PASIUNA
Kining bag-ong tamdanan o giya sa Katilingbang Pag-ampo gihikay sa Diocesan Liturgical Commission alang sa pagsaulog sa Adlaw’ng Domingo ug lain nga mga Piyesta Iglilihi sama sa Disyembre 8, 25, ug Enero 1.
Makita usab dinhi ang mga Rito sa nagkalainlaing Liturhiyanhong Panahon sama sa Adbiyento, Pasko sa Pagkatawo, Kwaresma ug Pasko sa Pagkabanhaw. Makita usab dinhi ang mga Rito sa Pagsaulog sa Adlawn’g Natawhan
(Birthday), Sumad sa Kasal (Wedding Anniversary), u gang Paglubong sa Minatay (Funeral Service).
I.
PAG-ANDAM 1. Kinahanglan hinlo-an ang kapilya kapilya u gang mga dayan-dayan ipahimutang na sa ilang dapit sa Sabado sa hapon o sayo sa buntag sa Domingo. 2. Ang mga kagamitan nga kinahanglanon ipahimutang na sa ilang dapit. MGA KAGAMITAN a. Altar b. Lingkuranan sa Alagad ug sa mga magbabasa c.
Ambo (Basahanan, Lectern, Podium)
d. Tamdanan o giya sa Katilingbanong Pag-ampo e. Leksyonaryo o Biblia f.
Upat ka kandila ug posporo
g.
Duha ka lamisita alang sa mga halad -
Ang usa ibutang atubangan sa mga halad
-
Ug ang laing lamisita ibutang duol sa pultahan para butangan sa mga butang nga ihalad
h. Mga kopya sa alawiton i.
Puti nga panapton alang sa Altar ug mga lamisita
j.
Sound system (kon duna, labing maayo)
k.
Mga tulonggon nga iduyog sa mga pag-awit
l.
Mga basket para sa kolekta
m. Corporal 3. Sapot sa Alagad ug mga magbabasa Hinlo ug angay ang pamisti sa Alagad ug sa mga magbabasa. (Polo barong o puti nga polo, sapatos nga panit o guma. Guidili gayud sa Alagad ang pagtsinilas panahon sa K.P.) 4. Mga katabang sa Alagad sa panahon sa Katilingbanong Pag-ampo: a. Duha ka magbabasa: para sa nahaunang pagbasa ug sa ikaduhang pagbasa. b. Cantor – nga mao ang mag- “chant” sa Salmo Responsoryo (Apan kung walay cantor, puede ang usa ka magbabasa mao ang mobasa sa Salmo Responsoryo.) c.
Song leader/ Choir leader
d. Mga magduduyog e. Duha ka magdala sa mga dinagkutan nga kandila (prosisyon sa pagsugod)
f.
Duha – magdala sa dinagkutan nga kandila (prosisyon sa paghalad)
g.
Ang magtigum sa halad ug magdala niini ngadto sa Altar sa panahon sa paghalad. (Mahimo duha gihapon)
h. Duha – magdala sa mga bulak panahon sa paghalad. II. PAAGI SA PAGSAULOG 1. RITO SA PAGSUGOD a. Gikan sa pultahan ang Alagad, mga Magbabasa, ang magdala sa kandila, ang magdala sa Krusipiho magprosisyon ngadto padulong sa Altar. 1. Mag – una ang nagadala sa Krusipiho (Center aisle) 2. Ang nagadala sa duha ka dinagkutan nga kandila (side by side sa nagadala sa Krusipiho) 3. Ang usa ka Magbabasa mobayaw sa Leksyonaryo samtang magprosisyon (Center aisle) 4. Ang laing Magbabasa uban sa Cantor moabay sa isigkakilid sa Magbabasa nga nagadala sa Leksyonaryo. 5. Ang Alagad mao ang maulahi sa prosisyon. b. Pag-abot sa atubangan sa Altar, ang matag-paris moyukbo sa Altar gawas sa nagadala sa Krusipiho ug sa Leksyonaryo c.
Ang krusipiho ipahimutang sa usa ka kilid sa Altar, o sa kilid sa Tabernakulo.
d. Ang mga kandila ibutang sa isigkadaplin nga bahin sa Altar, unya mobalik sila ug mouban sa katawhan (motampo sa katawhan) e. Ang Leksyonaryo ipahimutang sa Altar. Dili ablihan. f.
Ang Alagad moadto sa iyang lingkoranan ug magsugod sa pag- ingon: “Sa ngalan sa Amahan + ug sa Anak ug sa Espiritu Santo.”
2. KASAULOGAN SA PULONG a. Sa pagsugod sa Kasaulogan sa Pulong (o mga Pagbasa), ang Alagad moadto sa Altar, kuhaon ang Leksyonaryo ug hagkan, ibayaw niya kini nga nag-atubang sa mga tawo samtang ang katilingban magpasidungog niini sa kahilom. Ihatag sa Alagad ang Leksyonaryo ngadto sa unang Magbabasa nga nagtindog ug nagahulat na atubangan sa ambo. Mobalik ang Alagad sa Iyang lingkoranan, ug-ang magbabasa moadto sa ambo kon basahan aron pagbasa sa Pulong. b. Kantahon sa Cantor ang Salmo Responsoryo. c.
Ang Magbabasa sa ikaduhang pagbasa moadto sa ambo ug magbasa.
d. Ang Ebanghelyo. Ang Alagad motindog ug moadto sa ambo aron mobasa sa Ebanghelyo ug sa Komentaryo o Homily. Ang pamalandong himoon human sa komentaryo o Homily. e. Human sa pamalandong, ipahayag ang NAGATUO AKO ug ampo-on ang mga Pangamuyo alang sa tanan o Pag-ampo sa mga Kristianos.(Nga makita sa Mag-ambahan) Ang katilingban gidasig sa pagsalmot sa mga pangamuyo. f.
Human sa mga Pangamuyo, ibalik sa Alagad ang Leksyonaryo didto sa ibabaw sa Altar, ug mobalik sa iyang lingkoranan. Apan, kun adunay pangalawat, ibilin ang Leksyonaryo sa ambo.
3. PAAGI SA PROSISYON SA PAGHALAD a. Motindog ang Alagad atubangan sa Altar aron pagdawat sa mga halad. b. Ang mga maghahalad moprosisyon paingon sa Altar:
1. Duha – magdala sa dinagkutan nga kandila 2. Duha – magdala sa mga bulak 3. Mga tawo nga magdala sa ilang halad Ang duha ka kandila ipahimutang sa lamisita atubangan sa Altar, ingon man ang bulak ug mga gasa. 4. PAG-AMPO SA PAGDAYEG UG PAGPASALAMAT a. Ang himno o awit sa paghalad, awiton lamang sa panahon sa prosisyon. b. Dawaton sa Alagad ang mga halad didto sa atubangan sa Altar. c. Ang Pag-ampo sa Pagdayeg ug Pagpasalamat himoon sa Alagad didto sa iyang lingkoranan. d. Sa Rito sa Pagkalawat magtindog ang Alagad duol sa Altar (sa luyo nga dapit dili sa atubangan) 5. RITO SA PAGTAPOS a. Himoon kini sa Alagad didto sa iyang lingkoranan. b. Sa panahon sa panalangin, manguros siya dungan sa pag- ingon: + Sa ngalan sa Amahan… c. Ang mga pahibalo kinahanglan inandam na, Klaro ang mga impormasyon ug basahon sa tin-aw nga paagi. d. Human sa pahibalo, awiton ang awit sa pagtapos. Hinaut unta ang kining maong tamdanan makapalambo sa atong pag-ampo, makadayeg ug makahimaya sa atong Langitnong Amahan.
************
PANAHON SA ADBIYENTO
I.
RITO SA PAGSUGOD 1. PROSISYON Alagad
: Palihog manindog kita ug atong awiton ang awit sa pagsugod. ( Awiton ang awit sa pagsugod samtang magprosisyon ang mga magbabasa uban sa Alagad.)
2. PAG – ABIABI Alagad
: + Sa ngalan sa Amahan, ug sa Anak, ug sa Espiritu Santo.
Tanan
: Amen.
Alagad
: Ang atong Ginoo mianhi na sa kalibutan sa unang higayon sa dihang natawo Siya pinaagi sa inahan nga Birhen didto sa Bethlehem. Mipuyo Siya uban kanato. Alang kanatong mga makasasala, nag-antus ug nagpasakit Siya sa krus, namatay ug nabanhaw. Misaka Siya sa langit ug misaad nga mobalik Siya aron pagdala kanato ngadto sa hingpit nga kaluwasan nga mao ang Iyang gingharian sa langit. Ang atong pagsaulog sa Iyang mga pulong karon, mao ang atong pagpadayag sa atong malaumon nga pagpaabot Kaniya. Moanhi unta Siya sa atong tagsa-tagsa ka kasingkasing ug magpabilin kanunay dinhi kanato.
Tanan
: Hinaut pa unta.
Alagad
: Moanhi unta Siya sa atong tagsa-tagsa ka kasingkasing ug magpabilin hangtud sa kahangturan.
Tanan
: Hinaut pa unta.
Alagad
: Aron mahimo kitang angayan sa pagsaulog niining atong katilingbanong pag-ampo uban sa pagsaulog sa Pulong sa Dios, hinumduman nato ang atong pagkamasalaypon ug atong pangayoon ang pasaylo ug kalooy sa Dios (Hilom) (Kining mosunod mahimo basahon o i-chant. Mahimo usab gamiton ang usa sa mga nagkalain-laing porma sa KYRIE) O Balaang Pulong, mianhi Ka sa kalibutan, apan ang kalibutan wala moila kanimo. Ginoo kaloy-I kami.
Tanan
: Ginoo, kaloy-I kami.
Alagad
: Mianhi Ka kanamo aron pagluwas kanamo pinaagi sa kahayag sa Imong pagtulon-an. Kristo kaloy-I kami.
Tanan
: Kristo, kaloy-I kami.
Alagad
: Ikaw nga anaa kanunay uban sa katawhan, apan nagdumili kami pag-ila Kanimo diha
kanila. Ginoo, kaloy-I kami. Tanan
: Ginoo, kaloy-I kami.
Alagad
: Kaloy-I kami Ginoo ug pasaylo-a kami sa tanan namong kalapasan. Agaka kami niining kinabuhing dayon.
Tanan
: Amen. ***(Aron dili madoble, dili na awiton ang “Kaloy-I Kami, Ginoo” o ang “KYRIE.” Walay Himaya sa Dios sa Panahon sa Adbiyento)
3. PASIUNANG PAG-AMPO Alagad
II.
: Mag-ampo kita. (Gamiton ang Pasiunang Pag-ampo nga anaa sa Mag-ambahan)
PAGBASA SA PULONG SA DIOS (MGA BASAHON) 4. UNANG PAGBASA Alagad
: Manglingkod kita ug atong paminawon sa tumang pagtahud ang pulong sa Dios.
Magbabasa
: Ang pagbasa gikan sa . . . Ang Pulong sa Ginoo.
Tanan
: Salamat sa Dios.
Alagad
: Maghilom kita makadiyot aron sa pagpamalandong sa pulong sa Dios. (Hilom)
5. SALMO RESPONSORYO Cantor o Mababasa
: Salmo responsoryo, ang tubag . . . (Basahon o i-chant ang tubag sa katawhan ug ipadayon ang pagbasa o ang pag-chant sa mga berso.)
6. IKADUHANG PAGBASA Magbabasa
: Ang pagbasa kinutlo gikan sa . . . Ang pulong sa Ginoo.
Tanan
: Salamat sa Dios.
Alagad
: Maghilom kita makadiyot aron sa pagpamalandong sa pulong sa Dios. (Hilom)
7. PAGPASIDUNGOG SA EBANGHELYO Alagad
: Manindog kita ug atong awiton ang Aleluya.
8. EBANGHELYO Alagad
: Ang Ebanghelyo sumala ni . . .
Tanan
: Himaya-on Ikaw Ginoo
Alagad
: Ang Ebanghelyo sa atong Ginoo.
Tanan
: Daygon Ikaw O Kristo.
9. KOMENTARYO Alagad
: Manglingkod kita ug maminaw sa Komentaryo nga makatabang kanato sa pagsabot sa pulong sa Dios nga atong nadungog. (Basahon ang Komentaryo nga gikan sa parokya o ang Wali ba kaha sa Kura Paroku kung nakahatag siya. Mahimo usab nga ang alagad mohatag ug mubong wali.
10. PAGPADAYAG SA PAGTUO Alagad
: Manindog kita ug atong ipadayag ang atong pagtuo.
Tanan
: Nagatuo . . .
11. PANGAMUYO ALANG SA TANAN (PAG-AMPO SA MGA KRISTIYANOS) (Ang pangamuyo nga inandam sa parokya mao ang gamiton, kung duna; apan kung wala, gamiton ang mga pangamuyo nga Makita sa Mag-ambahan. Gidasig usab ang katawhan sa pagpadayag sa ilang kinaugalingong pangamuyo. Lima ngadto sa pito ra ka pangamuyo. Una, alang sa t ibuok Simbahan uban sa Santo Papa, sa Obispo ug kaparian; ikaduha, alang sa nasudnong mga pangulo; ikatulo, alang sa lungsudnong mga pangulo; ika-upat, alang sa parokya; ikalima, alang sa “particular need”; ika -unom, alang sa bokasyon sa pagkapari o pagkareliyehoso; ikapito, alang sa mga minatay.)
III.
PAG – AMPO SA PAGDAYEG UG PAGPASALAMAT 12. PAGTIGOM SA MGA HALAD Alagad
: Manglingkod kita. Human sa atong pagpangamuyo sa Amahan. Siya atong halaran sa atong kasingkasing ug kalag, sa atong mga t inguha, mga kalipay ug mga kasakit nga gitiman-an sa atong mga gasa. (Samtang ginahimo ang pagtigom sa mga gasa mahimong mag-awit sa imno nga haom sa tema o sa panahon sa kasaulogan.)
13. PROSISYON SA PAGHALAD (Ang mga halad nga natigom, iprosisyon ngadto sa Altar. Kini pagadawaton sa Alagad.)
14. PAG-AMPO SA PAGPASALAMAT
Alagad
: Manindog kita. Amahan nga maloloy-on, sukad pa sa sinugdan sa kalibutan, Imong gilaraw ang pagluwas kanamo gikan sa kaulipnan sa sala pinaagi sa pagdala kanamo sa Imong bugtong Anak. Niining tungora kami nga puno sa kalipay, buot magpasalamat Kanimo sa kanunay hangtud sa kahangturan. Tungod sa kahayag sa adlaw ug sa katahum sa kalangitan, tungod sa kat ambok sa among yuta, ug tungod sa kaadunahan sa among kadagatan, tungod sa k abaskog ug kalagsik sa among lawas, ug sa kalipay ug kasakit niining kalibutan. Ginoo salamat Kanimo.
Tanan
: Ginoo, salamat Kanimo.
Alagad
: Tungod sa Imong pagluwas kanamo gikan sa daghang katalagman ug tungod sa Imong Amahanong pag-amoma kanamo. Ginoo, salamat.
Tanan
: Ginoo, salamat Kanimo.
Alagad
: Ginoo, tungod sa Imong paglamdag kanamo pinaagi sa Imong pulong ug tungod sa Imong pag-agak kanamo pinaagi sa Espiritu Santo ngadto sa dalan sa katarung ug gugma. Ginoo, salamat.
Tanan
: Ginoo, salamat Kanimo.
Alagad
: Tungod sa Imong pagpadala kanamo sa Imong bugtong Anak, nga among Manluluwas nga magadala kanamo ngadto sa kinabuhing dayon. Ginoo, salamat.
Tanan
: Ginoo, salamat Kanimo. *** (Dinhi mahimo isunod ang “special” nga pasalamat kung duna.)
Alagad
: Amahang Langitnon, ang Imong kalo-oy ug gugma kanamo walay kinutuban. Uban sa dakung paglaum nagapaabot kami sa pag-anhi sa Imong Anak, kay Siya ray makaluwas kanamo gikan sa among kahuyang ug sa among kalapasan. Mahinangpon usab kami nga nagapaabot sa adlaw sa Paghukom, kanus-a Iyang dad-on ngadto sa kinabuhing walay katapusan ang tanan nga mituo, misalign, mihigugma ug mi-alagad Kaniya. Hinaut unta nga didto sa langit magapadayon kami sa pagdayeg, pagpasalamat, pagsimba, pagpasidungog ug paghimaya Kanimo sa walay katapusan. Kini among gipangayo pinaagi ni Kristo, among Ginoo.
Tanan
: Amen.
15. PAGHANDUM SA SANTOS NGA MISA Alagad
: O Dios, among Amahan, niining Adlaw nga balaan, angayan ug takus gayud nga kami magkatigom aron sa pagsaulog sa mga Misteryo sa among kaluwasan, nga gihatag Mo kanamo pinaagi sa pagpasakit, pagkamatay ug pagkabanhaw sa Imong bugtong Anak, si Jesu-Kristo, among Ginoo. Gi-ila namo nga ang labing hingpit nga paagi sa pagsaulog niining Adlawng igpapahulay mao man unta ang Sakripisyo sa Santos nga Misa, ng a gihalad ni Ginoong Jesus sa
makausa didto sa Bukid sa Kalbaryo. Apan wala kami’y pari karon dinhi ni sa mga kasikbit nga dapit. Busa, bisan diha na lamang sa among panagtigom, sa pagsaulog sa Imong pulong (ug sa among pagkalawat), among mapadayag ang among kinasingkasing nga pagsimba ug pagpasalamat sa Imong pagluwas kanamo.
Nagasaulog kami karon niining Adlawng igpapahulay uban sa tibuok Simbahan nga lukop sa kalibutan, uban ni ____________, among Papa, ni __________ among Obispo ug sa tanang mga pari labi na ni Padre ________, among Kura Paruko. O Amahang Langitnon, ipadayon ang Imong pagdasig ug paglig-on kanamo sa pagtuman sa Imong kabubut-on samtang nagapaabot kami nga mahinangpon sa pag-anhi sa among pariaron makasaulog kami uban kaniya sa mga balaang misteryo sa among kaluwasan. Kini among gipangayo pinaagi ni Kristo Among Ginoo. Tanan
: Amen.
16. PANGALAWAT (Kon dunay pagkalawat. Kuhaon ang balaang Sakramento ug ibutang sa ibabaw sa Altar nga may Corporal. Ang tanan magpabilin nga nagtindog uban sa tumang kahilom. Kon walay pagkalawat, diretso na sa pag-ampo sa PAG-AMPO SA ATONG GINOO kon ANG AMAHAN NAMO.)
17. PAG-AMPO SA ATONG GINOO kon AMAHAN NAMO Alagad
: Karon mag-ampo kita sa Amahan, atong gamiton ang mga pulong nga gitudlo kanato sa atong Manunubos. (Mahimo i-chant)
Tanan
: Amahan namo . . . hinono-a luwasa kami sa dautan.
Alagad
: Luwasa kami Ginoo sa tanang dautan. Hatagi kami sa Imong kalinaw. Lig-ona kami ug tabangi sa tanan namong panginahanglan, kay kami nagapaabot man sa Imong mahimaya-ong pagbalik.
Tanan
: Kay Imo man ang ginghari-an, ang gahum u gang himaya, hangtud sa kahangturan.
18. TIMAAN SA PANAGDAIT Alagad
: Amahan nga maloloy-on, ipadala kanamo ang Espiritu Santo, nga maglilipay, ang Imong gasa sa gugma ug pasaylo, aron magkahiusa kaming tanan diha sa pagtinahuray ug pagtinabangay diha sa pagsangyaw sa Imong ginghari-an sa katarung ug gugma. Ug kon ugaling ang mga panaglalis ug pagsumpakiay nakapahilayo kanamo gikan Kanimo ug sa usa’g usa, tabangi kami sa pagpakig-uli pinaagi sa pagpinasaylo-ay. (Ngadto sa mga tawo moingon siya:) Atong ipakita ang timaan sa panag-inigsuonay. (Human sa pagbinayloay sa kalinaw, mosunod ang Pagkalawat. Moluhod ang katawhan. Ang alagad magtindog duol sa Altar, magtahud magkuha og usa ka Hostiya, ipakita sa katawhan ug iyang dapiton ang tanan sa pag-ingon:)
Alagad
: Mao kini ang Kordero sa Dios nga nagawagtang sa sala sa kalibutan. Bulahan kita nga gidapit sa Panihapon sa Ginoo.
Tanan
: Ginoo, dili ako angay mokalawat Kanimo, apan ipamulong lamang ug mamaayo ako. (Ang Alagad magpakalawat atubangan sa Altar. Ang katawhan nga mangalawat magporma og duha ka linya ug magprosisyon paingon sa Alagad. Sa matagtawo nga mokalawat moingon siya: “Ang Lawas ni Kristo.”)
Alagad
: Ang Lawas ni Kristo.
Ang mokalawat
: Amen.
19. PAG-AMPO HUMAN SA PAGKALAWAT (Gamiton ang pag-ampo human sa pangalawat nga anaa sa Mag-ambahan) IV.
RITO SA PAGTAPUS 20. ANG KATAPUSANG PANALANGIN Alagad
: Hinaut unta nga ang panalangin sa Makagagahum nga Dios, ang + Amahan, ug ang Anak, ug ang Espiritu Santo mokunsad ug mopabilin kanatong tanan hangtud sa kahangturan.
Tanan
: Amen.
21. MGA PAHIBALO (Ang mga pahibalo kinahanglan andamon nang daan sa Alagad aron hapsay ang iyang pagbuhat niini.)
22. AWIT SA PAGTAPUS (KATAPUSANG AWIT.)
PANAHON SA PASKO SA PAGKATAWO SA ATONG GINOO
I.
RITO SA PAGSUGOD
1. PROSISYON Alagad
: Palihog manindog kita ug awiton nato ang awit sa pagsugod. (Awiton ang awit sa pagsugod samtang magprosisyon ang Alagad uban sag ma katabang.)
2. PAG-ABIABI Alagad
: Sa ngalan sa + Amahan ug sa Anak ug sa Espiritu Santo.
Tanan
: Amen.
Alagad
: Ang Pulong sa Dios nahimong Tawo ug mipuyo uban kanato. Hinaut unta nga ang Pulong sa Dios kanunay’ng maanaa kanatong tanan.
Tanan
: Hinaut pa unta.
Alagad
: Karong adlawa (gabhi-ona, panahona) atong gisaulog ug gihandum ang pagkatawo sa atong Manunubos. Nagpakatawo Siya sa pasungan dili sa palasyo, aron paghatag kanato’g panig-ingnan sa pagkamapaubsanon. Siya mao ang Pulong sa Amahan nga nahimong Tawo ug mipuyo uban kanato. Kining maong mga kamatuoran atong palandungon sulod ning atong Katilingbanong Pag-ampo.
3. PAGPANGAYO OG PASAYLO Alagad
: Ginoong Jesu-Kristo, Ikaw man ang kahayag nga mianhi niining kalibutan. Tungod sa among mga sala, nahimo kaming buta ug bungol sa Imong mensahe. Busa kinasingkasing kami nangamuyo Kanimo sa pagpasaylo sa among mga kalapasan.
Tanan
: Nagakumpisal ako sa Dios nga makagagahum sa tanan…
Alagad
: Kaloy-I kami Ginoo ug pasaylo-a kami sa tanan namong kalapasan. Agaka kami niining kinabuhi ug dad-a kami sa kinabuhing dayon.
Tanan
: Amen. ***(Awiton ang KYRIE kon ang GINOO, KALOY-I KAMI)
4. HIMAYA SA DIOS Tanan
: Himaya sa Dios didto sa langit. . .
5. PASIUNANG PAG-AMPO Alagad
: Mag-ampo kita. (Gamito ang Pasiunang pag-ampo nga anaa sa Mag-ambahan)
6. UNANG PAGBASA Alagad
: Manglingkod kita ug atong paminawon sa tumang pagtahud ang pulong sa Dios.
Magbabasa
: Ang pagbasa kinutlo gikan sa . . . Ang pulong sa Ginoo.
Tanan
: Salamat sa Dios.
Alagad
: Maghilom kita makadiyot aron sa pagpamalandong sa pulong sa Dios. (Hilom)
7. SALMO RESPONSORYO Magbabasa o Cantor
: (Salmo responsoryo – ang tubag . . . I-chant o basahon ang tubag katawhan ug mopadayon sa mga berso.)
8. IKADUHANG PAGBASA Magbabasa
: Ang pagbasa kinutlo gikan sa . . . Ang pulong sa Ginoo.
Tanan
: Salamat sa Dios.
Alagad
: Maghilom kita makadiyot alang sa pagpamalandong sa pulong sa Dios. (hilom)
9. PAG-PASIDUNGOG SA EBANGHELYO Alagad
: Manindog kita ug atong pasidunggan ang Ebanghelyo. Atong awiton ang Aleluya.
10. EBANGHELYO Alagad
: Ang Ebanghelyo sa atong Ginoo sumala ni San . . .
Tanan
: Himaya-on Ikaw, O Ginoo.
Alagad
: Ang Ebanghelyo sa atong Ginoo.
Tanan
: Daygon Ikaw, O Kristo.
11. KOMENTARYO Alagad
: Manglingkod kita ug paminawon ang Komentaryo o Homily nga makatabang kanato sa pagsabot sa pulong sa Dios nga atong nadungog. (Basahon ang Komentaryo o Homily)
12. PAGPADAYAG SA PAGTUO Alagad
: Manindog kita ug atong ipadayag ang atong pagtuo.
Tanan
: Nagatuo . . .
13. PANGAMUYO ALANG SA TANAN (Ang Pangamuyo nga inamdam sa Parokya mao ang gamiton, kung duna; apang kung wala gamiton ang pangamuyo nga makit-an sa Mag-ambahan.)
III.
PAG-AMPO SA PAGDAYEG UG PAGPASALAMAT 14. PAGTIGOM SA MGA HALAD Alagad
: I-andam nato akaron ang atong gasa alang sa atong mga igsoon nga nanginahanglan ug sa mga panginahanglan sa atong kapilya. Manglingkod kitang tanan. (Samtang gi-andam ang mga halad mahimong mag-awit sa imno nga haom sa tema o panahon sa kasaulogan.)
15. PROSISYON sa PAG-HALAD (Ang mga halad nga natigom i-prosisyon ngadto sa altar. Pagadawaton kini sa Alagad.)
16. PAG-AMPO SA PASALAMAT Alagad
: Manindog kita. Ang tanan nga ania kanato gasa sa Dios. Niining halandumong panahon sa pagkatawo sa atong Ginoo, atong pasalamatan ang atong Amahan tungod sa Iyang paghatag kanato sa Iyang Anak, nga atong Manunubos. Moingon kita: Salamat Kanimo, Amahan.
Tanan
: Salamat Kanimo, Amahan.
Alagad
: Tungod sa katahum sa tanan Mong mga binuhat, sa kalan-on nga gihatag Mo kanamo matag-adladw, sa kabaskog sa among lawas, ug sa kabuotan sa among mga kabataan, ug labaw sa tanan, tungod sa Imong hingpit nga g ugma kanamo.
Tanan
: Salamat Kanimo, Amahan.
Alagad
: Tungod sa Imong paghatag kanamo sa Imong anak, nga natawo ni Santa Maria nga Birhen didto sa Bethlehem.
Tanan
: Salamat Kanimo, Amahan.
Alagad
: Tungod sa Imong pagdapit kanamo sa kabulahan ug kahingpitan ug sa kaluwasan nga tunhay nga ma-angkon namo unya pinaagi sa among matinuho-on nga paghigugma ug pag-alagad Kanimo.
Tanan
: Salamat Kanimo, Amahan. (Dinhi mahimo isunod ang “espisyal nga pasalamat”)
Alagad
: Diha sa kahilom atong pasalamatan ang Dios sa Iyang mga gasa sa tagsa-tagsa kanato (Hilom makadiyot.) Amahang Langitnon, dili maisip ang mga gasa nga Imong gihatag kanamo. Agi’g pasalamat, among ihalad Kanimo ang among kasingkasing timaan sa among tinguha sa pagtuman sa Imong Santos nga kabubut-on.
Nangamuyo kami sa Imong panabang aron magmasinugtanon kami Kanimo maingon nga si Jesus nagmasinugtanon hangtud sa kamatayon. Kini among gipangayo pinaagi ni Kristo, among Ginoo. Tanan
: Amen.
