami regata di Marudi, amat enda jejena mensia ti datai kia enda ngipak ke menua ngemit nya. enda jurus Jai burung. Chunto: Kami enda nyadi bumai di Sg. Ridan laban lebuh nganjung panggul suba aku bisi enda jurus.


60

Sempama

enda kungang Enda tedaya ngereja pengawa ketegal enda pengerai tauka enda chukup tubuh. Chunto: Kami duai ibu nuan nyau enda kungang ngereja pengawa agi laban tating pemedis diatu. enda lantang Jai mimpi. Chunto: Indai enda turun sahari tu laban iya enda lantang demalam. enda menchelak mata Apin nemu pemansang. Chunto: Sida serumah lalu apin menchelak mata meda anak orang rumah bukai besekula tinggi datai ngagai universiti. enda nemu langit runtu h Rindang majakka pengawa diri, nadai ibuhka pengawa orang. Chunto: Igat nya endang enda nemu langit runtuh laban enti iya udah gawa sigi nadai berundingka utai bukai agi. enda nyamai ati Irau tauka bisi belabaka pekara ti enda manah nyadi. Chunto: Kami bisi enda nyamai ati meda iya lalu enda datai-datai laban udah jauh ngelebus jam semaya enggau kami. enda nyamai isi Tabin. Chunto: Aki Ikul enda nyamai isi nya alai iya nadai dipeda duduk di ruai lemai tu. enda ninga beduk Enda ninga gerah tauka rita orang. Chunto: Laban ke diau di ulu sungai kami serumah tu suah enda ninga beduk nya alai suah bendar enda ampit berita pemansang dunya. enda tiris t apa jari Orang ke cheremat enggau duit (belanja) Chunto: Indai Dara sigi enda tiris tapa jari nya alai iya bisi duit simpan kena bala anak iya besekula datai ngagai universiti.


61

Sempama

LUMPAR KESEMILAN

Penerang: Ba lumpar tu, sepama diaraka semina disempulang enggau reti tauka penerang aja. Pengajar enggau nembiak dipinta berundingka chunto ayat ti patut nitihka pansik tauka runding sida iya empu. Anang mantah ti ngkah laban iya end ang tebiang, Anang muji tansang burung kanji taja iya tuc hi kapas magang, Anang bejai tudah jani meda iya mandi ba ai pelangkan belang, Anang ket awaka sarang buru ng puna taja iya ens ara semina rangkang. Reti: Anang ketawa tauka bejai gamal orang siku-siku laban kitai enda nemu pengelandik, pemandai tauka pangkat orang nya. Baka wi tampung t ali, baka rutan tampun dadan Reti: Nitih turan kenyau ari kelia menya datai ke sahari tu. Buah ubi laun dikali buruk di pun, Buah empasa laun d iempa lunggar t aun. Reti: Penemu tauka pengelandik ke dikembuan siku-siku mensia enti enda dipekunsika enggau orang bukai endang sigi nadai guna laban iya deka lenyau enti orang nya udah nadai agi. Enda ulih tub ai sungai enggau lia, Enda ulih t ebang t apang enggau lu ngga, Enda ulih timba perau enggau tapa, Enda ulih tanjak wung enggau penimb a. Reti : Pengawa enda ulih kereja enti nadai pemandai tauka pengelandik ke chukup kena napi pengawa nya. Udah ga aruk di pukung enggau alung, Udah ga labuh di panggung enggau lesung. Reti: Pengidup endang sigi udah merinsa, agi ga ditambah enggau penusah bukai . Semalau nampung lachau, Tawak nampung begau. Reti: Berita ke apin temu pengamat tang udah dulu ditampung bala mayuh. Bahagian Pembangunan Kurikulum Kementerian Pelajaran Malaysia © KPM 2008

62

Sempama

Ikak lelanggak ikan enda ngaban, Kudi m emuri hari enda ujan. Reti: Indu ngisin diri deka ke lelaki tauka lelaki ngisin diri deka ke indu tang orang ti dikedekaka iya nya enda nemu diri tauka endang sigi nemu tang enggai ibuh. Udah ga chelum agi ga digelint um Reti: Gamal ga sigi jai ditambah enggau ulah ti enda manah nya ngasuh jai agi. Chit bekutu, mayau betebu (sama enggau sempama rara berunai ) Reti: Tuai ti ngatur laya orang, ati iya bisi berat ke sepiak nya alai pemutus ti ditentuka iya bisi pengerunggang. Bekikis bul u betis, bebuai bulu gund ai Reti: Senaka ulih ngereja pengawa enda ngira pengerugi enggau pengelelak amat ga tepantup ba juluk tauka niat ati. Kunchit dit isi l angit deka ditunu, Rusa dikaki tangga enda diemparu. Reti: Ngelelak diri ngereja pengawa ba endur ti jauh sereta apin temu ulih tang pengawa ti endang udah ditemu meri penguntung ba endur diri empu ke diau enda dikereja. Baka pipit ke deka nelan buah embawang, Baka empitu ke deka terebai napat kenyalang. Reti: Ngemalu sereta ngenusahka diri deka ngereja pengawa ti endang ukai tangkup tauka ungkup diri empu. Baka tapang wan rembi a, Baka lubuk bi si b aya. Reti: Indu ti udah ditunang orang. Ragak riang enti dipansuh enda bulih seputung munti . Reti: Kerah-kerah ngapa madahka pengelandik tauka pemandai diri tang lebuh diasuh ngereja pengawa tak nadai penunga-nunga.


63

Sempama

Enda ulih d egika tali basah, Enda ulih duduk ka mangkuk belah. Reti: Nadai guna ngelamun penyalah taja pen orang ke salah nya kaban belayan tauka diri sebilik laban lama laun penyai iya tetap ditemu orang mayuh. Baka buah ilang-ilu, dit elan m ati apai, Dilua mati ind ai. Reti: Mar ngaga pemutus runding laban pengawa nya enti dikereja mai penanggul enti enda dikerja tau mai pengerugi. Ngenung baka empelekung m abuk ambuh, Ngetu b aka puyu mabuk keruh. Reti: Temati kutu. Enda nemu tunga tauka enda ulih ngaga pemutus runding. Untung bulih b eliung enda ngambuh, Betuah bulih peredah enda ningku h. Reti: Mudah tauka muntang bulih pemisi tang ukai ari pengeras ati ngereja pengawa tauka ulih tulung urat diri empu. belakang bung kuk di asuh ngema pintu, lengan singkung diasuh beban alu. Reti: Ngasuh orang ti nadai pengelandik tauka pemandai ngereja pengawa. Kijang nyu ngkah ragai rebah, Kijang manjung punggu pumpung. Reti: Maya kitai mansa, maya nya ga orang tuntung penusah. Nadai runggang baka pengedang mata kati, Nadai lili h baka benih padi wi . Reti: Atur tauka pemutus ti nadai bechiping tauka nadai ngarika ari sepiak-sepiak. Di Rajang baka di Lundu, Din pen baka ditu. Reti: Enti endang udah ngelusu ba menua diri ba menua orang pen ngelusu.


64

Sempama

Mantap bemban batu ng emalu m ua diri empu, Mantap bemban ai ngemalu m ua diri. Reti: Nyebar mua diri ketegal ti bisi pekara deka disebut tauka ditusui enggaika pekara ke disebut nya tau ngemediska ati orang ti ninga. Orang Engkari madahka diri nadai besi dinga besahai-sahari bekumbuhka duku, Orang Skrang m adahka dir i nadai pin ang peda bekechinang di b aruh dagu, Orang Julau madahka diri nadai semakau peda bekeliau ga api ruku. Reti: Belalaika pemisi tauka pemandai diri tang iya ke bendar orang nya endang bisi ngembuan pemisi tauka pemandai. Rarika kabut tetemuka ujan, Rarika su ngkup tetemuka pendam, Reti: Penusah tauka penanggul ti enda ulih diseliahka, nadai alai ngelipak kia-kia kena tinggang penusah. Rumah pandak enda kala dientakka guyak pagar api, Rumah panjai enda kala dilempaika tambai penti pemali. Reti: Jaku sebar orang ti beempu rumah ngelaluka temuai ngambika temuai enda sanggu niki. Tunsang ketupang bu ngai lenga, Bekalih l apis ribi s ma. Reti: Orang ti dipaduka ngereja pengawa nyebar diri empu laban iya ngasaika diri ukai orang ti patut ngereja pengawa nya tang laban ari asuh tauka tuduh bala mayuh iya enggau ati ti baruh nerima pengawa nya. Enti mayuh su ngai anang mayuh pansai, Enggaika pejalai kitai tepejuh, Enti mayuh ai anang mayuh si di, Enggaika dulu nemu pengeruh, Enti mayuh kayu anang mayuh ambik a ramu, Enggaika kitai dul u ensepi pengiruh. Reti: Ngereja pengawa anang enda enggau sepematut sereta nitihka ungkup diri enggaika enti kitai kelalu luba, amu tauka nangkup iya ke ukai patut tangkup diri enggaika kitai tau bulih pemalu, pengiruh tauka penusah.


65

Sempama

Panjai sungai panjai ga deka dipansai, Dini enda ila berupai bebali keruh, Lansau rantau lansau ga deka dikeregau, Dini enda ila lunyau nyadi ambuh . Reti: Kelalu deka bejaku tauka kelalu silik utai ditusui, nya alai ke pengujung-ngujung bisi pansut pemula. Penyalah or ang Batang Ngemah embi k e orang Batang Mapai, Penyai orang Batang Ai embi ke orang Ensengai. Reti: Penyai diri beri ngagai orang bukai tauka lain orang ti ngereja pengalah lain orang ke dipejai.


66

Sempama

SANDING PENEMU Asmah Hj. Omar(1981). The Iban Language of Sarawak : A Grammatical Description. Kuala Lumpur: Dewan Bahasa dan Pustaka Bennedict Sandin (1964) Raja Durong. Borneo Literature Bureau: Kuching Sarawak Curtis W. Hayes, Jacob Ornstein, William W Gage (1977). ABC’s of Languages and Linguistics. Maryland, Silver Spring: Institute of Modern Languages, Inc. David Singleton (2000). Language and the Lexicon, An Introduction . Oxford University Press New York. Hussein Jamil & Henry Gana Ngadi (1989) Kamus Bahasa Iban- Bahasa Malaysia. Kuala Lumpur: Dewan Bahasa dan Pustaka. George Lakoff and Mark Johnson (1980). Metaphors We Live By. University of Chicago Press. Gonzales, A (1987). Discourses Across Cultures . Englewood Cliffs, NJ:Prentice Hall. Janang Ensiring and Robert Menua (2006). Jaku Dalam. Tun Jugah Foundation: Kuching Sarawak John Saeed (2003) Semantics. Wiley –Blackwell Press. Lambert, W. (1974) Culture Factors in Learning. Washington State College

Bellingham:

Western

Otto Steinmayer (1999) Jalai Jako Iban. Klasik Publishing House: Kuching Sarawak. Pusat Perkembangan Kurikulum Kementerian Pelajaran Malaysia.

(2007).

Sistem

Jaku

Iban

di

Sekula:

Richards, Anthony (1966). Leka Main Iban. Borneo Literature Bureau Kuching Sarawak. Richards, Anthony (1981). An Iban-English Dictianary. Oxford University Press. Scott, N.C. (1956) A Dictionary of Sea Dayak. School of Oriental Studies, University of London.


67

Sempama jaku iban

Recommend Documents