BISMILLAH HIR RAHMAAN NIR RAHEEM Sa phrase-la, li remplie de vertus et bénéfices. Hazrat Ali r.a. fine dire “Bismillah‟, c‟est la clé du QURAN SHAREEF, c‟est a dire l‟ouverture de tous les Sura du Glorieux Quran, excepté le Sura At Tauba, et aussi Bismillah, li la clef de tout travail et affaires dans deen (religion) et dans duniya. C‟est a dire ki sans ‟Bismillah‟, le travail ki ene musulman faire, li incomplète. Par exemple, si ene dimoune faire wazou sans li dire Bismillah avant, so wazou pas pou complet. (Hadith Abu Daoud). Et Rassoulullah s.a.w. fine dire: “Celui ki désire complète so travaille et gagne succès, li besoin commence so travail au nom d‟Allaah (Bismillah)”. D‟après tafsir Ruhul Bayan, tou le jours ene musulman quand li commence so travail, li besion dire „Bismillah‟ pou li gagne barkat. Coumme ça même, avant manger, boire, dormi et même avant relation conjugales aussi, ene musulman besoin dire „Bismillah‟. Aussi, si ene dimoune dire „Bismillah‟ avant li prend so médicaments, certainement Allaah pou donne li guérison. Ainsi si 1 dimoune dire „Bismillah‟ avant chaque pas ki li faire dan so la vie, li pou gagne bénédiction d‟Allaah être li pou réussi. Hazrat Maghdoom Ashraf Jahangir r.a. fine montrer manière capave lire „Bismillah‟ dans des circonstances différentes pou gagne bénéfices divers. Par exemple:1. Si dan ene lacaze, pas ene entente entre les membres d‟une famille, ene parmi zotte besoin lire „Bismillah hir rahmaan nir Raheem (786) fois entre Sunnat et faraz du Namaaz Faj‟r, ensuite li soufler dan ene verre de l‟eau ou bien du sucre et zotte tou boire ou manger. Besoin faire
coumme ça au moins 11 jours a suivre. Capave faire pendant plus de jours aussi sa façon la so barkat, c‟est pour augmente l‟amour entre ene missié et so madame. Entre parents et zotte enfants aussi. 2. Si ene dimoune malade et li souffert de douleur, li besoin, trois jours de suite, lire „Bismillah hir Rahmaan nir Raheem’ 100 fois et souffler place cotte li ena douleur et souffler dans de l‟eau et li boire: Insha Allaah, so douleur pou disparaître. Ene l‟autre dimoune aussi capave faire coume ça pou ene dimoune malade. 3. Si, avant dormi, ene Musulman lire 21 fois „Bismillah
hir Rahmaan
nir Raheem‟, et souffler lors li et autour li, Insha Allaah li pou protéger du mal, ainsi ki so lacaze de vol etc. 4. Si ene Musulman fine accable dan ene situation cotte li senti li ne plus capave trouve aucaine solution, li besoin lire 12,000 fois „Bismillah hir
Rahmaan nir Raheem‟
coumme ça: chaque fois après ki li finn lire 1000……….., li besion lire 2 rakaats salaatal Haajate (avec, dans chaque rakaat, 1 fois Alham et 3 fois Qulhou Allaah hou Ahad ) et, après salaam, li lire 11 fois Darood Shareef et demande duahs, Allaah Taala pou accord li ene aide ki li pas ti espérée, si li faire coumme ça même „sept‟ 7 jours a suivre. 5. Si ene dimoune so la tète faire mal terrible, li besoin écrire lor en papier blanc 11 fois Bismillah hir Rahmaan nir Raheem en arabe, après li attache a papier la lor so front ou la tete: Insha Allaah so douleur pou disparaître.
SURAT AL-FATIHA Sa Sura-la aussi, li rempli de vertus et de bénéfices sans égal. D‟après Hadith Muslim Shareef ene farishta ti descendre depi le ciel pou offrir des félicitations spéciales a Rassoulallaah s.a.w. et ti dire au prophète d‟Allaah: ”Ya Rassoulallaah s.a.w. sa Sura AL FATIHA la li comme sa rempli de lumière et de grâce d‟Allaah ki jamais aucaine prophète avant ou ti gagner, Et ene sura de ça valeur la, pas ena dans aucaine livre sacré ki banne prophètes ti recevoir avant”.
A cause de l‟importance du Sura AL FATIHA et de so vertus fort nombreuses, Rassoulallaah (s.a.w.) fine faire so récitation waajib dans chaque rakaate des namaaz. D‟après Hadith Baheeqi Shareef, Nabi-e-Karim (s.a.w.) fine appelle Sura Al fatiha „Surat us Shifa‟ aussi (Sura de la guerison). C‟est pour sa ki banne sahabas ti ena l‟habitude lire Sura Al fatiha et souffler lor zotte quand zotte ti ena des problèmes de sante. 7. Hazrat Syed Abdul Qadir Jilani r.a. Ghauss-ul-Azam Dastageer, dire ki sa façon la mo fine gagner de Sayyedena Imam Jaafar Swadiq r.a: si ene dimoune fin gagne la fièvre, ena l‟autre dimoune besion lire 41 fois Sura Al fatiha et souffler dans ene verre de l‟eau et ensuite li trempe so le doigts la main droite la dans et puis li jongler de l‟eau la dans figure dimoune ki ena la fièvre la. Insha Allaah so la fievre besoin disparaître. Quand même ki qualité fort la fièvre la ete, Insha Allaah li besoin disparaître si ou faire coumme ça même trois fois de suite. Hazrat Khwaja Gharib Nawaaz (r.a.) dire ki dans Sura fatiha ena soulagement dans tout sortes de maladie et de douleur et li dire ki si ene dimoune pas pe bien même avec médicaments, li besoin, entre Sunnat et Faraz de namaaz fajr, lire Sura Al Fatiha 41 fois puis li soufler lor li et dans ene verre de l‟eau ki li besoin boire Insha Allaah, li pou gagne guérison complète parce ki Rasoulullaah (s.a.w.) fine dire ki Sura Al Fatiha, li ene remède pour toutes les maladies. 8. Hazrat Khwaja Nizamuddin, Mehboob-e-Illaa-hee r.a. fine dire ki tous les Shaykhs du Silsila-e-Chistya zotte recommande a l‟heure des difficultés et aussi pou crée amour entre deux le-cœur pour lire Alhamdo comme sa entre Sunnat et faraz du namaaz fajr:-
11 fois Darood Shareef
41 fois Sura Fatiha comme sa: Bismillah hir rahmaan nir Raheem Mil hamdo lillaahi rabbil
allaameen…….. (jusqua walad dwaalleen) puis recommencer comme sa meme. A noter ki besoin faire ene liaison entre “Raheem so Meem” et “Alhamdo so Laam” c.a.d….. Raheemil hamdo…….. ensuite 11 fois darood shareef encore. Puis faire duah pour ki Allaah par so barkat sa sura la exauce ou désire e donne ou succès. Apres doah lire 11 fois darood Shareef encore puis soufler dans ene verre de l‟eau lor du sucre ou quitchose doux et donne sa dimoune ki oule ki dans so le Cœur gagne l‟amour, l‟amitié pour ou. Insha Allaah ou pou réussi.
POUR KI DIMOUNES ENA SENTIMENTS FAVORABLE POUR OU 9. Si ene dimoune pe faire démarche pou gagne ene kitchose ki li besoin (travail mariage etc.) ou bien li pe alle dans ene interview etc….. li besoin AVANT lire 11 fois Darood Shareef puis li besoin lire le 4 Qul 3 fois chaquaine et lire Sura fatiha coumme sa:-
Bismillah hir rahmaan nir Raheem Alhamdulillaahi rabbil aalameen (582 fois) DIMANCHE :-
LUNDI :- Arrahmân
nir Raheem (618 fois)
MARDI :- Maalikee
yawmiddeen (242 fois)
MERCREDI :- Iyyaka JEUDI :- Ehdinas
Na’aboudu Wa iyyaka nas ta een (636 fois)
swiraatwal moustaqeem (1073 fois)
VENDREDI :- Sweratal SAMDI :- Ghairil (1304 fois)
lazeena an amta alaiy him (1807)
Maghdoubi alaihim wa lad dwaaalleen Ameen
Tous les jours, quand li lire, li besoin souffler lor ene attar, et aussi lor so lamain et passe or so figure. Et li besoin passe attar la lor linge avant li alle joindre dimounes qui pou décide lor so sujet. Si ene dinmoune ena douleur vente, lire sa doah la, souffler lor du sel et mette dans manger:-
Ya Razzaaqo zul qouwwatil mateen (7 fois) Ya Daafeal Baliyyaate idfa haazal balla-a. ya Shaafeal amraade ishfe haazal mard (3 fois) Sura Fatiha (3 fois)
SURAH AL BAQARA Nabie-e-karim s.a.w. fine dire ki lacaze cotte ene dimoune lire sura baqara, Shaitan pas capave jouer ditout ladans. Sorcellerie aussi pas pou capave atteindre sa lacaze la et so occupants. (Tirmizi Shareef) 11. Si ene dimoune senti so lacaze lourd, li gagne frayeur dans so lacaze ou bien ki li senti ki so lacaze pena l‟éclairage ni barkat, li besoin lire Sura Baqara tous les semaines 1 fois jusqu‟a 5 semaines et, chaque fois, li souffler lor de l‟eau et arose les murs intérieurs de so lacaze et lor plafond. Insha Allaah, li pou senti li vine leger, so lacaze aussi, et pour ena barkat. 12. Quand ene Musulman pe construire ene lacaze e li fouille fondations. Li besoin lire Sura Baqara, souffler dans de l‟eau et arrose de l‟eau la dans le quatre coins. Insha Allaah, so lacaze pou protéger contre Shaitan et sorcellerie.
AAYATUL KURSI 13. Celui qui, après chaque namaaz lire Ayatul Qursi, Insha Allaah li pas pou dépende lor personne et li pou mort avec imaan.
14. Celui qui, avant dormi, lire Ayatul Qursi et souffler dan 4 coin so lacaze, so lacaze pou protéger contre le vol l‟incendie et méchanceté de Shaitan.
SURA 12 YUSUF 15. Celui ki fine perdit fine so travail, ou finn suspendu dans so travail, ou encore ki so chef faire dominere lor li, si après Namaaz Maghrib, li lire Sura Yusuf 1 fois, et demande doah, Insha Allaah li pou regagne so travail et so chef pou ena pitié pou li.
SURA 18 AL KAHF 16. Celui ki accablé par de dettes et li pas réussi paye so dettes, li besoin, après Namaaz Jummah, lire Surah kahf 3 fois, Insha Allaah, li pu gagne ene l‟aide inattendu pou débarrasse so fardeau.
17. Celui ki lire Surah Kahf dans so travail ene vendredi, pou gagne beaucoup barkat dans so travail.
SURA 23 AL MOMENOUN 18. Si ene dimoune li pas mène ene la vie Islamique et li ena vice jouer, boire, etc. lire Sura Al Monenoun, souffler lor de l‟eau ou manger et donne li. Insha Allaah, li pou changer et vine ene bon Mussalman.
SURA YAASEEN 19. Rassoulallaah s.a.w. fine dire ki Sura Yaaseen li le Cœur du Qur‟an Shareef. Le Prophète d‟Allaah fine dire à Hazrat Ali r.a. ki celui ki lire Sura Yaaseen tous le jours, li pou gagn 20 differents faveurs d‟Allaah telles que so la foi pou fortifie, li pou gagne goût dan Ibaadates, li pou gagne succès partout, li pou bien protéger.
Celui ki lire Sura Yaaseen le matin, so la journée pou passe aisément, et celui qui lire le soir, so la nuit pou passe bien.
SURA 40 MOMEEN 20. Celui ki gagne boutons, la gale, eczéma, abcès etc. lire tous le jours 1 fois Sura Momeen, souffler lor de l‟eau et boire. Insha Allaah li pou gagne guérison.
SURA 55 AR RAHMAAN 21. Celui ki lire Sura Ar Rahmaan tous le jours, li pou vine ene créature reconnaissante a Allaah et so doah aussi pou valables devant Allaah Taala.
SURA 56 WAAQEEAH 22. Nabi e Karim s.a.w fine dire ki celui ki lire Sura Waqeeah, jamais li pou dépend lor quiquene pou so manger, boire. Khwaja Moynuddeen Chisty Ajmeri (r.a.) fine dire ki celui ki lire Sura Waqeeah régulièrement après namaaz Maghrib Allaah pou sauve li de la misère et des problèmes domestiques.
SURA 61 SWAFF 23. Si ene enfant pas pe obéir so parents, li content distractions, lire 3 fois Sura Swaff, souffler lor li, ou bien souffler lor ene kitchose doux et donne li manger, Insha Allaah, li pou vine bon et obéissant.
SURAH 62 JUMMAH 24. Si ene madame ek so missié pas d‟accord, ena souvent discussions
amères entre zottes, ene des deux besoin lire Sura Jummah 3 fois après namaaz Jummah, faire doah et souffler dans de l‟eau et boire la moitié et donne la moitié a so conjoint. Insha Allaah, pou ena Mohabbat entre zotte.
SURA 67 MULK 25. Rassoulallaah s.a.w. fine dire:- Celui ki lire Surah Mulk le soir, Allaah pou protégé li contre azaab-e-qabar (Hadith Nissai) Celui ki lire Sura Mulk quand trouve nouvelle lune, Insha Allaah, pendant ene mois, li pou gagne ene la vie paisible et li pou bien protéger contre toutes sortes des problèmes.
SURAH 86 AT-TARIQ 26. Celui ki so manger pas digérer, ou bien tout le temps li gagne nausée, li envie vomi, lire sa 3 fois, souffler dans de l‟eau et boire. 27. Si ene dimoune ena malade zoreille ki faire mal, lire sa Sura Taariq la 3 foi, souffler dan de l‟huile moutarde et mette gouttes dans oreilles.
SURA 94 NASHRAH
28. Si ene commerçant lire „Alam Nashrah‟ 3 fois et souffler lor so marchandises, Insha Allaah li pou vende zotte rapidement avec bénéfices. 29. Si ou senti ene douleur dans ventre, ou dans le Cœur, ou bien dans poitrine, lire Sura Nashra 7 fois et souffler dans de l‟eau et boire. Coumme sa même, si ene dimoune fin gagne pierre dans les reins, faire pareil. (Recommande par Khwaja Gharib Nawaaz r.a.)
SURA 97 QAD’R
30. Si ene maman pas ena assez du lait pou so bébé, li besoin lire Sura Qadr 21 fois et souffler lor ne nourriture et manger. Pendant 3 jours, li besoin faire coume sa. Insha Allaah, li pou capave allaite so bébé bien.
SURA 101 AL QARIYA 31. Si ene homme ena mauvais relation avec ene madame et, li finn attacher a sa personne la, pou brise sa relation la, so maman ou so madame ou ene l‟autre dimoune besoin lire 13 fois Sura Al Qaariya, faire doah, souffler lor du sucre et mette dans du the, par exemple, et donne Ii boire. Faire coumme ça même pendant 13 jours au moins.
SURA 105 FIYL 32. Celui qui désire sauve li depuis so ennemis e de la calomnie, li besoin lire Sura Fiyl 100 fois et demande doah.
SURA 108 AL KAUTHAR 33. Si ene madame pas ena zenfant et désire ene zenfant, li besoin lire Sura Al Kauthar 500 fois tous le jours et demande doah et cela régulièrement pendant 3 mois Insha Allaah, li pou gagne ene zenfant.
SURA 109 KAAFEROUNE 34. Pour toutes sort de maladie psychologiques et douleur besoin lire Sura Al Kaaferoune 1001 fois ensemble avec Bismillaah Hir Rahmaan nir Raheem, et souffler lor de l‟huile moutarde et quand ene dimoune malade, mettre ene goûte sa de huile la dans so zoreille avant dormi et cote ena douleur; besoin frotter avec sa de l‟huile la. Coumme sa même; si ena ene dimoune ki faire de mauvaise rêve ki faire li peur, ou bien li senti li ki ena “bala” lor li, dans ces cas aussi, besoin mettre de l‟huile par gouttes dans so zoreille Insha Allaah li pou bien.
SURA 110 NASR 35. Pour remporte le succès en toutes choses, ki lor ennemis, dans ene procès, ou bien dans l‟examen, besoin lire 1001 fois Sura Nasr (Iza jaa‟a…), besoin lire ensemble avec Bismillah hir Rahmaan nir Raheeem ensuite demande duah. Insha Allaah ou pou réussi.
SURA 111 LAHAB 36. Si ene dimoune pe subir domination et zotte oule transfère li, li besoin lire Sura Lahab 19 fois pendant 19 jours apres namaaz Esha et ensuite li demande duah, Insha Allaah so l‟ennemis pas pu réussi faire li narien.
SURA 112 IKHLAS 37. La personnne ki oule gagne demande en mariage, li besoin, AVANT DORMI; lire 2 rakaats Nafil et, après Salaam, lire 11 fois Darood Shareef, puis 41 fois Qul hou Allaah hou Ahad, ensuite lire 11 fois Darood Shareef encore, et demand duah puis souffler dans so la main et passe lor so figure. Faire coumme ça même pendant 90 jours. A noter ki, pour le jours de so Haiz (période) ki li fine rater, li besoin remplacer après. A noter aussi ki après so duah, li besoin pas causer avec personne et li alle dormi.
38. Si ene dimoune gagne doute ki quicaine fin faire méchanceté lor li (sorcellerie), li besoin lire Sura falaq 100 fois et Sura Naas 100 fois, souffler lor de l‟eau et boire, ene l‟autre dimoune aussi capave faire sa duah la pou li.
39. Si ene zenfant fine gagne li-zie et li sauter dans so sommeil et plorer; besoin, après Maghrib, lire les 4 Qul 3 fois chacaine et souffler lor li.
40. Quand ene madame gagne douleur et ki ena difficulté pou li met so bébé au monde, besoin lire 7 fois sa duah la, souffler lor ene kitchose doux et donne li manger; Insha Allaah tout pou passe bien: “Bismillaah hir Rahmaan nir Raheem izas samaaoun shaq qatt wa azenatt li Rabbiha wa houq qatt wa izal ar‟dou moud datt wa alqatt maa feeha wa takhal latt‟‟ (Sura 84, V:1,2,3,4)
41. Celui ki senti ki li pe vine impuissant, ou bien li impuissant meme, lire sa duah la (ene l‟heure fixe tout les jours) 41 fois et souffler lor du miel et mélanger avec du lait et boire a jeun pendant 40 jours. Insha Allaah, li pou gagne so virilité.
Bismillah hir Rahmaan nir Raheem: Kaaf Ha Ya Ain Swad Ya Hayyo Ya Qayyoumou Ya Ahadou ya Swamadou ya fardou ya Wittrou ann Ta’ala minal fitnati Wa taq dirahou aalal jami’i be hour maté Sayyedena Mohammadin Swallallaahou Alaihe Wa aalehi Wa sallam. 42. Si ene dimoune fine gagne mauvais air et perdi connaissance ou bien li raidit ene qualité; ou bien li faire crise, lire sa duah la et souffler lor li et souffler dans de l‟eau aussi et jongler de l‟eau lor li.
Bismillaah hir Rahmaan nir Raheem Alif Laam Meem Swad Twaha Twa Seen Meem Yaseen Wal Qu’ranil Hakeem Haam Meem Ain Seen Qaaf Noun Wal Qalame Wa maa Yasto roune! 43. Hazrat Asma (r.a.) fille de Hazrat Abou bakr Siddiq (r.a.) fine dire ki celui ki après namaaz faraz Jummah ( apres Sallam et avant ki li change place lire Qul hou Allaah, Qul aouzo be rabbil falaq, Qul aouzo be rabbin naas, 7 fois chacaine Insha Allaah li so madame et so zenfants pou gagne la benediction d‟Allaah et la securité, cote din couma coté materiel jusqu‟au prochain Jummah.
44. Si ene zenafant li distrait et li pas oulé concentré lor so études so parent besoin lire 21 fois sa duah la après namaaz Fajr et souffler dans de l‟eau ou dans ene quikchose doux et donne li boire ou manger et Insha Allaah enfant la pou apprendre bien.
“Rab bish rahli swadri wa yas Sirli amree Wah loul Oqddatam mil lisaani Yaf Qahou Qawli” Si ene zenfant habitué bégayer, faire pareil continuellement et Insha Allaah, li pou capave cause bien.
45. Si ene dimoune pas pe capave faire face so banne ennemis ki dans travail ki autour so la caze li besoin lire sa duah la 111 fois tous le s jours Allaah pou aide li et so banne l‟ennemis pou gagne déshonneur:-
Allahoumma Rabbi Inni Magh lou bounn Fann taswirr 46. Celui ki desire gagne la paix et la sécurité ensemble avec imaan, dans so la vie; li besoin après chaque namaaz lire sa duah la:
Rabbana Afrigh Alayna Sabraun Wa thabbit aqdaamana Wan Sourna alal Qawmil Kaafereen 47. Hazrat Aisha Siddiqa (r.a.) fine dire ki Nabi e Kareem (s.a.w.) ti ena l‟habitude pour lire sa duah la après namaaz et celui ki lire sa duah la après Namaaz, Insha Allaah jamais li pou devié du droit chemin:-
Rabbana la tou zigh qouloubana ba’da izz hadaitana wahab lana mil ladoun ka rahma, innaka antal wahab (Sura 3, V: 8) 48. Celui ki récite sa duah la après chaque Namaaz Insha Allaah li même, so madame, so zenfants pou reste dans chemin de l‟islaam et pou ena la bonte:-
Rabbana hab lana minn azwa jina wa zourr riyaa tina qourrata
aaya niwn wa ja’alna lil mouttaqeena imaama (Sura 25, V:74) 49. Houzour Sayyadena Ghaws Paak (r.a.) li ti tout le temps montrer sa doah la a banne dimounes ki ti ena des problèmes différents:-
Bismillaahe Al Waaséo Jalla Jalaalo hou Avant dormi besoin d‟abord faire wazou lire 2 rakaats Nafil et après salaam récite 11 fois Darood Shareef et lire sa duah sous-mentione 100 fois, ensuite récite encore 11 fois Darood Shareef et faire duah. A noter ki par sa duah la so barkat Insha Allaah, ou pou protégé des ennemis, ou chef pou bien intentionné envers ou, ou pou gagne l‟honneur dans la société, ou pou gagne progrès matériel, progrès spiritual aussi. Si ene madame lire sa duah la, colère so missier pou disparaître. Coumme sa même, si ene homme lire sa duah la, colère so madame pou disparaitre. Si ene parent lire ça duah la , so zenfant pou vine obéissants. Si pa pe gagne nouvel lor ene dimoune ki pas conner cotte li été, lire sa duah la et, Insha Allaah ou pou gagne so nouvelle. Si possible, quand fini lire sa duah la, souffler lor du sucre et donne banne dimoune ki ou envi zotte gagne mohabbat pou ou, sinon souffler dans direction cotte sa banne dimoune la habiter. Besoin faire coumme sa pendant 40 jours au moins, et parfois, besoin continué jusqu‟a 90 jours. A noter ki ou pou réussi dans différents zaffaires selon niyyat ki ou pe lire sa duah la.
QUI BIZIN LIRE AVANT DORMI 50. Hazrat Ali (r.a.) raconter ki ene jour Rasoulallaah (s.a.w.) apres ZOHAR ti pe faire taqrir dans masjid, après le Prophète s.a.w. finne alle la caze et peu après, li faire appel a moi (Hazrat Ali r.a.) Quand mon alle auprès du Prophète s.a.w li dire moi: “Eh Ali, tous le jour savant dormi, faire sa 5 travail la:1. Lire entierement le Qur‟an Shareef.
2. Donne 4,000 dinars argent en SADQA au nom d‟Allaah 3. Faire ene OUMRAH tous le jours 4. Mettre d‟accord deux musulmans qui en conflit 5. Faire ene action qui paye le prix de jannat Hazrat Ali r.a. dire: “ Ya Rassoulallaah pou faire sa quantiter travail la tous le jours, mo pena la force ni le moyens. Lerla, Rassoulallaah s.a.w. réponde: “Eh Ali pou ene Musulman qui fine rempli so obligation islamiques namaaz, roza, haj, zakat et qui avant dormi, li lire: (3 trois fois) Sura IKHLAS Qoul houwallaahou donne li sawab lecture ene Qur‟an Shareef.
Ahad,
Allaah Taala pou
Ainsi, si ene dimoune lire: (4 quatre fois) Sura AL-FATEHA Alhamdou lillahi Allaah pou donne li 4,000 dinars so sadqa so sawab.
Rabbil Aalamin,
Coumme sa même, si li lire: (4 quatre fois) KALMAE-TAMJID Soubhanallaahe Allaah pou acorde li sawab ene oumrah. (ti haj)
Walhamdolillaahe….,
Et encore, si li dire: (10 dix fois) ASTAGHFAR Astaghfirullaaha Rabbi……., Allaah donne li sawab ene réconciliation entre deux musulmans.
Enfin, si ene dimoune lire: (3 trois fois) DAROOD SHAREEF AVANT DORMI Allaah considérer couma
dire li fine paye le prix de Jannat. Rassoulallaah s.a.w. dire: “ Eh Ali, sa ene grand faveur d‟Allaah pou ou et pour tout autre musulman. Alle annonce sa banne bon nouvelle la banne sahabas pou qui zotte aussi faire sa banne bon travail la avant alle dormi.” Allaah donne nou aussi sa L‟occasion la faire couma Rassoulallaah s.a.w. fine recommander. Ameen.
Istikhârah Namaaz Istikhara veut dire namaaz ki ene banda faire pou so recherche “guidance” Allaah dans ene travaille ou n‟import ki projet ki li oulé entreprendre. L‟intention ki ene banda faire sa namaaz la, c‟est ki nous, les créatures, nous pas conne l‟avenir, nous pas conne grand chose alors ki Allaah le Createur, Li Aalimoul Ghaib Was Shahaada, Li Tout Puissant, Li Omniscient (Li conne tout). Hazrat Jabir r.a. rapporter, d‟apres Hadith Bokhari Shareef, Texte arabe – anglais, Vol. 8, Hdh No. 391, ki “Rassoulallaah s.a.w ti habituer enseigne nous (les sahabas) Istikhara pour n‟importe quel projet ki nous ti entreprendre”. Besoin faire 2 rakaats Nafil, avec niyyat pou Salaati-Istikhara. Dans 1er Rakaat, lire Alhamdou et Qoul yaa Ayyouhal Kaaferoune et 2eme rakaats lire Alhamdou et Qoul hou Allaahou Ahad. Apres Salaam, Lire Darood Shareef et récite sa duah la:-
“Allahoumma in-ni astakhi ruka bi ilmika wa astaq diruka bi qudratika wa as aluka min fadlikal azeem fa innaka taqdiro wa laa aqdiro wa talamu walaa a’lamo wa anta allaamul ghuyoob. Allahumma in kunta talamu anna HAAZAL AMRA khairoun li fi deeni wa ma’aashi wa aaqibati amri wa ajali amri wa aajilihi faq durhu li wa yassir hu li summa baarik li feehi wa in kunta talamu anna HAAZAL AMRA shar roun li fi deeni wa ma’aashi wa aaqibati amri wa ajali amri wa ajilihi fasrif-hu anni waq dur lil kharia haiso kaana summa ardeni bihi”. Quand ou lire sa duah la, mentionne ou projet précisément le temps ou arrive aux mots “HAAZAL AMRA” c.à.d. ou prononce ces deux mots et ou annonce ou projet. Quand fini lire sa dual la sans causer, besoin allé dormi, le visage tourne
vers Qibla (Kaaba Sharif). A noter kid sa namas la, ENA banda faire quand li pas conne ki profitable pou li, ki pas profitable pou li et ki li pe recherche guidance Allaah pour sa ki favorable pou li dans din et duniya a la fois. Sa namaaz la li bon faire li pendant 7 jours a suivre. Insha Allaah, dans ou rêve ou pou gagne ene réponse. Si c‟est ene projet ki pas pou profitable pou ou, ou le Cœur même pou dégoûter, pou détourner de sa. Par contre si c‟est un projet profitable, ou le Cœur pou gagne goût et ene désire grandissant pou réalise li. Hazrat Shaykh Ala‟uddin r.a. fine dire ki si dans ou rêve ou trouve ene kitchose blanc ou vert, sa veut dire qui c‟est bon et ki ou capave alle de l‟avant dans sa projet ou désir. Et si c‟est la couleur noir ou rouge, ça ene signe défavorable et ki ou besoin arrêter dans sa projet la. A noter que ces couleurs zotte interpréter coumme sa juste pour ce qu‟il s‟agit du Namaaz Istikhara. Mo faire ene apel a mo banne frère et sœurs pou lire ces Wasifas Qur‟aniques et après dans ou duah, pense a tous les autres Mussulmans aussi sans oublier ou banne frères du Al Aqsa Sunni Centre pou ki Allaah Taala donne nous courage pou poursuivre notre mission de l‟Ahle Sunnat Wal Jama‟at. Fi Amaanillah !
(s) Syed Ahmad Ashraf Jilani Al Aqsa Sunni Centre (14-08-1408 Hijriy) (09/08/1987)
